Контакт

Македонија

(Видео) Мицкоски: Изминатите два дена повторно добивам закани

Објавено пред

Францускиот предлог, протестите, инцидентите, но и тврдењето за обид за негово убиство беа темите на кои се осврна претседателот на ВМРО-ДПМНЕ, Христијан Мицкоски во интервју за Прва. рс.

dobivaj vesti na viber

Тој рече и дека деновиве е цел на закани кон него и неговото семејство, а државата не му дозволува обезбедување.

Во прилог целото интервју:

Што се случува во моментот, каква е ситуацијата, дали има протести или поради празникот Курбан Бајрам денеска нема да има протест?

Денеска поради верскиот празник Курбан Бајрам нема да има протести, но ние продолжуваме веќе утре, така што одиме до крај нема повлекување.

Господине Мицкоски кога протестите започнаа и кои се основните барања на демонстрантите кои протестираат?

Па владата да каже НЕ, затоа што последниот предлог кој е модифициран кој што го добивме не претставува ништо друго освен класична асимилација на македонскиот народ и македонскиот идентитет.

Практично, сите тврдења на Бугарите дека ние сме Македонците некоја творба од титова Југославија и дека претходно сме биле бугари и дека не зборуваме на нашиот македонски јазик кој е кодифициран таму уште во 1945 година дека тоа ништо не постоело, дека тоа сето било Бугарија и дека практично нашата македонска нација и народ постојат од 1945 година и тоа е за жал дел од овој француски предлог кој ги содржи сите бугарски позиции. Овој последен предлог ние никако не можеме, ниту како народ, ниту како партија, да го прифатиме. Е сега постои оваа корумпирана елита во влада која нема никаков рејтинг, ВМРО-ДПМНЕ е партија која има два и пол пати повеќе рејтинг од оваа влада, практично и ги декласиравме на последните локални избори, поставија еден марионет од Зоран Заев кој што практично потпишува се и сешто само за да опстои уште неколку месеци таму каде што е. Тоа е главно барање на граѓаните кои протестираат владата да отстапи од прифаќање на францускиот предлог и да каже НЕ. Пред некој ден организираа и инцидент. Идентификувавме пет луѓе кои што пукаа кон народот. Тие пукаа на народот. Народот буквално со голи раце одеше кон пиштолите и тоа можеше да се види со слики и видеа. Замислете ако народот со голи раце оди кон пиштоли, до каде стигна работава.

Ги спомнавте инцидентите, кажете ми зошто е забележан толкав голем број на инциденти и апсења, и дали сето тоа фрли сенка на барањата на демонстрантите?

Прво, тука е една група која се класични осуденици и оние се уценети од страна МВР за да им се избришат сите пријави кои што ги имаат, да исценираат инцидент, а преку правење на инцидент така да успеат да го предомислат народот да излегува на протест и да протестира. Но, ефектот беше сосема спротивен од тоа што они го очекуваа и веќе следниот ден откако се појавија поголем број на граѓани отколку што беа првиот ден кога беа оние први инциденти, веднаш пратија луѓе кои што пукаа во народот. Но, народот како што ви кажав тргна да се пресмета со голи раце. Замислите тие луѓе кои што пукаа во народот, они се бранители на европските вредности кои се дел од овој последен модифициран француски предлог. Но, всушност тие се обични битанги која што ја штитат владата која никакво кредибилитет , бидејќи ¾ од народот сака оваа влада да си замине, и овој премиер кој е поставен таму каде што е само за да може уште неколку месеци Заев да може да спроведе уште некоја агенда овде кај нас.

Ја обвинивте владата дека сака да ве убие, кажете ми за што точно се работи и со што ги темелите ваквите тврдења?

Ќе ви дадам одговор и на тоа прашање, само ако ми дозволите да дополнам, ние како држава уште во 2000 година потпишавме договор за стабилизација и асоцијација, дури и пред Хрватска. Така што оваа наша голгота не трае 17 години, туку 22 години. Јас работам како редовен професор на факултет, предавам електроника и јас сега треба да им објаснувам на моите студенти да веруваат во нешто кое трае 22 години, а голем дел од нив после завршување на студиите заминуваат на Запад или во Америка, Канада, Австралија или било каде само да не останат тука и да го трпат ова што се случува. Така што оваа наша голгота трае 22 години, и повторно ќе кажам овој последен предлог, кој е на масата сега, не подразбира почеток на преговори, туку тоа е сликање во Брисел се додека ние не го промениме нашиот Устав за да внесеме 750 семејства кои зборат бугарски јазик во нашата Преамбула.

