Македонија
(Видео) Мизрахи ја обвини заменичката Шкријељ дека ги партизира институциите
Техничката министерка за труд и социјална политика, Рашела Мизрахи, обвинува дека нејзината заменичка, дополнителната министерка Санела Шкријељ, ги партизира институциите за време на техничката Влада. Мизрахи обвинува дека оркестрирано им се даваат партиски насоки на директорите на центрите за социјална работа. Таа вели дека е симптоматично тоа што од сите директори на центрите за социјална заштита добиле слични одговори кога прашала дали имаат проблем со имплементирање на реформата за спојување на правата и услугите. Министерката Мизрахи смета дека опструкциите од Шкријељ се небулозни и детски, а на прашањето дали случајот ќе го пријави во надлежните институции, вели: „Почекајте и ќе видите“.
„Вработена во Министерството за труд и социјална работа и кабиентски службеник на дополнителната заменик-министерка Шкријељ преку пораки на една од апликациите за комуникација им дава конкретни насоки на директорите на центрите за социјална работа, односно тие да одговорат позитивно за измените на Законот за социјалната заштита како дел од социјалната реформа. При посетите на центрите за социјална работа од непосредна комуникација со вработените добиваме сознанија и увидуваме дека ситуацијата е повеќе од алармантна. Симптоматично е кога ќе добиете одговори од сите директори на центрите за социјална работа, кои буквално се истите реченици. Од новинарите дознавме дека имало комуникација, каде што се давале насоки како да одговорат“, посочи Мизрахи.
Според неа, кога со својот тим ги посетува центрите за социјална работа, наидуваат на парализирани вработени, кои шепотеле, а вработените на ливчиња со информации дека системот нема да биде функционален.
„Тоа укажува на страв. Но, страв од кого? Ние сме сограѓани. Страв од што? Затоа, ги поздравувам вработените во центрите за социјална работа, кои изготвија петиции и рекоа дека реформата е избрзана, дека не се подготвени, дека немаат доволно обука и дека системот би бил дисфункционален во периодот на предизборието. Ова остава простор да се размислува за манипулација преку Минситерството од страна на заменик-министерката“, додаде Мизрахи.
Техничката министерка Мизрахи вели дека прашањата треба да се решаваат во Министерството, но опструкциите не доаѓаат од неа, туку од нејзината заменичка Шкријељ.
„Треба прашањата да ги решаваме во рамките на Министерството. Во однос на позиционирање на кабинетот и моето доаѓање во Министерството, раката беше подадена повеќе од еднаш. Направивме неколку состаноци за да го износиме товарот во предизборието. Имаме само 100 дена за да покажеме дека сме достоинствени и можеме. Тоа не го дочекавме од спротивната страна, веќе излегуваат на виделина докази за опструкции на работата на кабинетот. Ова е повеќе од небулозно и детско. И навистина е доста“, рече Мизрахи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.