Македонија
(Видео) Манасков: Јаневска создаде хаос и го врати македонското образование една деценија назад

На Меѓународниот ден на образованието, Социјалдемократскиот сојуз на Македонија ја испраќа пораката, дека образованието не смее да биде заложник на партиски интереси, туку основа за напредок на државата, истакна на прес-конференција, Јованче Манасков, член на Комисијата за образование и наука на СДСМ.
За жал, оцени тој, на овој ден кога државите во светот ставаат силен акцент на развојот на образованието, бележат галопирачки успеси преку унапредување на овој ресор, македонскиот образовен систем е во хаос.
Наместо вложувања во напредок, нашето образование, според него е вратено деценија наназад, без никаква визија и решенија за унапредување на системот кој треба да биде влог во нашата иднина.
„Власта ги занемари најважните прашања поврзани со образованието, го остави како последна алка во општеството. За ДПМНЕ очигледно не е приоритет да инвестираат во современ и квалитетен образовен систем, да го вреднуваат трудот на наставниците. Нивните приоритети се видливи – тендери, луксуз, недомаќинско трошење на парите на граѓаните, лично богатење, прошетки на сметка на државниот буџет“.
Власта, додава Манасков, носи закони за образование без јавна дебата, стручната јавност е исклучена од создавањето законски решенија кои ќе бидат важни за образованието на генерациите кои доаѓаат.
„На денешниот Меѓународен ден на образованието, срамно е да зборуваме за статусот на наставниците во Македонија, за нивните ниски плати, за работните услови, за инвестирање во образовната инфраструктура – генерално за квалитетот на целокупниот образовен систем. Секогаш кога ДПМНЕ е на власт, го руши дигнитетот и авторитетот на вработените во образованието.
Власта има стотици милиони евра за нов авион ама нема пари за поголеми плати на наставниците.
И по 7 месеци од Владата на Мицкоски, нема ниту еден наставник ниту стручен соработник кој кариерно напредувал. Платите на наставнците се понижувачки“, вели тој.
Додаде дека секојдневно се под притисок на заканувачките изјави на министерката за образование Весна Јаневска и ДПМНЕ дека има вишок од над 3.000 наставници.
Нивниот статус, каѓа Мансокв, е неизвесен заради безидејната образовна структура на ДПМНЕ и нивната неспособност за креирање на развојни мерки за современо образование.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДС ги бранат бугарските позиции кои се од најголема штетност врз македонскиот народ, велат од ВМРО-ДПМНЕ

Според ВМРО-ДПМНЕ, СДС продолжува да работи контра македонскиот народ.
Наместо, како што велат да го стават прстот на чело и да се запрашаат зошто имаат низок рејтинг, тие продолжуваат да им се додворуваат на Бугарите.
„34 години без престан, работат во корист за другите, а не за македонскиот народ и држава.
Лажеа за знамето, за името, за Уставот, за ЕУ и за што уште не. На СДС во нивната матрица им е лагата.
Денес, повторно пред јавноста, иако министерот за надворешни на Бугарија изјави Македонија да не очекува уставните измени да се последен чекор од интеграцијата во ЕУ, СДС како партија за пропаганда, продолжуваат слепо да си веруваат сами на себе, дека уште уставни измени и ете сме во ЕУ“.
Како што додаваат од владејачката партија, на СДС не му е до достоинството, на СДС важни им се тендерите, сплетките, криминалите, омаловажувањата, буквално се што не треба.
„Затоа имаат рејтинг рамен на статистичка грешка, затоа немаа доверба од народот и затоа не сме сите исти.
СДС се синоним за неспособност, криминал и предавства“, велат од партијата на Мицкоски.
Македонија
ДУИ: Институциите го деградираат користењето на албанскиот јазик на ниво пред усвојувањето на Законот за јазиците

„ДУИ изразува длабока загриженост поради систематското непочитување на албанскиот јазик на официјалните веб-страници на министерствата на Владата на Република Северна Македонија. Недостигот на содржини на албански јазик во Министерството за енергетика, Министерството за транспорт, Министерството за внатрешни работи и други институции претставува не само прекршување на Законот за употреба на јазиците, туку и намерно исклучување на албанците од пристапот до јавни информации“, велат од ДУИ.
„Во некои случаи, задржани се само старите двојазични формати од претходната влада, но суштинските содржини, документите и клучните информации се објавуваат исклучиво на македонски јазик.
Станува збор за опасен тренд што оди подалеку од техничка негрижа – ова е институционална политика која го ограничува практичното користење на албанскиот јазик и ги поткопува темелите на меѓуетничката еднаквост во државата.
Дополнително, овие појави се случуваат во време кога се прават обиди за доведување во прашање на клучните одредби од Законот за јазиците пред Уставниот суд.
Кога државните институции почнуваат да го игнорираат или релативизираат едно од најважните достигнувања на Охридскиот рамковен договор – службената употреба на албанскиот јазик – се испраќа опасна порака за иднината на државната кохезија и меѓуетничкиот соживот.
Во момент кога се случуваат овие сериозни процеси, албанските партнери во Владата се зафатени со внатрепартиски караници за претседател на ЛЕН, иако секој од нив со помалку од 1% поддршка од граѓаните, и молчат пред овој удар врз правата на албанските граѓани.
Со оваа тишина, тие не само што ја легитимираат оваа политика, туку стануваат дел од проблемот.
ДУИ им упатува повик на институциите да го почитуваат законот и Уставот, да го запрат јазичниот дискриминациски курс. Албанците нема да прифатат да бидат третирани како граѓани од втор ред. Јазичната еднаквост не е привилегија – таа е право“, соопшти ДУИ.
Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.