Што ќе се случува понатаму, дали сте спремни да ја блокирате цела држава се до исполнување на вашите барања?

Па вчера беше таа прва блокада, помина се добро и успешно. Ќе продолжиме со протестите и блокадите за да ја разубедиме оваа корумпирана и ненародна власт да се повлече чекор назад и да се откаже од овој предлог. Така беше и во 90тите кога беше Лисабонската декларација кога нас повторно истите луѓе не убедуваа дека не смее да биде името Македонија содржано во името на државата, и кога ние тоа го одбивме после неколку години сето тоа се промени. Така и сега ќе биде. Наместо притисокот на биде врз Македонија, бидејќи ние го променивме нашето знаме, својот устав, на сила го променивме името, сега повторно сакаат да отстапиме и да го промениме нашиот идентитет и да креираме некој нов идентитет по теркот на Бугарите. Е тоа нема да го прифатиме.

Господине Мицкоски кажете ми дали имате информација дали ќе добиете прилика да разговарате со некои од претставниците на власта во скоро време?

Бев јас на средба со премиерот и му кажав на масата се двата документа првиот е Општ став на ЕУ и вториот Заеднички став на ЕУ. Како најголема партија во државата, бидејќи ние имаме најголем број на пратеници во парламентот, најголем број на градоначалници, најголем број на советници во советите на општините, практично сме партија која има најголем рејтинг и заслужуваме да промениме 0,87 проценти во текстот на договорот. Еве прифатите го нашево, а потоа ние ќе прифатиме се останато. Но, тие и тоа го одбија, а тоа се оние есенцијални делови во тие два документа и постои уште еден трет документ, тоа е протоколот. Но, протоколот никој не го видел и кој знае што се договарале. И сега тие сакаат ние да прифатиме нешто за кое што никој нема поим што е тоа. Па замислете вие, да бара некој од вас да прифатите нешто од кое што зависи животот на вашето семејство, а вие да не знаете што е тоа што треба да го прифатите. И само заради тоа што ми верувате вие го прифаќате или го одбивате тоа. Мислам тоа е таква глупост што јас не можам да разберам што се случува. Не се овие вредности во кој јас верувам во 21 век.

Кажете ми како вие го гледате епилогот на сето ова?

Мора владата да отстапи. Доколку прифати тогаш ќе се запечати судбината на државата. Глупа е онаа теза во која кажуваат, прифатете го ова, седнете на маса преговарајте, па ако не ви се допаѓа, напуштете ја масата. Па ние сега сме на маса и сега преговараме за нашиот идентитет. Зошто мојот проблем со Бугарија, ако го прифатиме ова, да биде проблем за цела ЕУ. Тоа е најголемиот проблем, Бугарите сакаат ова повеќе да не биде проблем бидејќи сега се изолирани, туку да биде проблем Македонија со ЕУ. Тоа е главниот проблем.

Само за крај да ве прашам, рековте дека владата преку своите криминалци се обиде да ве убие во текот на протестите, кажете ми само за тоа?

Заканите траат веќе 4 години, но тоа кулминираше пред година дена. Јас сум единствен човек во Македонија, кој има најмногу рејтинг и кој ја води најголемата политичка партија, а на кој државата не му дозволување обезбедување. И сето тоа е намерно, за да може да се случи, тоа што требаше да се случи пред некој ден. Но не исклучувам можност, бидејќи последните два дена повторно имам закани по мене и моето семејство. Но, јас им реков јас сум спремен да го завршам свој живот, дали вие сте спремни да го повлечете чкрапалото?

Македонија

Муцунски за отворањето генерален конзулат во Корча: Време е да им се доближиме на Македонците во Албанија

Објавено пред

Министерот за надворешни работи и надворешна трговија, Тимчо Муцунски, попладнево преку социјалните мрежи информираше дека Владата на денешната седница донела одлука за отворање Генерален конзулат во Корча, Република Албанија.

dobivaj vesti na viber

„Грижата за Македонците во Албанија не ја покажуваме со зборови, туку со конкретни дела. Македонците од Мала Преспа, Подградец, Голо Брдо и Гора се предалеку од Тирана, време е да им се доближиме“, истакна Муцунски.

