Македонија
(Видео) Манасиевски: Ако Филипче преговарал за златна виза за да работи како доктор, како ја добил, а нема нострифицирана диплома

Поминаа 4 дена откако Филипче призна дека има златна виза за Дубаи и го снема. Филипче го снема од јавната политичка сцена, откако се излета и призна дека поседува златна виза за Дубаи, истакна на прес-конференција Валентин Манасиевски, член на ЦК на ВМРО-ДПМНЕ.
Филипче, вели Манасиевски, мисли дека ако се крие и бега од одговори, јавноста ќе заборави за тоа на каков начин ја има добиено златната виза.
„Откако Филипче вчера не ја покажа потврдата за студирање во Дубаи, бидејќи ја нема истата, денес Филипче треба јавно да одговори.
Ако преговарал за златна виза за да работи како доктор, како ја добил златната виза, а нема нострифицирана диплома? Го повикуваме Филипче јавно да одговори, ако преговарал за работа во Дубаи како доктор, и добил златна виза, како го сторил истото без нострифицирана диплома.
Филипче молчи и се крие, СДС веќе не го ни бранат, бидејќи неодбранливото не се брани. Дали Филипче е исплашен од нешто“.
Дополнително праша дали Филипче има страв дека нашите тези за златната виза дека му е добиена на поинаков начин од оној на којшто тој кажува, дека ќе испаднат вистинити.
Оцени дека СДС и Филипче тонат во криминал, дрога и корупција и молчат за потеклото на златната виза за Дубаи на Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.