Македонија
(Видео) Кузеска: Напумпаните бројки на ДПМНЕ се покажа дека немаат никаква врска со реалноста

„Сите лажни анкети на ДПМНЕ паднаа во вода, заедно со цела нивна пропаганда. СДСМ вчера покажа дека сите напумпати анкети не се точни, дека ниту имаат некаков рејтинг, ниту дека разликата е 2:1. Напумпаните бројки на ДПМНЕ се покажа дека немаат никаква врска со реалноста“, рече Богданка Кузеска, портпаролка на СДСМ.
„За еден ден СДСМ собра преку 22.000 потписи за кандидатурата на Стево Пендаровски а ДПМНЕ собра само 2-3 илјади потписи повеќе за Силјановска.
СДСМ за еден ден ги собра потписите иако организираше и осмомартовски марш со над 6.000 луѓе и Конгрес каде што ја потврдивме кандидатурата на Пендаровски.
СДСМ покажа организациска и теренска супериорност.
Затоа на ДПМНЕ им беше потрбен уште еден ден, со платени потписи на нотар.
Значи ДПМНЕ два дена се мачи да собере потписи за Гордана Сиљановска Давкова и да излегува денеска со некакви бројки откако листите за Пендаровски се повлечени.
Откако видоа дека ја немаат поддршката, односно дека граѓаните се потпишуваат за Пендаровски преминаа со потписи на нотар кои треба да се платат.
ДПМНЕ потписите ги собираше два дена, бидејќи нотарите не работат во недела.
Сликата е јасна! Гордана Сиљановска и ДПМНЕ ја немаат поддршката од граѓаните како што лажно прикажуваат.
И тоа не е изненадување. Сиљановска е личност која ги изгуби изборите пред пет години, наследник на политиките на Ѓорѓе Иванов и послушник на ДПМНЕ.
Изборот на Стево Пендаровски за втор мандат за кого вчера за само неколку часа се потпишаа над 22 000 граѓани, значи стабилност, значи Претседател на држава кој ја носи државата кон членство во Европската Унија.
Претседател без ниту една афера, кој нема да отстапи од правилните принципи и кој се грижи за сите граѓани еднакво“, изјави Богданка Кузеска, портпаролка на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.