Македонија
(Видео) Митева: Каде завршуваат 30 отсто од тендерите во РЕК?
![](https://makfax.com.mk/wp-content/uploads/2024/02/marija20022024.jpg)
Каде завршуваат 30% од тендерите во РЕК? На ова прашање треба да одговорат власта на СДС и ДУИ, а по избори треба да знаат дека ќе има одговорност сите инволвирани во тендерот од 46 милиони евра за ископ на јаглен кој на неколку дена пред избори го зема фирмата на белорускиот конзул во Македонија, истакна денеска на прес-конференција Марија Митева, портпаролка на ВМРО-ДПМНЕ.
„30% е разликата во цена за ископ на еден килоџул јаглен кој го понудила „Марковски компани“ на белорускиот конзул и на другите фирми на тендерот. Иако „Марковски компани“ имала повисока понуда, таа го добива тендерот. Имено, РЕК Битола ја избира „Марковски компани“ со понудена цена за ископ од 129.7 денари по гига џул, а истовремено ја игнорира понудата од 100 денари по гигаџул. Власта мора да каже зошто е избрана поскапата понуда и дали во џебовите на луѓе од власта завршуваат овие 30% од тендерот? Ова не е единствен тендер на истава компанија, која е рекордер во тендери, од над 80 милиони евра во изнинативе години токму во РЕК, за ископи вредни милиони правеле и други фирми блиски до власта“, вели Митева.
Колкава е штетата која на овој начин е предизвикана 7 години и дали ова беше план на власта за грабеж на државата? Дали за да го реализираат овој грабеж со самото доаѓање на власт ја поништија набавката на рударска опрема за ископ на јаглен во вредност од 34 милиони евра, распишана од претседателот Мицкоски тогаш како директор на ЕЛЕМ? , прашува таа.
Набавката, според неа, предвидуваше набавка на багери, камиони, булдoжери за копање на јaглен во РЕК Битола, и доколку се реализираше истата ќе беше сосема непотребно да се ангажираат надворешни фирми за ископ, па така во РЕК ќе се заштедеа десетици милиони евра секоја година.
Оценува дека СДС и ДУИ ја стопирале набавката, затоа што знаеле дека ако РЕК има сопствена механизација, ќе нема како да распишуваат милионски тендери и како да ги крадат парите на народот преку вакви тендери.
„Коренот на проблемот е грабежот на државата преку РЕК Битола тежок стотина милиона евра од 2017 до денес, кој немаше да се случи доколку власта не ја поништеше набавката на механизација спроведена од претседателот Мицкоски. СДС и ДУИ систематски ја ограбуваа Македонија изминативе 7 години и за тоа одговорност ќе има“, потенцира Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Средба Тошковски – Гир: Продолжува поддршката на ЕУ во реформите и јакнење на капацитетите на македонската полиција
![](https://makfax.com.mk/wp-content/uploads/2024/07/2-3.jpg)
Денеска, министерот за внатрешни работи, Панче Тошковски, заедно со директорот на Бирото за јавна безбедност, Александар Јанев, оствари работна средба со амбасадорот на ЕУ во Република Северна Македонија, Дејвид Гир.
Тошковски на средбата ја изрази својата благодарност за поддршката и соработката за време на техничката влада и за континуираната поддршка што нашата земја, но и МВР, ја добива во насока на реформирање и модернизација на институциите.
Изрази уверување дека соработката и поддршката од ЕУ во следниот период само ќе се зголемуваат, конкретно и во областа на безбедноста.
На средбата министерот ги претстави главните приоритети на Министерството, во кои ќе биде потребна експертизата на ЕУ во постигнување на европските стандарди, со крајна цел што побргу да станеме дел од големото европско семејство.
Директорот на Бирото за јавна безбедност, Александар Јанев, ја потенцира тековната соработка на БЈБ во рамките на постојните проекти и искористувањето на фондовите од ЕУ, ги појасни планираните реформи на БЈБ и потенцира дека во фокус ќе бидат и евентуални злоупотреби на европски пари во државата за што ќе се спроведат и соодветни истраги.
Амбасадорот Гир ги истакна тековните проекти и поддршката што ја имаме од страна на ЕУ во делот на јакнење на капацитетите на МВР, особено во делот на илегалната миграција, борбата со организираниот криминал и ги посочи предизвиците во кои треба се фокусираме во иднина во насока на доближување на европските стандарди.
Гир ја даде својата поддршка во реформските процеси и ја потенцира и можноста за поддршка од системот на ЕУ за справување со евентуални шумски пожари во летниот период.
Македонија
Средба Костадиновски – Георгиевски: Ќе се унапредува соработката на Уставниот суд со Правниот факултет „Јустинијан Први”
![](https://makfax.com.mk/wp-content/uploads/2024/07/Sredba-1.jpg)
Претседателот на Уставниот суд, Дарко Костадиновски, денеска оствари работна средба со деканот на Правниот факултет „Јустинијан Први“, Сашо Георгиевски.
На средбата имаше дискусија за можностите за унапредување на соработката помеѓу Уставниот суд и Правниот факултет.
Костадиновски го информира Георгиевски за приоритетите во својот мандат, меѓу кои највисоко на агендата е интензивирање на соработката и интеракцијата меѓу Уставниот суд и науката.
Во рамките на предвидените активности, по повод 60-годишниот јубилеј што го прославува Уставниот суд оваа година, предвиден е меморандум за соработка со Правниот факултет.
Предлог-текстот на меморандумот беше во фокусот на средбата и се очекува во најбргу што може да биде потпишан.
„Изразувам искрено задоволство за Вашата подготвеност за соработка, лично сметам дека ставот и позициите на науката по важни општествени и особено релевантни теми за уставното судство се од исклучително значење и не случајно еден од врвните приоритети за мене е поголема присутност на науката не само теоретски во стратегиите туку и во секојдневните активности, во согласност со надлежностите на судот“, потенцира Костадиновски.
Георгиевски ги поздрави подготвеноста и позитивниот пристап за воспоставување поинтензивна соработка помеѓу Уставниот суд и Правниот факултет „Јустинијан Први“ и изрази очекување дека двете институции преку меморандумот ќе имаат заемна корист.
Македонија
Мицкоски: Измените во здравството предвидуваат намалување на функционерите и лоцирање на одговорноста
![](https://makfax.com.mk/wp-content/uploads/2024/06/mickoski-1-1.jpg)
„Новите измени што ги предложи Владата предвидуваат намалување на функционерите во здравството, стоп за дуализмот и лоцирање на одговорноста бидејќи досега некако се префрлаше одговорноста од еден на друг, немаше јасна хиерархија и вертикална субординација“, изјави претседателот на Владата, Христијан Мицкоски, во одговор на новинарско прашање при денешната посета на Општина Гевгелија.
Мицкоски појасни дека досега се случуваше едниот директор да носи една одлука, другиот друга и тоа создаваше дуализам и конфликт, кој создаваше проблем во функционирање на здравството.
„Второ, намалување на функционерските надоместоци. Тука нема да застанеме, продолжува реформата, таа е интензивна, ќе имаме обединување на Клиничкиот центар, односно клиниките во рамките на Клиничкиот центар во една институција, односно правно лице, и понатаму продолжуваме со регионализацијата и локалниот пристап на здравствениот систем“, потенцира Мицкоски.
Мицкоски нагласи дека овие измени се предложени во програмата и граѓаните гласаа за нив и додаде дека интересот на Владата е штитење на интересот на граѓаните.