Македонија
(Видео) Манасиевски до Филипче: Венко, како беше одморот во Дубаи, Заев како е?

Здраво Венко, како си? Како беше на палмите во Дубаи? Заев како е, оди ли бизнисот? Харис Џиновиќ пееше ли повторно на ваша приватна забава? Сигурно од времето поминато на песочните плажи, Венко не е запознаен, но да ти кажеме дека камп за мигранти нема да има. Сигурно не си чул, но тоа го кажа и амбасадорот на Обединетото Кралство, кажа на денешната прес-конференција Валентин Манасиевски, член на ЦК на ВМРО-ДПМНЕ.
„Сигурно си се заиграл на песоците во Дубаи и не знаеш дека парите од Обединетото Кралство ќе се користат за проекти, а не за плаќање на избори како во твое време?
А сега, ќе ти кажеме и каков нема да биде договорот со Обединетото Кралство.
Договорот нема да биде како твојот површен за градба на модуларни болници, полн со криминални моменти.
Договорот нема да биде ниту како крвавите тендери од 35 милиони евра, договорот нема да биде ниту како обидот за приватизација на јавното здравство како што ти пропагираше, ниту ќе биде како договорите со веледрогеријата Пановски, на чиј сопственик ќерката му ја постави директорка на Клиника, па редевте милионски тендери.
Договорот нема да биде ниту како тој за Стабри вакцините и профитерството во короната, ниту пак со маил жути јаху“, вели Манасиевски.
Во однос на трагедијата во Кочани, претседателот Мицкоски, додава тој, ги прими семејствата на загинатите од Кочани, но ти беше во Дубаи и не можеш да знаеш за тоа.
„И на крај, Венко нели ти е срам да збориш за Кочани? Кажа ли дали се согласуваш со пресудата за Модуларната болница со симболична одговорност на периферни ликови?
Венко те гризе ли совеста или воопшто не ти е гајле“, го праша Манасиевски Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Арсовска: Висар Ганиу фатен со криминално легализирање дивоградби со фалсификат, документи се доставени до обвинителство

„Висар Ганиу фатен со криминално легализирање дивоградби со фалсификат, за што документи се доставени до обвинителство и има изјави кои сведочат за начинот на кој ги спроведувал овие незаконски постапки, институциите уште се мислат кога да ПОЧНАТ да постапуваат“, вели градоначалничката на Град Скопје, Данела Арсовска.
„Во меѓувреме Висар си брише имотни листови од Катастар, замислете овие луѓе кои до вчера имале имот, денес немаат, поради неговите фалсификати.
Фалсификатот го запишувал во Катастар на 20.03.2025 година сред денови на жалост за трагедијата во Кочани, користејќи период кога мислел дека нема никој да примети што прави.
1. Барање за упис во катастар
2. Решение за упис во катастар со фалсификат документи
3. Барање за бришење имотен лист од катастар
4. Решение за бришење да може да го уништи досието со фалсификатите
5. Катастар за 24 часа го брише досието со што директно овозможува да можат да се уништат докази за делото
Зошто само 2% доверба имаат граѓаните во правосудството? Во моментов во затвор лежат луѓе за влез во Собранието на 27 април и за 100 ќебапи. Таму се постапило веднаш! Во Чаир кај Висар Ганиу ќе влезат да обезбедат докази за некоја година, нека троши кеш и нека ужива до тогаш!“, додаде Арсовска.
Македонија
Бројот 192 моментално не е во функција, граѓаните кои имаат потреба, да го користат 112, велат од МВР

Министерството за внатрешни работи ги известува граѓаните дека бројот 192 поради технички причини моментално не е во функција и се преземаат мерки за нивно отстранување.
„Ве информираме дека во функција е бројот 112 и граѓаните кои имаат потреба можат да го користат овој број“, додаваат од МВР.
Македонија
Пожарот во Вардариште е во голема мера изгаснат, полека се враќа протокот на струјата

Пожарот во Вардариште е во голема мера изгаснат, но БППЗ Скопје во моментот се уште вршат догаснување, извести Центарот за управување со кризи.
„ЕВН дел по дел полека го враќаат протокот на струјата во нисконапонскиот дел во нормала. За краток период се очекува целосно нормализирање на состојбите“, соопшти ЦУК.