Македонија
(Видео) Лефков: Спасовски ја прикрива вистината за убиството на ракометарот Тот, до крајот на денот да ја каже вистината

Имаме информации што создаваат сериозен сомнеж дека МВР, Спасовски и Ковачевски прикриваат убиство. Трипати во текот на едно деноноќие властите менуваат изјави и официјални известувања, изјави на денешната прес-конференција Миле Лефков, пратеник и член на ИК на ВМРО-ДПМНЕ.
Тој наведе дека КАРИЛ дава официјална изјава оти станува збор за природна смрт на ракометарот Тот, за по реакциите на јавноста и зголеменото медиумско влијание, да каже дека станува збор за смрт причинета од тепање. Ист е односот и од МВР и од Јавно обвинителство. Се менуваа изјави и гледишта.
Денеска, јавниот обвинител Бубевски потврдува дека сепак станува збор за убиство, причинето од претепување.
Лефков додава дека тоа што тие не се оградија, ниту се извинија за прикривање јасно убиство, ги прави првоповикани.
Според сознанијата, во најблиското опкружување имало полиција, која не регистрирала убиство, туку природна смрт на млад човек.
Лефков истакна дека одговорноста на МВР и Спасовски е уште поголема бидејќи негови екипи биле директно присутни на теренот.
Наместо да спречи или во најмала рака веднаш да го расчисти случајот, МВР на Спасовски го пуштило да избега убиецот.
Спасовски ја прикрива вистината за убиството, ако не излезе до крајот на денот и да ја каже вистината, јасно е дека крие.
Бараме одговори и одговорност, изјави Лефков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„ЈО не смее да затвора очи при очигледните сомнежи за криминал и милионските суми кои завршиле во бугарските фирми на Заев и Филипче“, вели ВМРО-ДПМНЕ

„Помина веќе една недела како ги покренавме прашањата за бугарската фирма Пауер Ај 8, која е 100% сопственост на Венко Филипче, и е на иста адреса со фирмите на Заеви, за три пати поскапата препродажба на јаглен од Грција на ЕСМ од 2022 до 2024 година, за најскапиот договор за јаглен, кој го склучила ЕСМ, а е по цена од 82.5 евра за еден тон со вкалкулиран ДДВ, со компанијата Зобек мининг груп“, велат од ВМРО-ДПМНЕ.
„Филипче не дава одговор ниту за Аудито Q8 кое е поклон, а го возеше и во предизборната кампања и е од фирмата која продавала 3 пати поскап јаглен на ЕСМ.
Од Венко Филипче и СДС и понатаму молк. Дали Филипче и СДС немаат став или молкот е нивна стратегија со цел да се заборават скандалите тоа е нивна одлука.
Но молкот на Филипче и СДС е потврда на сите поставени прашања. Колку и тие да молчат силно одекнаа скандалите на фирмите и шемите кои ги креирале со кланот Заеви и испумпале милионски суми врз грбот на народот кој плаќал повисоки сметки за струја.
Венко Филипче и СДС со години ја експлоатира државата и јавните интереси на граѓаните за свои лични цели и тесно партиски интереси.
Додека Филипче се обидува да ги прокламира социјалдемократските вредности кај членството на СДС, граѓаните имаа можност да ги видат шемите за милионски профити на бугарски фирми и адреси кои ги креирале заедно со кланот Заеви. За бизнисите во Македонија, Бугарија, соседството, Персискиот залив и Дубаи.
Филипче и СДС може да молчат и да го потценуваат народот, но ЈО не смее да молчи и да затвора очи при очигледните сомнежи за милионски криминал, граѓаните ја знаат вистината.
ЈО да не молчи и да покрене постапка за сите изнесени сомнежи во јавноста“, се наведува во соопштението на ВМРО-ДПМНЕ.
Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.