Македонија
(Видео) Митева: И по два дена, улиците и тротоарите се неисчистени

Фотографии од механизацијата на градот и општините можеме да најдеме на нивните социјални мрежи, тие се добро спакувани за собирање лајкови со цел да ја скријат жалната реалност, но и по 2 дена, надлежните никаде ги нема. По сè изгледа, механизацијата се вади само за сликање, обвини Марија Митева од ВМРО-ДПМНЕ.
„Сите градоначалници на Скопје се еклатантен пример што значи зборот неспособност.
Ниту еден тротоар не е исчистен, кој како ќе се снајде – така оди. За среќа, луѓето едни на други си помагаат, се придржуваат. А споредните улици се претворени во вистинско лизгалиште. Ова ли се тие општини со европско знаменце? Ова ли е тоа безбедно Скопје за сите?
Чија е должноста за чистење на тротоарите и споредните улици? Чија е одговорноста за преземање мерки за безбедно одвивање на сообраќајот на териториите на општините?
Или должноста е моја и на другите граѓани?
Почитувани градоначалници, срамно е да се кажува дека сè е под контрола, а сите да гледаме друга реалност. И уште едно потсетување, во Законот за локалната самоуправа под надлежност се подразбира збир на работи од јавен интерес од локално значење за чие извршување општината е одговорна!“, рече Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.