Македонија
(Видео) Митева: СДС и ДУИ со години ја уништуваат Македонија декларирајќи вредности што не ги почитуваат

Ковачевски и СДС не се за ЕУ, туку за криминал, корупција и крадење, истакна на прес-конференција портпаролката на ВМРО-ДПМНЕ, Марија Митева.
Со Ковачевски и СДС, како што вели, Македонија е сè подалеку од ЕУ.
„Додека зборуваат за интеграција, всушност прават криминал и корупција, кога зборуваат за реформи, всушност ги ставаат судството и Обвинителството под партиски канџи.
Додека лажно пропагираат за европски фронт, инфлацијата во Македонија е помеѓу најголемите во Европа, цените на храната секојдневно се зголемуваат. Само во последните неколку недели има зголемување и по неколкупати на одредени производи, кои се дел од основната исхрана на граѓаните.
Со СДС Македонија има највисок буџет до сега, но најсиромашни граѓани. Долгот на државата е над 8 милијарди евра, што е речиси двојно повеќе пред СДС да дојде на власт“, вели таа.
Иако СДС ја задолжи Македонија за нови 3,7 милијарди евра, нема ниту една нова капитална инвестиција, додава Митева, граѓаните се организираат и преку СМС-пораки за донации за лекување во странство на болните, а болните од ретки болести молат за терапија.
„Повеќе од 6 години власта не може да ги доврши проектите, како за клиничката болница во Штип, го раскина договорот за клиничкиот центар во Скопје, 6 години веќе поминаа, а секој месец одредена категорија граѓани, болни од одредена болест, штрајкуваат за некој во власта да се смилува и да набави терапија, што практично е обврска за власта, а не прашање на нивната милост.
6 години СДС ја задолжува Македонија, 6 години Македонија се мачи да преживее, а народот моли за лекови. 6 години СДС ја злоупотребува ЕУ лажно декларирајќи вредности, кои не ги почитуваат, а за применување не станува ниту збор.
6 години Македонија е сè подалеку од ЕУ. Почитувани, со секој месец со СДС и ДУИ на власт уште повеќе Македонија се оддалечува од ЕУ. Затоа, потребни се избори за промени“, оценува портпаролката на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) СДСМ: Инфлација од 4,8 отсто, властите да ги прифатат нашите предлози за укинување ДДВ на храната

Заменик-претседателката на Форумот на жени при СДСМ, Ема Нешковска, на денешната прес-конференција изјави дека инфлацијата од 4,8 проценти на годишно ниво ја доведува економијата во сериозен пад и ја турка населението во сиромаштија. Според неа, ова е резултат на промашените економски политики на владата предводена од Христијан Мицкоски.
Нешковска истакна дека најмногу поскапување има кај храната и основните производи, што го прави животот потежок за граѓаните кои се приморани да прават тешки избори помеѓу плаќање сметки и купување намирници.
Таа ги повика властите да ги прифатат предлозите на СДСМ за укинување на ДДВ за храна, зголемување на минималната плата и покачување на платите во другите сектори како начин за намалување на трошоците и заштита на стандардот на граѓаните.
„Времето на владина незаинтересираност и арчење на парите на граѓаните мора да заврши. Сметката ја плаќаат граѓаните“, порача Нешковска.
Македонија
Влен: Бујар Османи и во МНР спроведувал сомнителни и криминални тендери!?

Државниот завод за ревизија јавно потврди тоа што граѓаните одамна го знаат, дека Министерството за надворешни работи, во време кога министер беше Бујар Османи, спроведувало незаконски тендери поврзани со организацијата на самитот на ОБСЕ во 2023 година, велат од Влен преку соопштение.
„Според ревизорскиот извештај: Потрошени се над 120 милиони денари без јасна евиденција; Не постои документација што точно е испорачано, инсталирано или оставено како трајна опрема во СРЦ „Борис Трајковски“; Договорите и јавните набавки биле спроведувани без транспарентност и со сериозни законски пропусти.
Ова е уште една потврда дека Бујар Османи, каде и да оди, зад себе остава сомнителни и криминални тендери!
Ова не е изолиран случај, истиот Бујар Османи беше осомничен од СЈО за сомнителни набавки уште кога беше министер за здравство во владата на Никола Груевски.
Граѓаните на Чаир добро знаат две работи за Бујар Османи: Прво, никогаш ништо не направил за Чаир, ниту еден проект, ниту една инвестиција, ниту една иницијатива. Второ, секогаш кога бил на функција, се поврзувал со скандали, сомнителни тендери и злоупотреби на јавни пари!“, велат од „Влен“.
„Влен“ додава дека Чаир не заслужува човек чие име се повторува во секој извештај за криминал и злоупотреба.
Македонија
Надлежните со препораки до граѓаните поради најавата за температури до 39 степени во периодот до 13 август

Министерството за здравство информира дека според најновата прогноза од Управата за хидрометеоролошки работи (УХМР), од 8 до 13 август 2025 година се очекува значително зголемување на дневните температури, кои на некои места ќе достигнат и до 39 степени Целзиусови.
Поради тоа, Министерството апелира до граѓаните да ги почитуваат препораките за заштита од топлотен удар: престој во разладени простории, внесување на доволно течности, избегнување на алкохол и засладени пијалаци, носење лесна и светла облека, како и ограничување на физичката активност во најтоплите часови.
Особено внимание треба да се посвети на ризичните групи — деца, стари лица, лица со хронични заболувања и бремени жени.
Во случај на појава на симптоми како вртоглавица, главоболка, гадење или забрзан пулс, веднаш треба да се побара медицинска помош.
Министерството ја следи состојбата и ќе постапува според потребите.
Според најавата на УХМР, времето денес ќе биде сончево со мала до умерена локална облачност. Ќе дува слаб до умерен ветер од северероисточен правец. Максималната температура ќе биде во интервал од 30 до 37 степени.