Македонија
(Видео) Лефков: Груби лажеше за купувањето на дуќанот, кредитот за купување е 82.000 евра, квадратот е платен 650 евра, ЈО да отвори истрага
Семејството Груби трупа голем имот за кој нема покритие како е стекнат, фатен во тесно, Артан Груби призна и го инкриминира и сопствениот брат, изјави на денешната прес-конференција пратеникот од ВМРО-ДПМНЕ, Миле Лефков.
„Дуќанот на улицата Македонија по пазарни цени, какви што плаќаат сите граѓани во државата, чини половина милион евра, тоа е реалната цена на дуќанот. Груби, фатен во тесно во обид да се одбрани, рече дека брат му го зел дуќанот со кредит за 100.000 евра и со тоа длабоко го инкриминираш кажувајќи дека разликата помеѓу реалната пазарна цена и продажната е 500 %.
До нас стигнаа информации дека Груби излажал и кога кажал дека кредитот на брат му бил 100.000 евра. Имено, според информациите со кои располагаме, брат му подигнал хипотекарен кредит од 82.000 евра. Да, 82.000 евра, за 127 м2 дуќан во центарот на Скопје на улицата Македонија. Прашањето е од каде доаѓа остатокот од парите?
Веќе кажавме, а и граѓаните знаат, но и институциите, дека квадратен метар за деловен објект во центарот на Скопје на таа локација се движи од 3.000 евра до 4.000 евра“, рече Лефков.
Тој праша зошто некој на братот на Груби, наместо за половина милион евра, би му продал дуќан за 100.000 евра и со тоа да му поклони 400.000 евра?
„Која е економската логика на продажбата? Единствено што може да се заклучи во ваков случај е или Груби да ги платил остатокот од парите во готово за да се избегне и да се прикрие потеклото на таквите пари или е направено давање друга ствар или ветување за компензација“, вели Лефков.
Јавното обвинителство, смета Лефков, е должно да реагира и да не чека да помине гневот на јавноста зашто, како што рече, тука има индиции дека е сторено кривично дело прикривање потекло на несразмерно стекнат имот од чл. 359а од КЗ, со јасно пропишана санкција.
ДКСК да иницира постапка за испитување на потеклото на имотот и парите на братот на Груби, што е пропишано со чл. 96 од Законот за спречување на корупцијата, порача Лефков.
„Затоа што од досегашните информации што ги изнесовме во јавност, несомнено е дека постојат докази дека член на семејството Груби стекнал значителен имот, кој освен што е купен по нереална цена, туку и со средства што ги надминуваат приходите на пријавените браќа Артан и Ветон Груби. Институциите да не подлегнуваат на притисокот на Груби, да се охрабрат и да отворат случај. Политичката корупција мора да биде најстрого казнета“, заклучи Лефков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николоски од Гевгелија: Во исто време се градат 10 спортски игралишта, така ќе продолжиме да работиме веднаш по формирање на новата влада од ВМРО-ДПМНЕ
„Навистина е големо задоволство да се присуствува повторно на отворање на проекти кои што ги реализира општина Гевгелија. Честитки за градоначалникот навистина импресивно во исто време се градат 10 спортски игралишта, 10 вакви комплекси и со училиштата во општината мислам само зборува за тоа колку работи општината и градоначалникот“, рече Александар Николоски, потпретседател на ВМРО-ДПМНЕ и носител на изборна единица 4.
„По парламентарните избори и извесната победа на ВМРО-ДПМНЕ и формирањето на влада предводена од ВМРО-ДПМНЕ, ние ќе помагаме многу во општина Гевгелија. Знаете дека планираме да ги децентрализираме буџетските средства и сериозна сума на средства планираме да се впуштаат тука во Гевгелија како би се решиле сите инфраструктурни проекти. Секако тука доаѓа и инвестирањето во економскиот развој, има сериозна индустрија во Гевгелија, пред се во земјоделскиот сектор или преработувачка индустрија, каде планираме да дадеме сериозна поддршка, пред се на извозните фирми.
Она што исто така би сакал да го споменам, можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот.
Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа. Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред.
Сето ова ќе го испитаме по парламентарните избори и по формирањето на влада на ВМРО-ДПМНЕ без ДУИ, а мислејќи дека и имајќи во предвид дека Артан Груби не сака да одговори на јавноста ќе треба да одговара пред соодветните органи во Република Македонија“, изјави Александар Николоски, потпретседател на ВМРО-ДПМНЕ и носител на изборна единица 4.
Македонија
Игор Димески: Левица ќе направи сè, за да се институционализираат барањата на бранителите од 2001
Денес, Носителот на ИЕ6, Игор Димески од Левица, во Тетово имаше средба со бранителите од 2001 година.
Од населбата Два Бреста во Тетово, во паркот кај споменикот Иљо Антевски-Смок, Димески порача:
„Левица ќе направи сè, за да се институцијализираат барањата на бранителите. Потребен е нов закон за бранители, за да не бидат третирани како граѓани од втор ред, како што е во моментов”.
Бранителите ги изнесоа своите барања и нереализирани ветувања од претходните власти, кои останаа само празни усни ветувања. Исто така, бранителите ги поздравија заложбите на Левица, истакнати од Димески, соопшти Левица.
Македонија
„Поединци на Европскиот фронт избегаа од Али и се во секојдневна комуникација со Мицкоски“, рече Изет Меџити
Лидерот на Демократското движење и носител на Листата за пратеници во првата единица на коалицијата ВЛЕН, Изет Меџити изјави дека Европскиот фронт ќе се распадне по изборите на 8 мај, притоа потенцирајќи дека експонентите на ЕФ веќе контактираат со Мицкоски.
„Не знам што ќе остане од Фронтот, бидејќи отсега некои поединци на Европскиот фронт избегаа од Али и се во секојдневна комуникација со Мицкоски. И некои експоненти јавно кажаа, како што е господинот Тачи, малите заедници, така што не знам што ќе остане од Фронтот“, рече Меџити.