Денеска сум во Гостивар за да пренесам порака дека се ближи крајот на ова наше тешко мачно секојдневие, порача лидерот на ВМРО-ДПМНЕ, Христијан Мицскоски.

Според него, СДСМ знаат дека ќе изгубат на следните локални избори и се исплашени затоа што тоа ќе значи создавање на услови за ново владино мнозинство и затоа, како што кажа, сега се бараат изговори за одложување.

„Одложување на изборите подразбира одложување на проблемите, единствен начин да се стави крај на сите проблеми на оваа неспособност и ова политичко мочуриште кое е реалност во Македонија е катастрофата кој на следните локални избори ќе се случи на СДСМ-ДУИ, тие се исплашени знаат дека ќе изгубат на следните локални избори и со тоа ќе се создадат услови за ново владино мнозинство и сега бараат милиони изговори за да се одложат изборите. Затоа треба да се делува инванзивно“, кажа Мицкоски.

Како што истакна тој, во сите проблеми на граѓаните во врска и со личните карти и со сè друго, лежи пораз на СДСМ на локалните избори.

„Моја порака денеска и она што јас сакам да го кажам е конечното решение на сите проблеми на граѓаните е пораз на СДСМ на локалните избори, ново владино мнозинство понатаму, веднаш после поразот на власта на локалните избори нови луѓе со нова визија, мотивирани и храбри да работат за интересите на државата и на граѓаните. Сѐ останато е одолговлекување на неспособноста и агонијата“, порача лидерот на ВМРО-ДПМНЕ.