Македонија
(Видео) Лефков: ДКСК да постапи по претставката за дезертерот Ковачевски

Дезертерот Ковачевски отворено призна дека додека бил заменик-министер за финансии е исплаќана државна помош од владата и ФИТР на „Пиксел груп“, фирма основана од него, а сега во посед на неговиот кум, со изговор дека тоа не е спорно за него. Но, тоа што за Ковачевски не е спорно, се вика судир на интереси, изрично забрането и според Законот за спречување на корупцијата и судирот на интереси, посочи Миле Лефков, пратеник и член на ИК на ВМРО-ДПМНЕ.
„Во чл. 72 ст. 1 од законот стои дека службеното лице во текот на вршењето на позицијата е должно да внимава на потенцијален судир на интереси, како и да преземе мерки за негово одбегнување. Дезертерот Ковачевски во периодот од 2020 до крајот на 2021 година е заменик-министер за финансии, период во кој се извршени исплати во висина од над 300.000 евра кон ‘Пиксел груп’, о тоа дел од Владата, дел од ФИТР. Постои сериозна опасност тој да влијаел врз таквите одлуки. ДКСК да не молчи и да постапи во однос на претставката што ВМРО-ДПМНЕ ја поднесе за Ковачевски во аферата ‘Броило’, тешка 26 милиони евра“, вели Лефков.
Според него, дезертерот Ковачевски е централна фигура во аферата „Броило“, а „Пиксел груп“ основана од него е фирмата околу која се вртат сите пари.
„Пиксел груп“ е фирмата што ги произведува панелите што „КМГ ЕОЛ квазар“ на кумот Паунов ги монтира. Меѓу големиот број зделки на „КМГ ЕОЛ квазар“ се и 2 милиона евра државни тендери добиени откако е СДС на власт. И договор со ЕВН во висина од над 2 милиона евра.
„Пиксел груп“, основана од Ковачевски, понатаму е и фирмата што заедно со новоформирана бугарска фирма гради фабрика од 54 милиони евра во ТИРЗ Тетово, фирма која, како што пишуваат медиумите, ќе преговара и за државна помош. И сето ова од отворање на фирмата во ТИРЗ Тетово до почеток на инвестицијата се случува откако Ковачевски е премиер. Само за потсетување, ТИРЗ Тетово е зона со даночни и царински поволности и ослободувања, кои се регулирани со посебен закон.
Ако ова не е судир на интереси, тогаш што е?“, додава Лефков.
„ДКСК да не молчи. Предвремената амнестија, која се обидоа да му ја дадат на дезертерот Ковачевски, пропадна во вода. Самиот призна сè. Единствено правилно е сега да постапат во согласност со законот и да утврдат судир на интереси, а Ковачевски да си поднесе оставка“, истакнува Лефков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) ВМРО-ДПМНЕ ги објави имињата на уште осум кандидати за градоначалници

Извршниот комитет на ВМРО-ДПМНЕ, вечерва во Штип определи уште осум кандидати за градоначалници за претстојните локални избори.
ВМРО-ДПМНЕ донесе одлука да му предложи на Централниот комитет.
1. Македонски Брод – Жарко Ристески.
2. Могила – Драганчо Саботковски
3. Пробиштип – Тони Тоневски
4.Богданци – Марјан Пеев
5. Демир Капија – Наталија Димитриева
6. Росоман – Ѓорги Крстевски
7. Новаци – Стевче Стевановски
8. Дебарца – Златко Силјановски
Пратеникот Антонијо Милошоски по состанокот изјави дека овие 8 кандидати за градоначалници се одговорни, исполнителни личности кои што својата активност ја докажале не само во рамките на коалицијата на ВМРО-ДПМНЕ туку имаат углед и во самите општини. Ним ќе им биде препорачано во следниот период, да си отворат што поголема комуникација со локалните граѓани во општините за да може да поработат директно на терен за составување на програмата која што е потребна за локални избори.
Централниот штаб ќе биде на располагање заедно со еден тим кој што ќе биде формиран за локалните избори, да им помогне за одредени проекти, кој што се од поголемо капитално значење за Македонски брод, Могила, Новаци, Пробиштип, Богданци, Демир Капија, Росоман и Дебарца.
„Цениме дека со овие 8 вечерва објавени кандидати за градоначалници и претходните 25, ВМРО-ДПМНЕ со самодоверба чекори кон локалните избори бидејќи сме единствената партија која што во моментов има обзнането имиња на 33 кандидати за градоначалници за кои што сметаме дека се на добар пат и да ја добијат довербата на граѓаните“, рече Милошоски.
За оние кои што се актуелни градоначалници, партијата смета дека дека со досегашната работа, ќе имаат добар кредит да ја добијат и понатамошната доверба.
Македонија
СДСМ: Јавното обвинителство се обиде да ја релативизира одговорноста на актуелните функционери

Според СДСМ, со денешната прес-конференција, Јавното обвинителство уште еднаш потврдило дека постои сериозен обид да се минимизира и релативизира одговорноста на носителите на актуелни функции и институции поврзани со трагедијата во Кочани.
Од опозициската партија велат дека наместо да се лоцира институционалната одговорност и да се повикаат на одговорност директорите на Државниот пазарен инспекторат, УЈП и други релевантни органи кои имаа обврска да постапуваат, фокусот се префрла на индивидуални случаи и на маргинални групи, избегнувајќи ја суштината – зошто и како фирма увезувала и со месеци продавала опасна пиротехника без дозвола, и кој тоа го дозволил.
Дополнително, како што се додава, наместо да се отворат посебни истраги за секој аспект од случајот – за незаконскиот увоз, за институционалниот надзор, за реакцијата на полицијата и за конкретните пропусти на диското, Обвинителството сѐ спакува во еден предмет, со што ризикува да се развлекува постапката со години, па дури и децении. Со ваков пристап, правдата станува недостижна – а тоа е неприфатливо.
„Сериозно прашање е и одлуката приведените полицајци и полициски функционери, кои биле одговорни кобната вечер, да се пуштат на слобода со мерки за претпазливост. Особено загрижува фактот дека двајца од нив биле пресретнати на пат кон граница со Бугарија, што отвора сомнеж за можно бегство и криење на вината.
СДСМ уште еднаш потенцира – без целосна и непристрасна истрага, без одговорност за институциите и носителите на функции кои затаиле, нема да има вистинска правда за жртвите и нивните семејства.
Граѓаните гледаат. И со право очекуваат правда“, се додава во партиското соопштение.
Македонија
(Видео) Во Гази Баба се гради огромна дива депонија без никакви дозволи, објави Арсовска

Во општина Гази Баба, фирма затекната од инспекторат на град Скопје при вршење нелегални активности, правење огромна дива депонија со градежен и опасен отпад и бесправна експлоатација на земјиште, без лиценци, елаборати, дозволи и одобренија, што претставува сериозна опасност по здравјето на граѓаните и животната средина, објави градоначалничката на Град Скопје, Данела Арсовска.
„Апелираме до Министерството за внатрешни работи да постапи, бидејќи неказнивоста и непостапувањето предизвикува сторителите на вакви дела да мислат дека се недопирливи пред законот. Фирмата која прави дива депонија и каде се експлоатира, го има поткопано 110kV кабловски и воздушен далновод кој го напојува со електрична енергија градот Скопје. На ова земјиште сопственост на Република Македонија се прави сериозна штета на главниот далновод, известени се сите надлежни институции за кои очекуваме да не се кријат и да постапуваат“, вели Арсовска.