Македонија
(Видео) Лефков: Владата и ЈО да не го премолчуваат криминалниот октопод на Груби
Зачудува молкот од Владата, молкот од ЈО и од ДКСК за скандалот поврзан со Артан Груби и неговата семејна фирма. Мислат дека ако молчат, тоа ќе се заборави. Институциите треба во итна постапка да испитаат како може братот на Артан Груби да стекне луксузен деловен простор во строгиот центар на Скопје од 127 квадратни метри, а да е платен само 100.000 евра, изјави на денешната прес-конференција, Миле Лефков, пратеник и член на ИК на ВМРО-ДПМНЕ.
Како што истакна Лефков, според ова произлегува дека семејството Груби квадратен метар платиле за 700 евра, а реалната цена е над 3.000 евра. Граѓаните во Скопје за 700 евра за квадратен метар не може да купат ниту гаража, а не супер луксузен локал. Очигледно Артан Груби е фатен во небрано и затоа од една лага влегува во нова.
Нема да му помогнат ниту нарачките на порталите под негова контрола, нема да му помогнат ниту притисоците врз ЈО. Народот веќе може да го види октоподот што го создал околу себе и кој служи за богатење во услови кога сите други граѓани осиромашуваат, рече Лефков.
Лефков ги повика уште еднаш институциите да го истражат овој скандал и да проверат како е возможно семејството Груби да стекне имот 5 пати поевтин од пазарната цена. Да истражат дали семејството Груби платило повеќе, но во кеш, со цел да го скрие потеклото на парите. Да испитаат дали Артан Груби ја искористил и злоупотребил позицијата во која се наоѓа и на тој начин му помогнал на својот брат да прибави ваква имотна корист.
Скандалите поврзани со Артан Груби од ден на ден растат, а Ковачевски молчи за тоа.
Јасно е дека позначајна им е криминалната коалиција отколку правдата и вистината. Додека тие ортачат во своите матни зделки и личното богатење, граѓаните, и Македонци и Албанци и сите други, тонат во сиромаштија и безнадежност. Правда и одговорност за овој скандал, како и за многуте други поврзани со оваа Влада, мора да има, изјави Лефков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК ги соопшти местата на кои ќе се прегласува на 22 мај
Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година.
ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.
Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.
Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови.
Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).