Министерот за социјална политика, демографија и млади, Фатмир Лимани, денеска се сретна со претставници на неколку граѓански организации- даватели на социјални услуги. На средбата се разговараше за заедничките заложби и цели на кои работат двете страни, а тоа е обезбедување на благосостојба на граѓаните, корисници на услугите.

Соговорниците разговараа за резултатите на социјалната реформа, со акцент на деинституционализацијата и социјалните услуги, кои претставуваат одличен пример во регионот за тоа како системот на социјална заштита е во корист на корисниците на услуги.

Од страна на Министерството, беше посочено дека со почетокот на 2025 година предвидена е ревизија на Законот за социјална заштита, уредување на подзаконските акти и мониторинг евалуација на социјалните услуги.

Како и дека, наскоро ќе биде објавен и нов јавен повик за изразување интерес на општините за воспоставување и проширување на социјалните услуги и зголемување на бројот на корисници.

Соговорниците се согласија во заедничките цели – јакнење на системот на социјална заштита, а тоа најдобро се прави преку зајакнување на социјалните услуги преку кои корисниците се подготвуваат за живеење со поддршка и нивно вклучување на пазарот на труд, како активни чинители во општеството.

ВМРО-ДПМНЕ најавуваше реализација на капитални инвестиции со силен раст и брза реализација, од една страна во делот на националните проекти како изградба на патишта и гасоводи, училишта и градинки, канализации и водоводи, и секако од друга страна поддршка за општините преку реализација на локални проекти, истакна пратеникот на СДСМ Благој Бочварски на денешната собраниска седница, посветена на пратенички прашања.

Бочварски нагласи дека до 18 декември, до пред крај на годината реализацијата на капиталните инвестиции, и покрај кратењето со ребалансот, е само 60%, а за наредната година се проектирани 800 милиони евра за капитални инвестиции.

„Ветувавте намален дефицит, добивме зголемен дефицит, ветувавте намален јавен долг, добивме зголемен јавен долг од над 62%, ветувавте помалку трошење и штедење, а добивме историски најголем буџет од 6,5 милијарди евра. Сега повторно ветувате високо ниво на капитални инвестиции во 2025 година, а реализацијата до денес за 2024 година е само 60%. Прашањето ми е колку очекувате дека ќе реализирате од овие 800 милиони евра за капитални инвестиции, во апсолутна бројка, 500, 600, 700 или можеби сите 800 милиони евра во наредната 2025 година имајќи предвид дека според досегашната работа јасно се гледа дека во тековната 2024 година потфрливте во реализацијата, ја запраша пратеникот на СДСМ Благој Бочварски, министерката за финансии.

Веќе разбиениот европски фронт на чело со нон-грата партијата ДУИ, исполнет со луѓе од црни листи, немаaт кредибилитет да зборуваат за прашања кои ги засегаат Албанците. Тие се разобличени и изложени пред очите на Албанскиот народ, велат од ВЛЕН.

„Сенката на Али Ахмети, Артан Груби – оваа лоша копија на Груевски, кој зборуваше со полна уста за ОНА, на првиот судир со правдата побегна. Дојди и соочи се, Артан! Албанците не се научени да бегаат. Албанците, кога се во право, се соочуваат со крената глава и не се плашат. Не ги посрамотувај Албанците, не ги користи како штит за твоите криминални дела“, му порачуваат на Груби од коалицијата.

Коалицијата ВЛЕН, како што беше истакнато на прес-конференција, одамна предупредува дека нон-грата партијата ДУИ е партија заробена од криминални структури, предводени од Артан Груби. ДУИ, според ВЛЕН, не може да се повикува на заштита на знамето, јазикот и Албанците – бидејќи сега е партија без кредибилитет и без сила да ги заштити Албанците.

„Не можеш секој ден да зборуваш за заштита на правата на Албанците, а во моментот кога ќе бидеш повикан да понесуваш одговорност
– да побегнеш“.

Според ВЛЕН, Артан Груби, Прпарим Бајрами и нивната клика се вистинското лице на криминалот и корупцијата.

Потенцираат дека правната држава се консолидира и никој нема да избега од правдата.

Оценуваат дека ќе се открие целосната вистина за злоупотребите во Државната лотарија.

„Тие што украле и го прекршиле законот ќе одговараат. Коалицијата ВЛЕН е цврсто решена да донесе транспарентност, одговорност и да ги заштити интересите на граѓаните. Ние нема да застанеме пред политиките на манипулација и страв, бидејќи иднината на Албанците не смее да остане заложник на криминалот и корупцијата.
ВЛЕН стои цврсто за посветла иднина за сите Албанци. Никој не е над законот“, е нагласено од страна на ВЛЕН.