Македонија
(Видео) Лефков: Груби со одлука на Владата отуѓува државно земјиште за сопругата на Ковачевски за изградба на фотоволтаици
Додека оди во маркети и замрзнува цени на јајца и зеленчук, кои никако да замрзнат, семејството Ковачевски го зголемува своето богатство преку влез во доходовни бизниси, истакна на денешната прес-конференција Миле Лефков, пратеник и член на ИК на ВМРО-ДПМНЕ.
За да се стекне со голем и вреден имот, сопругата на Ковачевски, вели Лефков, влегува во односи со Владата, со која управува нејзиниот сопруг Димитар Ковачевски.
Со оваа одлука, како што појаснува, се отуѓува градежно земјиште, сопственост на Република Македонија, на друштвото за производство и продажба „Сол груп 5“ ДОО Скопје.
„Со овие зборови почнува одлуката со која Владата ѝ продава 1.119 м2 државно земјиште на фирмата на сопругата на Ковачевски. Оваа одлука е објавена во ‘Службен весник’ од 21 март оваа година, а донесена 7 дена претходно, односно на 14 март, на седница на Владата. Еве ја одлуката на Владата, а еве го и потписот на Артан Груби, кој се јавува како потписник во име на Владата“, додава Лефков.
Според него, одлуката на Владата, со која сопругата на Ковачевски добива државно земјиште додека Ковачевски е премиер, е доказ колку власта е забегана и дека не ја интересира ништо, освен сопствениот интерес и интересот на нивните семејства, кои шират бизнис додека тие се на власт. Ова е доказ, како што оценува, дека власта на СДС и ДУИ мора да си замине зашто државата, како што истакна, не смее да биде алатка за богатење на неколку семејства во врвот на власта. Потребни се промени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Победата на Орце Ѓорѓиевски се слави пред Белата палата
Победата на кандидатот на ВМРО-ДПМНЕ за градоначалник на Скопје, Орце Ѓорѓиевски се слави пред Белата палата.
Од обработени 97,69% досега, тој има освоено 57,40%, односно 93.313 гласови, пред кандидатот на Левица, Амар Мециновиќ, кој освои 36,40% од гласовите, односно за него гласале 59.178 луѓе.
Македонија
(Видео) Филипче: Покрај освоените три градоначалнички места во првиот круг, имаме победа уште во три
Претседателот на СДСМ, Венко Филипче вечерва на прес-конференција им честиташе на граѓаните за достоинственото гласање на вториот круг на изборите.
„Покрај освоените три градоначалнички места во првиот круг, имаме победа уште во дополнителни три, тоа се Центар, Македонска Каменица и Зрновци. Очекуваме конечни резултати во уште неколку општини кадешто разликата е многу мал број на гласови“, кажа претседателот на СДСМ.
Тој упати честитка до сите градоначалници од сите политички партии.
Филипче информираше дека во изминатите две недели, пред вториот круг на изборите, се вршел огромен притисок на сите кандидати од СДСМ во 17 општини кадешто влегле во вториот круг.
„Не се бираа ниту средства, ниту методи, тоа само говори дека се соочуваме со истата деструктивна власт на ВМРО-ДПМНЕ како во минатото“, изјави Филипче.
„Овие избори се јасен патоказ за СДСМ, јасно е какви промени треба да се направат, а следните денови тоа ќе се случи“, додаде претседателот на СДСМ.
Македонија
(Видео) Максим Димитриевски: Ова не е моја победа, ова е победа на Куманово
Кандидатот на ЗНАМ за градоначалник на Општина Куманово, Максим Димитриевски, прогласи победа на изборите.
„Ова не е моја победа, ова е победа на Куманово“, рече тој вечерва.
Се заблагодари на сите за поддршката и кажа дека ја примил честитката од неговиот противкандидат.
„Моја обврска е да продолжам да работам за мое Куманово, но и ЗНАМ да се етаблира на политичката сцена. Што се однесува до ниската излезност пораката е сфатена. Оваа победа не беше лесна со оглед на тоа што знаевме кој е на другата страна и кои лоби и групации ги поддржуваа“, кажа Димитриевски.
Противкандидат на Димитриевски во трката за градоначалник беше Горан Стојковски – Диро, независен кандидат.

