Македонија
(Видео) Министерот Чулев во посета на штипската полиција, се разговараше за подготовките за изборите

Министерот за внатрешни работи Наќе Чулев оствари работна посета на Секторот за внатрешни работи во Штип и Одделението за внатрешни работи во Кочани. Во фокусот на двете работни средби со раководството беа темите поврзани справувањето со пандемијата од Ковид-19, активностите за обезбедување и организација на парламентарните избори и тековните активности поврзани со борбата против сите форми на криминал.
На работните состаноци министерот Чулев потенцираше дека на централно ниво Министерството за внатрешни работи преку Републичкиот оперативниот штаб формиран за таа намена ги презема сите неопходни мерки за обезбедување на фер и демократски избори, но и за обезбедување на здравствената сигурност на граѓаните. Секторите за внатрешни работи, пак преку одделенијата за внатрешни работи треба тие активности да ги операционализираат до секое избирачко место на територијата на целата држава.
Од страна на раководството на СВР Штип и ОВР Кочани беше нагласено дека веќе се изработени плановите за постапување на полициските службеници на денот на изборите, детектирани се критичните места и се преземаат сите неопходни мерки со кои ќе се гарантира мирна изборна кампања, но и деновите наменети за остварување на гласачкото право ќе поминат во мирна атмосфера. Министерот Чулев нагласи дека кога станува збор за кривичните дела поврзани со изборите, постапувањето на полициските службеници треба да биде неселективно, затоа што таквото постапување ќе гарантира дека изборите се демократски и ќе биде причина граѓаните храбро, одлучно и масовно да излезат на гласање. Бескомпромисната борба против сите форми на криминал поврзан со изборите ќе прати јасна порака дека сите имаме иста и заедничка цел – фер и демократски избори кои ќе ја потврдат легитимноста на идната влада.
Тој во рамките на овие состаноци потенцираше дека во следните период пред Министерството за внатрешни работи е исправено сериозни предизвици и реформи со кои треба да се потврди патот на државата кон Европската Унија. Еден од тие услови е модерна, професионална, реформирана и опремена полицијата која ќе постапува неселективно во спроведување на законите и ќе може рамо до рамо да се носи со европските полиции. Таква полиција заслужува нашата држава и сите граѓани, заклучи Чулев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.