Македонија
(Видео) Мицкоски: Македонија не му е приоритет на Заев, обновата ќе ги стави државата и народот на прво место
Претседателот на ВМРО-ДПМНЕ Христијан Мицкоски од Општина Ранковце порача дека владеењето на Зоран Заев е кошмар за македонците, но е најпосакуван сон за соседите. Македонија на Заев му е на дното на приоритетите. Не покажуваат елементарно чувство за македонците. Тоа им е традиција во СДСМ, порача лидерот на ВМРО-ДПМНЕ, Христијан Мицкоски.
„ Првата влада на СДСМ започна да не убедува да се откажеме од националното знаме и ни ветуваа Европа и дека сите наши проблеми ќе исчезнат. Потоа дојде временото име. И сега 25 години покасно истото ни го ветуваа. Да ве потсетам на транзицијата кога нашите родители доаѓаа разочарани со страв како да се преживее. Потоа да ве потсетам на ТАТ кога министер во тренерки со вреќи вадеше пари.
Втората генерација на СДСМ донесе голем национален срам беше кога територијалната поделба кога многу наши сограѓани станаа гости во својот дом. Тогаш се делеа тендери за тенковски делови. За оваа трета генерација што да ви кажам. Целиот криминал се гледа во Луј Витон чанта. Ако добијат четврта шанса за управување тогаш на маса на коалицијата СДСМ и БЕСА ќе биде Македонија. Прв чекор федерализација, а во втор чекор целосно уништување. Да биде кажано, да не биде дека ова било само во главата на вмровците. Истото беше и во 2016 година тогаш не убедуваа дека нема Тиранска платформа, нема промена на устав. Секој еден што ќе заокружи број 3 треба да знае дека заокружува за уништување на Македонија. Убеден сум во голема победа на ВМРО и коалицијата и нема да дојде до реализација на договорот на БЕСА и СДСМ, истакна Христијан Мицкоски.
Сето она што за нив претставуваше режим сега тоа го претворија во хибриден режим. Во таква реалност ние живееме. Во првите 100 дена предлагаме да биде донесен закон со кој ќе се испита потеклото на имот на сите политичари. Секој политичар да докаже од каде потекнува неговиот имот. Јас велам да почнеме од мене. Тој кој нема да може да покаже и докаже како го стекнал имотот за него ќе следи одговорност. Обновата е систем на вредности што е поинаков од овој денес во Македонија. Зборуваме за чести и работливост. Заедно сме со народот на терен да си ја обновиме Македонија. На 15 јули сум убеден во голема победа но веднаш на 16 јули да си ги засукаме ракавите и да си ја обновиме Македонија. Тоа го има во нашата читанка Обнова на Македонија. Таму има коа да дојдеме до 25 проценти повисока плата. Како до 20 проценти повисока пензија. Како до бесплатни студии во учебната 2020-2021 за студентите во државните универзитети и еден универзитет во првите 1000 во светот. Нула проценти за работодавач кој ќе вработи човек на возраст до 29 години. Најнизок данок во Европа од 8 проценти каков што нема никаде. Ќе субвенционираме 50 проценти за нова термоенергетска фасада за помали трошоци. Бесплатен приклучок за гас за секое семејство. 640 милиони евра за субвенции за земјоделците и навремен откуп, потенцира Мицкоски.
Христијан Мицкоски ги повика гласачите на 15 јули да излеземе масовно и да го заокружиме бројот 14 пред името на Игор Јанушев. Така закружуваме за Македонија каква што заеднички сонуваме. Победува Обновата со голема разлика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Левица ветува изградба на споменик за бранителите од Вејце
Политичката партија Левица вели дека ако дојде на власта ќе изгради во Вејце споменик во помен на загинатите бранители, кои несебично се жртвуваа во војната во 2001 година.
„Масакрот од 2001 година во село Вејце останува дел од колективната меморија на Македонците како најголем пораз на државните институции од група на терористи, кои ден денес немаат праведна судска разврска, туку напротив истите тие кои ги направија овие злосторства беа амнестирани и наградени со удобни фотелји.
Делегација на Левица на 28 Април ќе положи свежо цвеќе за сеќавање на жртвата на осуммина припадници на специјалната единица “Волци” кои беа убиени, масакрирани и живи запалени на истиот тој ден пред 23 години.
Проектот го изготви м-р Андреа Јанков, координатор на секторот за Урбанизам и локална самоуправа на Левица“, велат од партијата.
Македонија
Маричиќ: Евроинтеграцијата е премногу важна цел за да се потклекне пред предизвиците
Првиот заменик претседател на Владата за европски прашања Бојан Маричиќ ја пречека Вицепремиерката за европски прашања на Република Молдавија Кристина Герасимов. По остварената средба во Секретаријатот за европски прашања, Вицепремиерите одржаа заедничка прес конференција во Владата на Република Северна Македонија.
