Македонија
(Видео) Мециновиќ од Левица: Идеолошки залутаните бранковисти од ЗНАМ поддржуваат десничарска влада
![](https://makfax.com.mk/wp-content/uploads/2024/06/mecinovic.jpg)
На собраниската Седница за избор на нова Влада, пратеникот од Левица, Амар Мециновиќ, реплицираше кон ЗНАМ, ставајќи акцент на тоа дека ,,идеолошки залутаните бранковисти, поддржуваат десничарска влада”.
„Вашето движење ЗНАМ е едно обично десничарско движење кое ќе учествува во десничарска влада! Спомнувате и велите дека се декларирате како левичар, вие рековте дека ќе бидете горди што на Балканот Македонија ќе ги има најниските даноци! Ве молам, вратете се и кажете каде ви е овде логиката? Каде ви е идеолошката матрица? Кои се позициите на кои застанувате? – обраќајќи се кон ЗНАМ“, потенцираше во својата реплика пратеникот и портпарол на Левица, Амар Мециновиќ.
Мециновиќ ja коемнтираше и Програмата на новата Влада.
„Ова мене не ме изненадува – вашата изборна програма која е на пет страници. ,,ChatGPT” може да напише изборно посодржајна програма. Економски мерки имате три, од кои една е економски одржлива економија. Еве, ние сме за економски неодржлива економија! Не ви ги разбирам аргументите! Аргументите ги немате затоа и поддржувате десничарска Влада“, појасни Мециновиќ.
Мециновиќ поентираше дека единствена политичка партија која ќе се спротивстави на десничарската ДПМНЕ е Политичката партија Левица.
„Само автентична Левица, која сега е претставена преку нашата пратеничка група, може да се спротистави на десничарските баханалии, што ги спрема ДПМНЕ, со нивната Влада во наредните четири години“, рече Мециновиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Метежот на „Табановце“ е поради зголемениот безбедносен ризик од тероризам во Србија
![](https://makfax.com.mk/wp-content/uploads/2018/08/tabanovce.jpg)
Министерството за внатрешни работи ги известува граѓаните дека зголемениот временски период на чекање на ГП Табановце, за влез и излез од територијата на Република Северна Македонија е поради прогласеното црвено ниво на безбедносен ризик од тероризам во Република Србија.
„Граничните полиции на двете држави се во постојана комуникација со цел овозможување брз и непречен проток на патници и возила, но и соодветна контрола поради новонастаната состојба“, соопшти МВР.
Македонија
„Филипче не е нов лидер, туку чувар на фотелјата на Зоран Заев“, велат од ВМРО-ДПМНЕ
![](https://makfax.com.mk/wp-content/uploads/2020/11/zaev-filipce.jpg)
„Венко Филипче со 9 илјади гласови, колку се потребни за советник во општина стана лидер на СДС. Еден Заев се замени со друг Филипче. Тажен завршеток на сагата за нов лидер, со стари навики“, велат од ВМРО-ДПМНЕ.
„Филипче не е нов лидер, туку чувар на фотелјата на Зоран Заев. Човекот е одговорен за погромот со Ковидот, каде десетици илјади луѓе ги загубија животите, директно одговорен за матните тендери каде референцата за избор емаил контакт на Жути кој доби милиони од стерилизацијата, или неговата хациенда на Водно веднаш до директорот на Клинички или пак модуларната болница за која Филипче не убедуваше дека кабелот е виновен.
Филипче е најдобрата маска на Заев. Исти луѓе исти вредности.
Ако мисли дека Филипче дека ќе се спаси, и кога ќе одговара за криминалите ќе вика дека е политички реваншизам овој пат тоа е најпогрешниот начин да избега од одговорност. Одговорност ќе има“, соопшти ВМРО-ДПМНЕ.
Македонија
Сончево и многу топло, во текот на ноќта невреме со пороен дожд, грмежи, силен ветер и град
![](https://makfax.com.mk/wp-content/uploads/2022/08/Ohrid-meteo-sonce.png)
Времето денеска ќе биде сончево и многу топло со слаб до умерен ветер од југозападен правец. Во текот на ноќта ќе има локална појава на невреме со пороен дожд, грмежи, силен ветер и град. Минималната температура ќе биде во интервал од 12 до 21, а максималната ќе достигне од 32 до 39 степени. UV=9
Во Скопје сончево и многу топло, со слаб до умерен ветер од југозападен правец. Во текот на ноќта во делови од котлината ќе има услови за локална појава на невреме со пороен дожд, грмежи, засилен ветер и град. Минималната температура ќе се спушти до 18, а максималната ќе достигне до 37 степени.
Денеска преку денот ќе се задржи сончево и многу топло време со дневни температури кои насекаде ќе бидат над 30 степени. Во текот на ноќта кон вторник и во вторник на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер и град. Потоа во среда и во четврток ќе преовладува променливо облачно и посвежо време со повремен пороен дожд и грмежи и ќе дува умерен северен ветер.