На маргините на состанокот на Советот за надворешни работи на Европската унија, кој се одржува во Луксембург, министерот за надворешни работи и надворешна трговија, Тимчо Муцунски, оствари средба со комесарката за проширување на Европската унија, Марта Кос.

На средбата се разговараше за актуелниот статус на македонското ЕУ-досие, заемната посветеност за надминување на актуелните предизвици и неопходноста од забрзување на евроинтегративниот процес.

Заеднички беше потврдена посветеноста на Владата кон реформската агенда и целосната усогласеност со Заедничката надворешна и безбедносна политика на Унијата, што претставува силна потврда за стратешката ориентација на државата и трасира кредибилен и веродостоен пат кон полноправно членство во ЕУ.

На средбата стана збор и за трагедијата што неодамна се случи во Кочани, при што министерот Муцунски изрази благодарност за поддршката што Европската унија ја покажа – како преку директната помош од земјите членки, така и преку брзото активирање на Европскиот механизам за одговор на кризи.

Во рамки на работната посета на Луксембург, на покана на високата претставничка за надворешна и безбедносна политика на Европската унија и потпретседателка на Европската комисија, г-ѓа Каја Калас, министерот Муцунски вечерва ќе учествува на неформалниот состанок на Советот за надворешни работи на ЕУ, во формат на министри за надворешни работи на земјите-членки и земјите од Западен Балкан.

Судот на четири лица им изрече мерка притвор во траење од 30 дена, за шест лица куќен притвор и мерки за претпазливост, а за осум лица е изречена мерка за претпазливост во проширената истрага за пожарот во „Пулс“, кадешто животот го загубија 61 лице.

Еден осомничен во моментот на отворање на истрагата се наоѓа надвор од државата, а според медимските натписи станува збор за амбасадорот и ексминистер за економија Дртитон Кучи.

Приширената истрага опфаќа четворица поранешни министри за економија, како надлежно министерство за издавање на лиценците. Се работи за министри кои ја извршувале оваа функција од 2012 година, откако „Пулс“ нелегално работела. Претходно денес, обвинителот Љупчо Коцевски рече дека актуелниот министер кој во моментов раководи со Министерството не е опфатен со истрагата оти во негово време „Пулс“ не побарал лиценца. Покрај министрите, се сомничат и тројца државни секретари од ова министерство и шест службени лица на раководни позиции надлежни за угостителство и туризам.

Осомничени се и тројцата градоначалници на Кочани, но со проширувањето на истрагата и тројца овластени општински градежни инспектори кои не извршиле контроли во објектот кој со години бил незаконски пренамент од објет за лесна индустрија во кабаре, без никакви безбедносни стандарди.

Во рамки на Дирекцијата за заштита и спасување, покрај претходно осомничениот директор, истрага е поведена и за уштре тројца директори, вклучително и актуелниот директор. Постои сомнение дека целосно ги запоставиле своите надлежности, и тоа, не само на овој клуб туку и на останатите во државата оти низ годините ниту еднаш не спровеле инспекциски надзор.

Прочитај и: Граѓаните биле под потенцијална загрозеност во сите дискотеки, рече Коцевски

Осомничени се и седуммина пазарни инспектори во ДПИ, а истражни постапки има и против седум полициски службеници од СВР Штип и ПСОН Кочани.

Сите осомничени  47 лица и три фирми се сомничат за тешки дела против општата сигурност.

Во периодот од 12.00 до 16.00 часот денес беше спроведена засилена сообраќајна контрола по Оперативната акција „Безбеден сообраќај“.

Притоа за време на сообраќајната контрола акцентот беше ставен на учесниците во сообраќајот кои управуваат мотоцикли и велосипеди со помошен мотор.

За време на контролата беа контролирани вкупно 1.020 возила, при што биле преземени мерки против 247 учесници во сообраќајот. За безобзирно возење по чл.297 А од кривичниот законик лишено е едно лице од слобода, за возење со брзина поголема од дозволената санкционирани се 53 возачи, 33 мерки за возење без возачка дозвола.

Изречени се 10 мерки за нерегистрирани возила, а санкционирани се и 62 возачи за управување мотоцикл без заштитна кацига, а изречени се 18 мерки за возачи кои управувале возило со несоодветна категорија, пет возачи возеле без возачка потврда, а санкциинирани се и 66 останати учесници во сообраќајот.

Привремено биле одземени три нерегистрирани возила, од кои два мотоцикли и едно патничко возило, а
привремено биле одземени под сомнение за техничка исправност две возила, од кои еден мотоцикл и едно патничко возило.

Акциските контроли во рамки на оперативната акција ќе продолжат и во наредниот период со засилен интензитет.

МВР апелира до сите учесници во сообраќајот да ги почитуваат сообраќајните правила и прописи и со тоа да придонесеме за побезбедни патишта.