Македонија
(Видео) Костадиновска-Стојчевска од Битола: Инфоцентарот „Еразмус+“ ќе придонесе за обезбедување подобра иднина за младите по европски стандарди

Министерката за култура, Бисера Костадиновска-Стојчевска, и првиот заменик- претседател на Владата на РСМ, Бојан Маричиќ, денеска го посетија новоотворениот инфоцентар „Еразмус+“ во Битола.
„Младите остануваат во фокусот на агендата на Министерството за култура. Само така ќе покажеме цврст став за нашиот пат кон европското семејство и ќе вклучиме повеќе теми кои се од особено значење, а тоа се културата, образованието, иновациите“, потенцираше Костадиновска-Стојчевска во изјавата за медиумите по посетата на инфоцентарот.
„Младите со својот глас и активизам“, рече министерката за култура, „станаа наш сојузник во градењето на државата и создавањето можности и затоа вложувањето во нивното знаење е нашиот гарант за креирање можности во нашата држава.“
Таа додаде дека Министерството за култура во изминатиот период покажа дека поддржува и креира политики што овозможуваат младите да имаат подобар живот, квалитетно образование и можности за мобилност.
„Министерството за култура континуирано им помага на младите да се зајакнат во креирањето на европските проекти и активно да учествуваат во програмата Креативна Европа на Европската Унија, како една од најважните алатки за поддршка на европската културна соработка изразена преку културна промоција на вредностите и различностите“, рече министерката за култура.
Костадиновска-Стојчевска изрази задоволство што младите во Битола имаат место каде што ќе дискутираат и ќе споделуваат заеднички вредности поврзани со европската иднина бидејќи станува збор за една од најфлексибилните програми на Европската Унија.
Инфоцентарот „Еразмус+“ во Битола е наменет за сите млади, но и генерално за сите што сакаат да се информираат за програмите или мрежите со кои раководи Националната агенција за европски образовни програми и мобилност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Вардариште е канцер“ – граѓаните утре повторно на протест во Ново Лисиче

И вечерва, како и во претходните денови, жителите на Ново Лисиче и Аеродром се жалат дека се чувствува мирис на изгорено во воздухот и не се дише.
По денешниот протест и кратката блокада кај мостот „Киро Глигоров“ поради дивата депонија Вардариште, граѓаните најавија дека утре повторно ќе излезат на улица. На денешниот собир видлив беше и транспарент со порака, „Вардариште е канцер“, а од институциите беше побарано без меѓусебни обвинувања да ја преземат одговорноста.
Следниот протест е закажан за утре, во 18 часот кај паркчето „Авионче“ во Ново Лисиче. Организаторите апелираат на масовност и истрајност, убедени дека само така може да се издејствува конечно решение за проблемот со Вардариште.
Претходно денес, О2 Иницијативата упати јавен апел до кандидатите за градоначалници и советници во Град Скопје, Аеродром и Гази Баба, барајќи итни решенија за санација на депонијата.
„Доста е со молк, одлагања и префрлање на одговорност! Вардариште не е тема за кампања – тоа е закана за нашето здравје и иднината на Скопје,“ порачуваат од иницијативата, нагласувајќи дека очекуваат конкретни обврски и јавно дадени ветувања од сите кандидати.
Во апелот се наведени три приоритетни барања: Итна изработка на проектна документација за санација и ревитализација на Вардариште, со што Општина Гази Баба треба без одлагање да ги донесе потребните детални урбанистички планови; Привремени мерки додека проектите не стартуваат, како запечатување, оградување, осветлување, 24-часовна чуварска служба и видео надзор; Транспарентност и отчетност, со редовно известување за секој чекор, конкретни активности и прецизни рокови.
Од иницијативата потсетуваат дека станува збор за прашање кое не смее да се третира како обично предизборно ветување.
Во неделата голем пожар избувна во близина на Вардариште во Скопје, при што половина град остана без електрична енергија 5 часа.
Македонија
СДСМ ги објави имињата на уште тројца кандидати за градончалници

СДСМ ги објави имињата на уште тројца кандидати за градоначалници, со што досега објавени се вкупно 60 кандидатури.
За градоначалник на Пробиштип, партијата го кандидира Драган Анастасов, Драгослав Симоновиќ е кандидат за градоначалник на општина Градско и Борче Гиевски за Зелениково.
„Сите кандидати се чесни, одговорни и посветени луѓе, кои ќе го дадат својот максимум во интерес на граѓаните. Преку изборните програми кои се подготвуваат заедно со граѓаните, со стручни лица и експерти во различни области СДСМ ќе понуди издржани решенија за секоја општинина и ќе претстави нова визија за развој на локалните заедници“, велат од партијата.
Македонија
Јасно и гласно кажав дека не сум се сретнал со Груевски, ВЛЕН манипулира, рече Османи

Бујар Османи, потпретседател на ДУИ и кандидат за градоначалник на Општина Чаир, ги демантираше тврдењата за наводна средба со Никола Груевски за обезбедување пратеници за поддршка на уставни измени.
„Во недостаток на идеи и очекуван пораз на изборите, манипулациите на ВЛЕН продолжуваат во однос за наводна моја средба со Груевски со цел обезбедување на пратеници за подршка на утавни измени. Јасно и гласно кажав дека таква средба немало. Тоа што се служат постојано со лаги и повторување на сите невистини нема да им помогне во кампањата“, рече Османи.
Додаде и дека дговорот на овие оцрнувања ќе стигне на 19 октомоври.