Македонија
(Видео) Кузеска: Баџанакот на Мицкоски има фирма во Бугарија, каде што завршуваат парите од семејните шеми
Започнуваме со откривање на шемите на фирмите на најблиското семејство на Мицкоски во Бугарија и Македонија. Денес ќе дознае јавноста, зошто ДПМНЕ и Мицкоски всушност ширеле лаги за претседателот Венко Филипче, тоа било единствено за една цел, за да ги покријат фамилијарните бизниси на Мицкоски во Бугарија и Македонија. Во следните денови јавноста ќе ја дознае вистината за тоа кој од најблиското опкружување на Мицкоски врти милиони и како го поддржува Мицкоски, најави портпаролката на СДСМ, Богданка Кузеска.
„Во Петрич, Бугарија, на улица Антон Попов брј 57 е регистрирана фирмата ДАНО ТРАНС ЕООД, на баџанакот на Мицкоски – Јорданчо Јанев, од Струмица. Јанев кој важи за еден од најблиските соработници на Мицкоски, меѓу другото и фамилијарно поврзан, вртел пари преку оваа фирма. До 3 милиони бугарски лева биле свртени од оваа фирма во Бугарија, во 2018 година односно околу 1,5 милиони евра. Во бизнисот не е само баџанакот на Мицкоски. На оваа иста адреса, на улица Антон Попов брј 57 во Петрич Бугарија, има уште една фирма, Инфинити транспорт група. Раководител и сопственик е Дончо Карастоев, прв братучед на баџанакот на Мицкоски. Го прашуваме денеска Христијан Мицкоски. Има ли фирми со исти или слични имиња и во Македонија? Дали овие фирми и овие лица се финансиери на Мицкоски и ВМРО-ДПМНЕ“, праша Кузеска.
Дополнително праша и колку милиони евра свретеле и каде завршиле дел од тие пари? „Дали кај членови на семејството на Мицкоски или и во ВМРО-ДПМНЕ?“
Доколку Мицкоски не одговори, според Кузеска, СДСМ ќе ги објави сите информации за тоа кој навистина врти милиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Коалицијата „Вреди“ ги повика институциите да ги истражат тендерите што ги добила фирмата фамилијарно поврзана со пратеникот Азири
Бујаре Абази од коалицијата „Вреди“ изнесе нови сомнежи за доделувањето на тендери во времето на претходната власт и ги повика надлежните институции да ги истражат наводите.
„Фирмата РИТРОН КОПИ ДООЕЛ, увоз-извоз од Куманово, чиј сопственик е внук на пратеникот на таканаречениот Европски Фронт, Елми Азири, во период од само една година, од државни институции наплатила вкупен износ од 7 милиони денари. Речиси во сите државни институции во тој период, раководители се кадри на Артан Груби и ДУИ. Сега стана јасно зошто пратеникот Елми Азири беше еден од најгласните поддржувачи на коалицијата на Зијадин Села со Али Ахмети“ рече Абази.
Коалицијата ги повика Антикорупциската комисија, Финансиската полиција и Јавното Обвинителство да проверат: Дали пратеникот Елми Азири во анкетниот лист пријавил дека фирмата на внукот на неговата сопруга е потенцијална околност за конфликт на интереси? Дали пратеникот Елми Азири во периодот јуни 2021 до октомври 2022 или после го зголемил својот или имотот на неговата сопруга? Да истражат дали тендерите кои ги добила фирмата РИТРОН КОПИ ДООЕЛ, увоз-извоз од Куманово се последица на политичко влијание остварено од пратеникот Елми Азири.
„Очекуваме институциите да делуваат во разумен рок и им се ставаме на целосно располагање за дополнителни информации кои сметаат дека ќе им помогнат во ефикасно расчистување на ова досие. Ние продолжуваме понатаму со објавување на основани сомневања за политичка корупција во режија на кадрите на Али Ахмети и Зијадин Села“, рече Абази.
Како што додаде Албанците очекуваат правна разврска за сите основани сомневања за сторен криминал или злоупотеба на политички функции за обезбедување на профит за блиски лица.
Македонија
„Арсовска е промашена инвестиција“- Таравари цени дека не треба да се остави простор политичари да разрешуваат градоначалници
Според министерот за здравство Арбен Таравари, скопската градоначалничка Данела Арсовска е промашена инвестиција но како што вели не смее да се остави простор политичари да разрешуваат градоначалници.
„Има предлог од ЗЕЛС или градоначалникот на Кисела Вода, како да се разговара за разрешување на градоначалници, јас мислам дека градоначалниците се избираат непосредно од народот. Ние предлагаме промени во законот за локална самоуправа. Значи целта е да рационализираме, да нема избори и во декември или јануари, па октомври повторно идната година“, вели Таравари.
Прецизира дека на градоначалниците мандатот може да им го земе само тој што им го дава, во случајот народот.
„Иако има градоначалници кои иако се избрани од народот не функциниораат како што треба. Јас мислам дека градоначалникот на Кисела Вода се повикаува најмногу на градоначалничката на Град Скопје, која е промашена инвестиција“, додава Таравари.
Според него, треба да има политичка одлука околу разрешувањето.
„Но народот ги избира народот може да ги разреши градоначалниците“, потенцира Таравари.
Македонија
(Видео) ВМРО-ДПМНЕ: Исцрпени договорите за набавка, ТОАРИЛУЦ оставена без основни средства и опрема
СДС и ДУИ го гледале здравството како партиска фирма. Наместо да се грижат за медицинскиот персонал и пациентите, тие се грижеле за тесно партиски интереси, истакна ВМРО-ДПМНЕ на прес-конференција.
„По извршените проверки во ТОАРИЛУЦ поранешното раководство ангажирало лица по договор за дело без финансиски согласности од Министерството за финансии.
Во оваа клиника се преземени големи финансиски обврски без спроведени постапки.
Имено, повеќе од 60 лица на почетокот на оваа година биле ангажирани по договор за дело на клиниката без да имаат финансиска согласност од Министерството за финансии, што е спротивно на членот 9 од Законот за трансформација во редовен работен однос. За истото е предвидено дека за лицето кое раководи со институцијата а анагажирало лица без предходна согласност од Министерството за финансии ќе се казни со казна затвор од шест месеци до три години.
Во истовреме клиниката се соочува со недостаток на медицински сестри, за што раководството на водело сметка.
Поранешното раководство на ТОАРИЛУЦ на клиниката буквално гледало како на партиска фирма, и истите наталожиле финансиски обврски во износ од 840.000 денари, а при тоа за истите не се спроведувани постапки согласно Законот за јавни набавки.
Истовремено јавните набавки се правени без план и без долгорочни калкулации за потребите на клиниката. Поради несоодветно планирање дојдено е до целосно исцрпување на договори и оставање на клиниката без основни медицински материјални средства и опрема. Имено, договори склучени во тековната година се веќе исцрпени.
Ова се само дел од причините зошто здравството е девастирано. Овој систем на работа заврши, за се ова ќе има одговорност, а од сега па натаму следува многу работа и посветен пристап за подобри услуги за пациентите“, велат од ВМРО-ДПМНЕ.