Денес, како што и претходно сте информирани, се одржа четвртото продолжение на процесот или дијалогот „Жан Моне“ во Собранието, кој се однесува на измени на Деловникот или дијалог за изготвување целосно нов Деловник за функционирање на Собранието, изјави Јован Митрески, координатор на пратеничката група на СДСМ.

„Како што и претходно знаете, во извештајот на Eвропската комисија, особено во делот што се однесува на Собранието, освен забелешките што беа директно испратени до опозицијата во делот на активната блокада што ја спроведуваат, во овој период постоеше и укажување или насока за продолжување на дијалогот ‘Жан Моне’ во Собранието под покровителство на претседателот, каде што учествуваат и потпретседателите на Собранието и координаторите, заменик-координаторите на пратеничките групи и дополнително пратеници што учествуваат во работата на пратеничките групи, а се однесува на нивното учество и помош во процесот ‘Жан Моне’, односно во изнаоѓање најдобри можни решенија за обезбедување функционално решение.

Денес, мора да изразам и жалење затоа што ова е второ закажување на четвртото продолжение бидејќи првото продолжување закажано на 28 октомври беше одложено по барање на ВМРО-ДПМНЕ поради нивни партиски активности. Не знам денес која е причината за нивно неучество, меѓутоа не сакам да верувам и сакам да испратам повик до нив дека не би требало да бидат обвинети да земат уште една обврска во делот на негативните извештаи на Европската комисија, кои се однесуваат на Собранието.

Фактички, ова ќе биде второто по активната блокада, ова ќе биде втората работа за која ќе бидат обвинети за неучество и во она што е препорака на Европската комисија, а тоа е дијалогот ‘Жан Моне’“, рече Митрески.