Македонија
(Видео) Мицкоски: Го дадов мојот потпис против фалсификат попис

Лидерот на ВМРО-ДПМНЕ, Христијан Мицкоски денеска во Свети Николе се потпиша на штандот на граѓанската иницијатива за собирање потписи за законот за поништување на законот за попис.
„Го дадов мојот потпис против фалсификат попис. Да поддржиме европски и вистински попис. Да спречиме кражба, да ја тргнеме политиката од статистиката“, порача партискиот лидер.
Го дадов мојот потпис против фалсификат попис. Да поддржиме европски и вистински попис. Да спречиме кражба, да ја тргнеме политиката од статистиката.
Posted by Hristijan Mickoski on Сабота, 20 февруари 2021
Од опозициската партија воедно информираат дека денеска стотици граѓани чекале на ред да се потпишат на пунктовите во Кочани, Делчево, Виница и другите населени места низ источниот дел од Македонија.
Од таму додаваат дека заинтересираноста за иницијативата на ВМРО-ДПМНЕ е огромна и меѓу граѓаните од пелагониско.
„Граѓаните се едногласни, нема да дозволат нови грешки заради коалициските договори на Заев. Попис може да има, но тој да биде исклучиво статистичка операција, кој ќе ја отслика реалноста“, стои во партиската порака.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).