На прес конференцијата Вицепремиерот Маричиќ ја пренесе заедничката определба на двете држави што побргу да го завршат процесот за преговори за членство во ЕУ. Во продолжение интегралната изјава на Вицепремиерот Маричиќ.
„Откако на Самитот на ЕУ во Шпанија минатата година беше утврдена целта дека следното проширување на ЕУ е позиционирано до 2030 година, и откако Европскиот Совет донесе одлука да ги отвори пристапните преговори со Молдавија и Украина, Северна Македонија и Молдавија имаат заедничка цел. Со тоа стануваме и стратешки сојузници.
Република Молдавија сега го отпочнува скрининг процесот, додека ние го завршивме успешно во декември минатата година. Успешниот скрининг е резултат на ангажманот на речиси илјада владини претставници и експерти од академскиот и граѓанскиот сектор, за што добивме признанија од страна на Европската Комисија.
На колешката Герасимов ѝ пренесов дека Северна Македонија ќе им го стави на располагање сето знаење и искуство од овој процес на нашите колеги од пријателска Молдавија. Исто како што ние ја добивме поддршката од Хрватска и Словенија, Србија и Црна Гора.
Тоа е европската солидарност. Тоа е израз на пријателство и поддршка како европски вредности.
И двете држави сериозно претендираме на членство при следното проширување до 2030 година. Тоа проширување добива на значење и во забрзување заради геостратешките и безбедносните аспекти, Но, исто толку сме свесни дека за членство во ЕУ мора да ги исполниме и објективните критериуми и стандарди. Секоја земја одделно со своите специфики и перформанси е повикана да ги постигне тие стандарди, но споделувањето на искуствата на тој пат е од огромно значење и секогаш добредојдено.
Исто така, имаме сериозна намера и подготвени сме да ги извлечеме најдобрите придобивки од Планот за раст, кој треба да донесе дополнителна динамика во евроинтегративните процеси на земјите претенденти за членство во ЕУ.
Креиран, како финансиска и политичка инвестиција во регионот, Планот за раст со шесте милијарди евра за Западен Балкан е подадена рака за забрзување на процесот за членство до 2030 година. Тоа е брза лента на патот на евроинтеграцијата. Планот за раст бара реформи од државите и од владите, а придобивките се во системските промени кои ги обезбедуваме низ тие реформи, во финансиските пакети за земјава и во економската интеграција во единствениот европски пазар.
Мораме да останеме силно посветени на европската реформа агенда, зашто само на тој начин, токму преку Планот за раст ќе си обезбедиме слободно движење на стоки, услуги и работници, пристап до Единствената платежна област, олеснување на патниот транспорт, интеграција во индустриските синџири на снабдување, интеграција и де-карбонизација на енергетските пазари, како и во дигиталниот единствен пазар.
На овој пат до членството во ЕУ, сите земји кои се во преговори или се кандидати се соочуваат со предизвици кои бараат одговорни одлуки. Северна Македонија сега е пред таков предизвик. Ние нема да се откажеме од донесувањето на потребните одлуки за да ги продолжиме започнатите преговори.
Со колешката Герасимов се согласивме дека евроинтеграцијата е премногу важна цел за да се потклекне пред предизвиците. За двете земји членството во ЕУ е приоритет во остварувањето на врвните државни интереси.
Македонија
„Не е законски да не е осигурана Клиниката, за тоа треба да преземе одговорност менаџментот“, кажа Демири
Министерот за здравство Илир Демири кажа дека штетата на Токсикологија е покриена, откако имаше хаварија со цевката за парно.
„Клиничкиот центар има заеднички служби кои се наменети за тоа, тоа им е примамрна обврска да се грижат за Клинички центар и за сите хаварии што можат да се случат. Хаваријата со цевката за парно е санирана уште вчера од страна на заеднички служби“, рече Демири.
Дали е потпишан договор или не, тоа се интерни договори на Клиниките кои морам да ги проверам, додаде министерот.
Во однос на болничарот кој требаше да биде суспендиран, Демири кажа дека има една голема неправда направена на Токсикологија, а тоа е необезбедување на согласност од страна на менаџментот на таа институција за обезбедување договори за 18 вработени кои се дел од медицинските процедури, кои веќе 4 месеци служат на таа институција, а не добиваат никаква економска надокнада.
„Во тек е изборна кампања, не сакам да се прекрши ниту една законска процедура, чекам да дојде извештајот на Инспекцискиот надзор кој ги има обврзано во тек на 5 дена менаџментот да најде решание за 18 луѓе кои работат, а не добиваат надокнада. Не е законски да не е осигурана Клиниката, за тоа треба да преземе одговорност менаџментот“, кажа Демири.
На новинарско прашање, министерот одговори дека економската директорка оди на работа и не се паркира на влезот на Клиниката.
„Не се точни наводите дека доаѓала на работа по четири саати, според моите сознанија“, додаде Демири