Македонија
(Видео) Ковачевски: Планот за раст го отвора патот кон единствениот европски пазар, кон просперитет и полноправно членство во ЕУ до 2030 година
Претседатетелот на Владата на Република Северна Македонија, Димитар Ковачевски, се обрати на Лидерскиот состанок посветен на Планот за раст за Западен Балкан, усвоен од Евроската комисија.
„Пред два месеци министрите за финансии и главните преговарачи за ЕУ имаа средба исто така во Скопје за детално да разговараат за Планот за раст на ЕУ усвоен за Западен Балкан.
Тој план претставува повеќестран инструмент ги надминува економските стратегии. Тој претставува реална движечка сила и го осветлува патот кон меѓуповрзана и просперитетна иднина на Западен Балкан, бидејќи се стреми кон заедништво со Европското семејство. Овде би сакал да им се заблагодарам на вицепремиерот Маричиќ и на министерот за финансии Бесими што ја организираа и што беа домаќини на дискусијата затоа што тогаш се покренаа многу активности и планови што ќе постават нова динамика во спроведувањето на инструментот“, рече Претседатетелот на Владата, Ковачевски.
„Денес ја креваме таа суштинска дискусија на ниво на лидери. Жал ми е што премиерката на Бих, Борјана Кришто, денес не можеше да ни се придружи лично, бидејќи е домаќин на претседателката на ЕК, Урсула фон дер Лејен. Таа ќе ни се приклучи преку видео порака во текот на денот.
Би сакал да ја искористам оваа прилика да се заблагодарам на Генералниот директор Копман кој ја согледа важноста од спојувањето на материјалните резултати, испорачаните работи и реформите со нашиот процес на преговори. Овој докажан пристап се покажал како ефективен во минатото и денес само го надградуваме тој успех.
Исто така, оддавајќи признание за стратешкото партнерство што САД го има со ЕУ, би сакал да се заблагодарам и на помошник државниот секретар О’Брајен за неговата непрекината поддршка и за тоа што се наш сигурен сојузник. Неговиот постојан влог на нашиот европски пат придонесува кон нашата заедничка цел насочена кон унапредување на мирот и стабилноста во свет оптоварен со конфликти“, изјави премиерот Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити-Вал: заедничка цел зајакнување на правната држава, борбата против корупцијата
Првиот вицепремиер и министер за животна средина и просторно планирање Изет Меџити денеска беше домаќин на работна средба со амбасадорот на Мисијата на ОБСЕ во Република Северна Македонија, Килиан Вал.
Меџити и Вал разговараа за можностите за соработка во континуирано партнерство со цел унапредување на приоритетните реформи во согласност со заложбите на ОБСЕ.
Двајцата соговорници се согласија дека имаат за цел зајакнување на правната држава, борбата против корупцијата, родовата еднаквост и зајакнувањето на младите, додека промовирањето на транспарентноста, човековите права и одржливиот развој за доброто на сите граѓани остануваат заедничка цел.
Меџити повтори дека е максимално посветен на напредокот на интеграциската агенда на земјата кон зачленување во Европската унија, како единствено решение и со масовна поддршка од граѓаните.
Македонија
(Видео) Во Прилеп утре Ден на жалост, по трагичната несреќа во која загинаа три медицински лица
Во Прилеп, утрешниот ден се прогласува за Ден на жалост поради трагично загинатите медицински лица, кои утрово ги загубија животите во тешка сообраќајна несреќа на магистралниот пат Прилеп-Битола.
Одлуката беше донесена од страна на Советот на Општина Прилеп на вонредна седница.
Прилепскиот градоначалник Борче Јовчевски во своето обраќање рече: „Како градоначалник, како лекар, но пред се како човек утрово со тага ја примив веста за прераната смрт на нашите сограѓани, на еден прекрасен тим на специјалисти и медицински кадар. Еден тим кој животот го посвети во давање на помош и спасување на животи. Дури и на тој пат одеа да спасат животи. Прилеп и Македонија губат врвни луѓе, посветени на својата професија“, нагласи тој.
Несреќата се случила утрово при судир на автомобил во кое биле медицинските лица и товарен камион.
Македонија
Ковачки: Работите во судството се катастрофално лоши, потребни се оставки во судски совет, генерален ремонт и реизбор
„Работите во судството ни се лоши, катастрофално лоши и тоа е оценка на сите од надвор и од внатре“, истакна пратеникот од ВМРО-ДПМНЕ Драган Ковачки на денешната собраниска Комисија за политички систем и односи меѓу заедниците.
Тој посочи дека поради нула ажурност на судовите резултатите се катастрофални.
„Резултатите се катастрофални со ажурност нула на судовите. Од одредени судови се праќаат по други, од едни апелациони подрачја во други се праќаат на испомош затоа што нема судии“, вели Ковачки.
Правдата генерално во Република Македонија, според него ја нема, судство, обвинителство, како што вели, „таа спрега е скапана и тука ние не може да направиме исчекор без генерален ремонт. Мора да имаме генерален ремонт и реизбор“, потенцираше Ковачки.
Тој е дециден дека сите во судскиот совет треба да си дадат оставки.
„Судски совет како што сега е поставен треба да си дадат оставки затоа што доведоа до тие 2% доверба“, укажа Ковачки.