Македонија
(Видео) Митева: Методите на СДС за заплашување се залудни, вештачењето е документ лично од Славјанка
Реакцијата на власта за наводна одбрана на Славјанка Петровска е уште еден доказ за нивните манипулативни методи, со кои се обидуваат пред се да ја сокријат вистината, а со тоа да презентираат лажна жртва на министерка од нивната влада, истакнува портпаролката на ВМРО-ДПМНЕ, Марија Митева.
„Жестоко и бурно се спротивставуваме на обидите пратеникот Драган Ковачки да биде обвинет за наводна злоупотреба на нечија дијагноза, од причина што тоа што беше презентирано од негова страна е дел од вештачење кое патем го нарачала самата Славјанка со цел нејзината тужба за клевета кон пратеникот Драган Ковачки да делува по веродостојно и вистинито за што бара наплата од 10.000 евра.
Вештачењето самата Славјанка го нарачала, а документот кој пратеникот Ковачки го читаше од собраниска говорница не го направил по сопствено барање, ниту го добил од истрага, туку го добил тоа психијатриско вештачење како документ лично од Славјанка Петровска, кое ако се прочита такво какво што е, таа треба да си поднесе оставка, ако не е нејзината состојба таква каква што е наведена“, вели Митева.
Втората можност, како што појаснува, е министерката за одбрана свесно, да извршила влијание над специјалистот психијатар, да направи извештај во кој што ќе ги преувеличи нејзините последици после медиумското соочување со пратеникот Ковачки, а се со цел да самата министерка го добие судскиот случај и паричното побарување од 10.000 евра.
Според неа, јавниот интерес се состои од тоа што додека Славјанка Петровска не пријавила имот и лаже на национални телевизија дека не поседува имот кој што не е пријавен во анкетен лист беше демантирана и презентирано на јавноста од страна на пратеникот Драган Ковачки.
„Добро познатите методи на СДС за замолчување и заплашување беа применети и од Славјанка Петровска кон пратеникот Драган Ковачки со поднесување тужба за клевета за овој случај. Воедно да биде ситуацијата полоша од актуелната потврдува и фактот што пред само неколку дена на друга телевизија во интервју, Славјанка Петровска потврди дека адресата на живеење се води на имот во Радишани, а истиот тој имот не е пријавен во ДКСК.
За ова почитувани, ВМРО-ДПМНЕ ниту сега, ниту во иднина нема да молчи, а на СДС им порачуваме дека залудни им се обидите некого да го обвинат за шовинизам додека, истата таа личност која што обвинува лажно морализира.
СДС со начинот на кој што ги злоупотребува сопствените жени министерки во владата и лажно ги претставува за жртви, уште еднаш докажа дека не допринесува за вистинска родова рамноправност, која во ниеден случај не подразбира заштита на жената само заради тоа што е жена, туку подразбира еднаквост, правичност и почитување врз база на остварени резултати, и чесни постапки во политиката“, потенцира Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
УХМР: Најголема опасност од излевања и заезерувања има во југозападните и западните делови на земјата
Од утринава зголемување на водостоите има во југозападниот дел на земјата, односно на река Коселска, река Сатеска, река Ресенска и на останатите помали реки и суводолици во регионот каде се можни локални излевања на реките и појави на заезерување на водата. Во Охридско-Преспанскиот регион се очекува реакција на помалите реки и суводолиците, а исто така и во Струшкиот регион каде се можни локални излевања и појави на заезерување во Струшкото Поле заради интеракција на подземните и површинските води, информираат од Управата за хидрометеоролошки работи.
„Исто така, утринава е висок водостојот на река Вардар во горниот дел од сливот и можни се локални излевања на реката во тој дел (во Гостиварскиот регион), а можни се појави на заезерување на водата во Полошката Котлина.
Значително е висок водостојот на река Црна во долниот дел од течението и можни се локални излевања на реката и појави на заезерување на водата во Пелагониската Котлина, а исто така и во делови од Битолско-Прилепскиот регион. Во горниот дел од сливот нема позначително зголемување на водостојот но можни се заезерувања во Демир Хисарскиот регион.
Останува висок водостојот на река Треска и таму се можни локални излевања и заезерувања во целиот слив на реката, вклучително и Кичевскиот регион.