Тој појасни дека со оваа одлука, македонските државјани кои живеат во овие области ќе добијат побрз и полесен пристап до конзуларни услуги, како и поддршка за културни, образовни и економски врски.

„Целиме кон посилна грижа за интересите на нашите граѓани. Брз, достапен и квалитетен сервис. Ова се конкретни чекори, не празни зборови“, подвлече Муцунски.

Според појаснетото од неговиот кабинет, генералниот конзулат ќе има јурисдикција врз подрачјата Корча, Мала Преспа, Подградец, Голо Брдо и Гора, и ќе работи во целосна координација со Амбасадата во Тирана. „Неговите клучни надлежности ќе опфаќаат обезбедување конзуларни услуги, економска и културна промоција, како и унапредување на билатералната соработка во поширокиот регион“.

Прикажи повеќе...

Македонија

УЈП со повик за исполнување на ДДВ обврските: евидентирана е загрижувачка состојба

Објавено пред

Управата за јавни приходи информира дека заклучно со 25 јули 2025 година евидентирана е загрижувачка состојба во однос на исполнувањето на обврските поврзани со данокот на додадена вредност (ДДВ).

dobivaj vesti na viber

„Според последните податоци: не се поднесени ДДВ-пријави од 142 месечни и 2.134 тримесечни обврзници. Пријавен, но неплатен ДДВ-долг е евидентиран кај 1.326 месечни и 7.748 тримесечни обврзници.

Директорката на Управата за јавни приходи, Елена Петрова, со порака: „Непочитувањето на законскиот рок е сериозен прекршок. Сите обврзници кои не поднеле ДДВ-пријава или не го платиле ДДВ-долгот се повикуваат итно да постапат согласно законските прописи. Даночната дисциплина не е избор, туку законска обврска и одговорност на секој граѓанин и компанија, темел за функционална држава.“

Управата за јавни приходи, како што додаваат во информацијата, веќе доставила персонализирани известувања до сите ДДВ-обврзници кои имаат пријавен, а ненаплатен долг за соодветниот даночен период.

„Преку координирано постапување и интензивна комуникација со даночните обврзници и со сметководителите, се спроведува целосен сет активности и мерки — со цел да се избегнат блокади на сметки и дополнителни трошоци за присилна наплата. За секој ден на задоцнување, се пресметува камата во износ од 0,03% од преостанатиот долг. По доставата на опомените, управата ќе пристапи кон присилна наплата кај сите обврзници кои нема да го подмират долгот доброволно. Со цел навремено информирање и исполнување на обврските, како и обезбедување солидна даночна историја, УЈП останува во постојана комуникација со сите релевантни страни“.

Прикажи повеќе...

Македонија

Владата донесе одлука за промена на таблиците на службените возила и отворање на конзулат во Корча

Објавено пред

Владата на денешната 97 седница донесе одлука сите државни институции да ги променат регистарските таблици на службените возила со новите таблици со боја најдоцна до 15 септември 2025 година. Оваа одлука е во насока на уште едно реализирано ветување пред граѓаните со цел поголема отчетност, транспарентност и ставање крај на злоупотребите кои со биле пракса во минатото, соопшти владината служба.

dobivaj vesti na viber

Дополнително, Владата на предлог на Министерството за надворешни работи и надворешна трговија донесе одлука за отворање на генерален конзулат во Корча со јурисдикција во целиот регион. „Граѓаните мора да имаат брз и ефикасен сервис и услуги, поддршка за културни, образовни и економски врски.

Владата продолжува со конкретни мерки и политики кои имаат за цел да ја потврдат вистинската грижа за подобрување на стандардот и враќање на довербата на граѓаните во институциите“.

Прикажи повеќе...

Најново

Свет2 часа

„Дедо, работи прво на Америка “: Медведев по ултиматумот на Трамп

Откако поранешниот претседател на Русија, Дмитриј Медведев изјави дека Доналд Трамп не може да му поставува ултиматуми на Владимир Путин,...

Македонија5 часа

Со 71 глас „за“, изгласана интерпелација на државниот обвинител Љупчо Коцевски

Собранието денес ја изгласа интерпелацијата на државниот обвинител Љупчо Коцевски, поднесена од партијата „Левица“. Со 71 глас „за“, без воздржани...

Македонија6 часа

(Видео) Митрески: СДСМ нема да учествува во гласањето за интерпелацијата на обвинителот Коцевски

Интерпелацијата за јавниот обвинител, Љупчо Коцевски, нема правни последици и СДСМ нема да учествува во гласањето, одлуката е на обвинителот,...

