Македонија
(Видео) Митева: Ограбена држава – потрошени 100 милиони евра по основ поддршка на компаниите на начин спротивен на законот

Нов метод како СДС и ДУИ ја направија Македoнија ограбена држава – потрошени се 100 милиони евра по основ поддршка на компаниите на начин спротивен на закон, истакна на денешната прес-конференција Марија Митева, портпаролка на ВМРО-ДПМНЕ.
„За жестоко и помпезно најавуваната инвестиција, за која се носеше и посебен закон за финансиска поддршка на македонското стопанство, СДС и ДУИ потрошиле 100 милиони евра, но никој не знае за што, како и кај кого завршиле овие пари. Во законот кој сами го донеле навеле дека секој може и има право да конкурира, дури вели во законот и оние правни лица кои што не ги исполнуваат условите согласно овој закон.
Не само што незаконски постапувале, дополнително е потврдено и дека немало никаков позначаен ефект од ваквите мерки. Имено, во извештајот на Finance Think – Институтот за економски истражувања, а се однесува на оценката на пазарот за економските мерки против КОВИД-19 се потврдува дека пазарот негативно го оцени првиот пакет мерки, Инвеститорите беа резервирани по објавите на третиот и четвртиот пакет мерки, веројатно затоа што веќе ја имаа вградено информацијата за ниската реализација на мерките од претходните два пакет мерки“, нагласи Митева.
Воедно, како што додава, согласно законот и правилникот стоело обврска дека треба да има формирано тело кое ќе следи како и на што се трошеле овие средства, но сепак такво тело не постоело.
Оовие факти, според неа потврдуваат дека наместо за народот, за бизнисот и економијата во целина, парите завршуваа кај фирми блиски до власта. Од ден за ден нови економски негативи, ни од ден за ден имаше позитива на салдото на функционерите на СДС и ДУИ. За ова мора да има одговорност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Kузеска: Владата да ги поништи тендерите за оценка на медиумите и парите да ги пренамени за Кочани

Додека народот и државата тагуваат поради огромната трагедија во Кочани во која згаснаа 59 млади животи а околу 200 се повредени, Владата на ДПМНЕ турка тендери за мерење рејтинзи и пропаганда, изјави портпаролката на СДСМ, Богданка Кузеска.
Опозициската партија вели дека за поддршката на семејствата и граѓаните во Кочани се организираат донации а владата на ДПМНЕ троши 400.000 евра за анкети и мерење на рејтингот на Мицкоски.
„Тоа не било доволно па гледаме објава на нов тендер за уште еден скап проект – оцена на медиумското влијание, мониторинг на медиумите, на социјалните мрежи, прес клипинг и оценка на вестите. Владата набавува софтвер за да ги оценува вестите на медиумите– дали се позитивни, негативни или неутрални, а планира да собира податоци и за авторите. Тоа ли се приоритетите на власта? Нема пари за плати, нема за пожарникарите, за лекарите, за работниците, пари има само за папаја, манго и рејтингот на Мицкоски“, рече Кузеска.
Според СДСМ, власта манифестира бесчувствителност и расипништво во време кога граѓаните едвај врзуваат крај со крај и се во колективна тага. СДСМ бара итно поништување на тендерот за „софтвер за медиумско влијание“ и тендерот за анкети. Тие пари, заедно со 400.000 евра предвидени за анкети да се дадат за помош на семејствата и граѓаните на Кочани. Сега е време за солидарност и одговорност, велат од партијата, а не за мерење рејтинзи и пропаганда.
Македонија
Случајот со Фросина Кулакова не’ собра, а причина е системот, велат од „Кој е следен“ по обвинувањата дека ја злоупотребиле трагедијата

Точно е дека движењето „Кој е следен?“ настана по сообраќајната несреќа на Партизанска кога загина Фросина Кулакова. Тоа не’ собра како граѓани, а причината е системот кој не функционира. Ова го истакна Борјан Ефтимов од „Кој е следен“, коментирајќи ги обвинувањата на семејството Кулакови дека ја злоупотребиле смртта за нивни интереси и профит.
Ефтимов вели дека секој има право да го каже своето мислење, а тие ќе продолжат да се залагаат за функционален систем и во иднина.
Ефримов тврди дека зад нив не стои ниту една политичка партија, а партиските соопштенија ги третираат како гол популизам.
Претходно, семејството на Фросина Кулакова го обвини здружението дека ја злоупотребило трагедијата. Сестрата на загинатата Фросина, во статус на социјалните мрежи напиша дека ним не им е важна жртвата, туку агендата. Рече дека некој со болен ум, со туѓа трагедија, решил да си прави профит, па така во јавноста се појавила иницијативата „Кој е следен“.
„Кој е следен“ стои и зад протестите по трагедијата во дискотеката „Пулс“ во Кочани, а денес протестира со столчиња пред Собранието, барајќи да бидат објавени сите документи за работњето на дискотеката низ годините.
Македонија
Движењето „Кој е следен“ со столчиња пред Собрание, бара да се објават документите за „Пулс“

Движењето „Кој е следен“ го почна протестот пред Законодавниот дом со кој бараат правда по трагедијата во дискотеката „Пулс“ во Кочани, каде животот го загубија 59 луѓе.
Собраните симболично донесоа столчиња, а видлив е и транспарент на кој пишува: „Собранието заседава, молиме за галама“, откако по трагедијата пратениците одлучија да не заседаваат. Борјан Ефтимов од „Кој е следен“ во таа насока рече: „Како граѓани сме фрустрирани од неактивноста на собранието. Не само овие две недели, Собанието и претходно е пасивно. Кога одат пратениците на одмор, решивме да се собереме и да дискутираме за проблемите“.
Активистот ги повика институциите транспарентно да ја објават документацијата за работењето на „Пулс“. Барањето го упати до Државниот пазарен инспектоарт, Министерство за економија, МВР, Инспекторат за урбанизам, локалната самоуправа во Кочани, Дирекција за заштита и спасување, Управата за јавни приходи и консултативното тело за превенција во Кочани.
„Бараме да се објави документацијата за да видиме дали дали бил извршен надзор врз работењето низ годините откако работела дискотеката“, рече Ефтимов.
Движењето повика да се објави документацијата и за случаите со Беса Транс, Дурмо Турс, Онкологија и модуларната болница.
„Системот не функционира, а јавноста нецелосно информирана за да се заштитат индивидуалци или групи кои владееле со Македонија“, рече тој.
Порача дека морална одговорснот треба да презеде и приватниот сектор. Движењето бара Комората на угостители и нивните здруженија да преземат активни мерки за едукација на членките за да се справат со проблемите и да ги заштитат своите гости, а не да се вкучуваат само кога им треба финансиска помош од државата.