Македонија
(Видео) Ковачевски: Не оставивме никого сам во време на криза, но тоа не е доволно, мора да направиме повеќе за граѓаните

СДСМ е седум години на власт, и во време на криза како вистински социјалдемократи бевме рамо до рамо со граѓаните, никој не беше оставен сам, порача претседателот на Социјалдемократскиот сојуз на Македонија, Димитар Ковачавески, на денешната заедничка прес-конференција со европратеникот Андреас Шидер.
Ковачевски потренцираше дека во изминатите седум години, Владите предводени од СДСМ, и покрај тоа што работеа во услови на тешки кризи, како што беа ковид кризата, економската и енергетската криза, направија многу работи во интерес на граѓаните и државата, и се преземаа правилни мерки за справување со предизвиците.
„Сѐ се тоа вонредни услови за работа, но, ние како вистински социјалдемократи, целиот тој период бевме рамо до рамо со граѓаните, не оставивме никого сам. Вративме 2,6 милијарди евра назад кај граѓаните во форма на поддршка за да полесно ги пребродат кризите. Во тој период обезбедивме нови вработувања,ј ја намаливме невработеноста од 25% во 2016 година на 12% колку што е денес. Направивме сѐ за земјата да биде препознаена од странските инвеститори за посакувана дестинација, за да имаме рекордни странски директни инвестиции, кои минатата година достигнаа ниво од над 750 милиони евра, споредено со 2016 година кога беа само 350 милиони евра“, рече Ковачевски.
При тоа Ковачевски посочи дека Владата предводена од СДСМ, успеа да реализира во изминатите 7 години голем број од плановите и од програмите што беа планирани, но дека има уште многу работа до исполнување на очекувањата на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големиот пожар кај струшко Октиси ставен под контрола

Директорот на Центарот за управување со кризи, Мухамед Али, и заменик-министерот за земјоделство, шумарство и водостопанство, Албрим Хоџа, се присутни на терен кај селото Октиси, каде што беше активен голем пожар.
Од Центарот за управување со кризи информираат дека пожарот, иако имал големи размери, е ставен под контрола, но на одредени места сè уште има чадења кои се внимателно следени од екипите на терен.
Во гаснењето дејствува и авион „Ер трактор“ од ДЗС, кој интервенира од воздух, како и шестмина пожарникари и едно противпожарно возило од ТППЕ – Струга, 10 лица од Јавното претпријатие „Македонски шуми“, две возила „Пинцгауер“ од ДЗС и локални жители.
„Благодарение на навремената интервенција, координацијата на сите служби и несебичната помош на локалното население, спречено е ширење на пожарот кон населени места“, велат од ЦУК.
Македонија
Поради пожар, затворен за сообраќај патот Македонски Брод – Скопје

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, информира АМСМ.
Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила на граничните премини.
На ГП Табановце, времето на чекање за влез и излез од државата изнесува околу 15-30 минути. На останатите гранични премини од македонска страна нема подолги задржувања при влез или излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре и за време на викендот сончево време

Времето утре ќе биде сончево со умерена облачност. Ќе дува слаб до умерен ветер од североисточен правец. Минималната температура ќе биде во интервал од 11 до 20, а максималната ќе достигне од 29 до 36 степени, информира УХМР.
Во Скопје, сончево со умерена облачност. Ќе дува слаб до умерен ветер од северен правец. Минималната температура ќе се спушти до 18, а максималната ќе достигне до 36 степени.
Во деновите од викендот ќе преовладува сончево време со умерена облачност. Во попладневните часови ќе има услови за изолирана појава на нестабилност со пороен дожд и грмежи.
Во првите два дена од новата седмица времето ќе биде променливо облачно, на повеќе места нестабилно со пороен дожд, грмежи и услови за локално невреме со засилен ветер и изолирана појава на град.