Македонија8 часа

Кривична пријава за градоначалникот на Кичево – дозволил дива депонија во населена зона во градот

Полицијата поднесе кривична пријава против градоначалникот на Кичево, Фатмир Дехари, поради постоење основи на сомнение за сторени кривични дела „несовесно...

Македонија8 часа

(Видео) Лефков: Шоферот на Заев уапсен за подметнување пожар во Струмица

Во изминатиов период кажувавме дека голем дел од пожарите низ државата се подметнуваат од структури блиски до СДС, а денес...

Македонија9 часа

Мицкоски: Проектот за студентските домови, конечно, излезе од лавиринтите на бирократијата

Премиерот Христијан Мицкоски денеска при посетата на студентскиот дом „Кузман Јосифовски – Питу“ во Скопје изјави дека рехабилитацијата на студентските...

Македонија10 часа

Гори во Радовиш, Берово, Прилеп – активни седум пожари, три под контрола

Во текот на измнинатото деноноќие на територијата на државата евидентирани се вкупно 27 пожари на отворен простор. Од нив, седум...

Македонија10 часа

Кривична против директорка во Виница, си ја вработила ќерката во истото училиште иако немала соодветно образование

Полицијата поднесе кривична пријава против Г. С. (45) од Виница, директорка во основно училиште во овој град, поради несовесно работење...

Македонија11 часа

Поништена јавната набавка за 120 електрични eкоавтобуси, се пријавила една фирма што не исполнувала услови

Министерството за транспорт ја поништи јавната набавка за избор на понудувач за набавка на 120 електрични еколошки автобуси за јавен...

Македонија11 часа

ВМРО-ДПМНЕ го оцени како ефикасно справувањето со пожарите во Македонија во споредба со земјите од регионот

ВМРО-ДПМНЕ оценува дека институциите под водство на оваа Влада успешно реагираат на пожарите кои ги зафатија повеќе подрачја во Македонија,...

Македонија12 часа

Комисијата утврди дискриминација врз професионалните војници – синдикатот бара итни законски измени

Комисијата за спречување и заштита од дискриминација утврди индиректна дискриминација врз професионалните војници од страна на Министерството за одбрана, информира...

Свет13 часа

Русија: Сведоци сме на враќање на нацизмот на Западот

Сведоци сме на враќање на нацизмот на Западот, а Русија сама води борба против целиот тој регион, тврди рускиот министер...

Регион13 часа

(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот. Снимка од...

Свет14 часа

(Видео) Огромни поплави во Пекинг, триесет загинати

Триесет лица загинаа вчера во Пекинг кога обилни врнежи ја погодија кинеската престолнина, јави денес официјалната новинска агенција. Смртни случаи...

Македонија23 часа

(Видео) Македонецот кој спречи терористички напад во авион: „Реагирав инстинктивно“

На летот од Лондон до Глазгов се случи инцидент, откако еден од патниците извика дека има бомба, со слогани „Смрт...

Свет1 ден

Трамп го скрати рокот: Му давам на Путин уште 10 до 12 дена

Американскиот претседател Доналд Трамп изјави дека го скратува претходниот рок од 50 дена што му го дал на рускиот претседател...

Регион1 ден

Пожари беснеат на Балканот: илјадници се евакуирани, гори и во близина на популарна туристичка дестинација во Албанија

Пожарникарите денес се обидуваат да изгаснат шумски пожари во три одделни покраини во Турција, Грција, во близина на туристичка дестинација...

Македонија1 ден

И јас ќе ги прашам Фетаи и Меџити дали користеле службени возила за приватни или партиски цели, вели Мицкоски

Десет дена по медиумските објави, во кои се гледаат службени возила на вицепремиерите Изет Меџити и Арбен Фетаи нешто пред...

Македонија1 ден

Мицкоски за интерпелацијата на Коцевски: Јас не ги менувам ставовите преку ноќ

На еден ден пред расправата за интерпелацијата на државниот јавен обвинител Љупчо Коцевски, поднесена од партијата Левица, премиерот Христијан Мицкоски...

Македонија1 ден

Споменик на Андон Лазов Јанев-Ќосето поставен на кружниот тек во Автокоманда

Споменикот на Андон Лазов Јанев – Ќосето, кој беше отстранет од пред комплексот судови, е поставен на кружниот тек во...