Генерално, најголема опасност од излевања и заезерувања има во југозападните делови и западните делови на земјата каде и во текот на денот некаде до 18:00 часот врнежите ќе бидат од дожд и снег и на повисоките места, додека на пониските ќе бидат само од дожд. Во попладневните часови, некаде после 18:00 часот се очекува продор на северен ветер и северно струење на воздухот што ќе придонесе за заладување на времето и врнежите насекаде ќе преминуваат во вид на снег. До тој временски преод останува опасноста од локални излевања и заезерувања на водата пред се во југозападните, западните и северозападните делови на земјата.
Предупредуваме на вниателно движење покрај реките и суводолиците во текот на денешниот ден“, се наведува во соопштението на УХМР.
Македонија
Денеска гласаат болните и затворениците пред повторните избори за градоначалници во четири општини
Денес се спроведува гласањето на болните или немоќни лица и лицата кои се на издржување на казна затвор за повторните избори за градоначалници на општините Гостивар, Маврово и Ростуше, Врапчиште и Центар Жупа, информира Државната изборна комисија.
„Вкупно 249 болни или немоќни лица можат да го остварат своето право на глас на овие избори. Од нив, 146 лица се пријавени за гласање во Гостивар, 32 болни или немоќни лица имаат право да гласаат во Врапчиште, 69 лица може да гласаат за градоначалник на општина Маврово и Ростуше и 2 лица може да гласаат за градоначалник на општина Центар Жупа. Со почеток во 7:00 часот во 7 казнено поправни установи, своето право на глас можат да го остварат 94 лица кои се на издржување казна затвор или притвор“, велат од ДИК.
Оттаму додаваат дека гласањeто досега се одвива непречено и без проблеми.
Македонија
ЦУК: Поплавени дворови и земјоделски површини, одрони на повеќе патни правци
Центарот за управување со кризи (ЦУК) соопшти најнови информации за последиците од обилните врнежи на територијата на Македонија – состојба заклучно со 09:00 часот.
Кочани и Штип
Кај Оризарска река во село Грдовци има излевање. Водостопанство Брегалница интервенира со багер гасеничар. Механизацијата е сѐ уште на терен. Од понеделник ќе започне чистење на речното корито на Оризарска река од Грдовци кон Оризари со цел да се спречат идни несакани последици.
Сообраќајот на патниот правец Кочани Грдовци е нормализиран.
На повеќе патни правци во источниот дел се појавуваат одрони и Македонијапат интервенира за нивно расчистување.
Битола
Во населбата Стрчин КЈП Нискоградба интервенира со механизација за расчистување на нанос од чакал и земја.
Во селото Кравари има заезерени земјоделски површини без опасност по објектите.
Во селата Жабени и Породин има поплавени земјоделски површини и ЈП Водостопанство интервенира на Жабјанска река.
Елешка река е излеана и има поплавени земјоделски површини.
Нивото на водата во реките е во опаѓање.
Ресен
Поплавени се земјоделско земјиште, дворови, куќи, помошни објекти и магацини за складирање на јаболка.
Нивото на Голема река е намалено од 2,20 метри на 1,40 метри.
Ангажирани се екипи од ЕЛС Ресен, Македонијапат и ЈКП Пролетер Ресен кои вршат обиколка и проценка на состојбата на терен. Состојбата е нормализирана.
Крушево
Поради поројните врнежи водата за пиење е заматена и се препорачува да се преврива најмалку 10 минути.
Нивото на Црна река кај село Бучин е покачено но водата на местата каде што беше излеана е повлечена.
Екипи од ЈП Комуна, ТППЕ Крушево, ЕЛС Крушево и надлежни служби интервенираат на зајакнување на насипите кај критичните точки.
Демир Хисар
Локалниот пат кон село Мренога е затворен за сообраќај поради оштетување на мост на Боишка река. Надлежните служби ја обезбедуваат локацијата.
Прилеп
Во селото Лажани пријавена е штета кај еден жител поради поплавен двор и приземни простории и оштетување на тутунот.
Во селото Пешталево исто така имало поплавувања поради неисчистени канали.
Во двете села интервенираше градежна механизација за расчистување на каналите.
Тетово
Патот кон Бање Тетово е исчистен но СВР Тетово го има забрането сообраќајот од безбедносни причини.
Патот кон село Жерма и кон село Бродец е прооден.
Состојбата во село Стримница Општина Желино се следи континуирано од надлежните служби.

