Македонија
(Видео) Митева: Еден директор во Владата на Ковачевски дава тендер на сопругата на друг директор во Владата на Ковачевски

Агенција за катастар на недвижностите е уште еден доказ дека граѓаните ќе го надоместуваат недомаќинското работење на функционерите на Владата. Енормно поскапување на цените на услугите и до 500 отсто, поскапувањата кои се на товар на граѓаните и бизнисот во услови на економска криза се донесени поради спас на Катастарот од банкрот, изјави на денешната прес-конференција Марија Митева, портпарол на ВМРО-ДПМНЕ.
Но, каква е другата страна од приказната. Додека власта дава согласност, а директорот на Агенцијата за катастар, Борис Тунџев, носи одлуки за зголемување на катастарските услуги, неговата сопруга добива бизниси од државата. Но, не станува збор за она што досега го објавивме во јавноста, а се однесува за нејзината фирма „КБ енергосоларис“ ДООЕЛ Скопје, каде што сопругата на Тунџев добива лиценца за производство на струја од РКЕ на 34 години. Само за потсетување, Тунџева преку „КБ енергосоларис“ ДООЕЛ Скопје ја гради ФЕЦ „Соларис“ во општина Радовиш во 2019/2020 година на вкупна површина од 2.979 м2, истакна Митева.
Митева објави договор за геодетски услуги помеѓу ЈП „Железници – инфраструктура“, каде што директор е Хари Локвенец, кадар од СДС, и од другата страна е „Геопроект инжинеринг“ ДООЕЛ Скопје, сопственост на Светлана Тунџева, сопруга на директорот на Катастарот, Борис Тунџев, исто така кадар на СДС.
Таа додаде дека овој договор, оваа рамковна спогодба, е во висина од 2.360.000 денари. Тој е склучен на 26.5.2022 година. Договорот е во вредност од 40.000 евра во време кога платите за работниците во железници се несигурни, а железничкиот транспорт во Македонија никогаш не бил позапоставен.
Потписници на овој договор се Хари Локвенец како директор на ЈП „Железници – инфраструктура“ и сопругата на Борис Тунџев, директор на Агенцијата за катастар. Или, еден директор во Владата на Ковачевски дава тендер на сопругата на друг директор во в Вадата на Ковачевски.
Митева наведе дека Тунџева, покрај тоа што е сопруга на директорот на Агенцијата за катастар, и самата е во структурите на СДС, па таа е предложена и за заменик-член на избирачки одбор за избирачкото место 2650 во Карпош од партијата СДС. За тоа има доказ објавен во службен гласник на Општината. Додека нејзиниот сопруг директорува со Агенцијата за катастар и ги зголемува цените за услугите на оваа институција и 5 пати, неговата сопруга преку својата фирми склучува државни тендери во вредност од десетици илјади евра.
Почитувани, ова се договори што власта ги склучува за сопствени бизнис-интереси, додека енормно ги поскапува услугите што им се неопходни на граѓаните. Оваа власт мора да замине, истакна Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
УЈП со повик за исполнување на ДДВ обврските: евидентирана е загрижувачка состојба

Управата за јавни приходи информира дека заклучно со 25 јули 2025 година евидентирана е загрижувачка состојба во однос на исполнувањето на обврските поврзани со данокот на додадена вредност (ДДВ).
„Според последните податоци: не се поднесени ДДВ-пријави од 142 месечни и 2.134 тримесечни обврзници. Пријавен, но неплатен ДДВ-долг е евидентиран кај 1.326 месечни и 7.748 тримесечни обврзници.
Директорката на Управата за јавни приходи, Елена Петрова, со порака: „Непочитувањето на законскиот рок е сериозен прекршок. Сите обврзници кои не поднеле ДДВ-пријава или не го платиле ДДВ-долгот се повикуваат итно да постапат согласно законските прописи. Даночната дисциплина не е избор, туку законска обврска и одговорност на секој граѓанин и компанија, темел за функционална држава.“
Управата за јавни приходи, како што додаваат во информацијата, веќе доставила персонализирани известувања до сите ДДВ-обврзници кои имаат пријавен, а ненаплатен долг за соодветниот даночен период.
„Преку координирано постапување и интензивна комуникација со даночните обврзници и со сметководителите, се спроведува целосен сет активности и мерки — со цел да се избегнат блокади на сметки и дополнителни трошоци за присилна наплата. За секој ден на задоцнување, се пресметува камата во износ од 0,03% од преостанатиот долг. По доставата на опомените, управата ќе пристапи кон присилна наплата кај сите обврзници кои нема да го подмират долгот доброволно. Со цел навремено информирање и исполнување на обврските, како и обезбедување солидна даночна историја, УЈП останува во постојана комуникација со сите релевантни страни“.
Македонија
Владата донесе одлука за промена на таблиците на службените возила и отворање на конзулат во Корча

Владата на денешната 97 седница донесе одлука сите државни институции да ги променат регистарските таблици на службените возила со новите таблици со боја најдоцна до 15 септември 2025 година. Оваа одлука е во насока на уште едно реализирано ветување пред граѓаните со цел поголема отчетност, транспарентност и ставање крај на злоупотребите кои со биле пракса во минатото, соопшти владината служба.
Дополнително, Владата на предлог на Министерството за надворешни работи и надворешна трговија донесе одлука за отворање на генерален конзулат во Корча со јурисдикција во целиот регион. „Граѓаните мора да имаат брз и ефикасен сервис и услуги, поддршка за културни, образовни и економски врски.
Владата продолжува со конкретни мерки и политики кои имаат за цел да ја потврдат вистинската грижа за подобрување на стандардот и враќање на довербата на граѓаните во институциите“.
Македонија
Со запален факел се обидел да подметне пожар во Струмица: под истрага едно лице за загрозување на општата сигурност

Јавен обвинител од Основното јавно обвинителство Струмица донесе Наредба за спроведување истражна постапка против едно лице за обид да изврши – Тешки дела против општата сигурност од член 292 став 1 во врска со член 288 став 1 од Кривичниот законик.
Осомничениот вчера попладне, преку една социјална мрежа, се заканил на лице од Струмица дека ќе му ја запали викендицата, а потоа се обидел заканите да ги реализира.
На локацијата брана Водоча се обидел да подметне пожар и да предизвика поголема имотна штета. Со запален факел од хартија и текстил ги запалил гредите на натстрешницата, кои започнале да чадат и да горат. Со тоа предизвикал ризик од пожар не само на објектот, туку и на повеќе други викенд-куќи и на нискостеблеста и високостеблеста вегетација во непосредна близина.
Поради опасност од бегство и можност да го повтори односно да го доврши делото, јавниот обвинител до судијата на претходна постапка достави предлог за определување мерка притвор.