Македонија
(Видео) Мицкоски од Крушево: Заев и СДСМ се доктори на наука за криминал и корупција
Од Крушево претседателот на ВМРО-ДПМНЕ, Христијан Мицкоски, порача дека на 15 јули народот овие политичките измамници од СДСМ ќе ги испрати на темната страна од македонската историја. Овие избори се историски бидејќи, како што рече тој, треба да се трасира иднината на македонското поколение, но и да се обели образот на нашите предци кои што со живот го платиле она што ние денеска го живееме.
„А крушевчани имаат најмногу право на ова бидејќи овде се биле она организирано востание и пркосот за независна македонска суверена држава уште на почетокот на 20 век. Она што овие избори ги прави поинакви е тоа што ние треба да завршиме со експериментите. Народот го разбудил пирејот во себе и решил да го победи овој противник на 15 јули“, рече Мицкоски.
„Еве, од овде, од Крушево, кажувам – јас сум Христијан Мицкоски, Зоране Заев, кој ќе те победи и тука ќе заврши твојата политичка кариера. А после тоа, еве ти кажувам – се обврзувам дека ќе го почитувам твоето право на пресумција на невиност и ќе имаш можност пред судовите да ја докажуваш. Но, не знам дали ќе успееш во тоа. Гледавме како Заев е добар во економијата, едно евро за Вицето, па гледавме како негов адвокат, брат на судијка што го замрзна имотот на ВМРО-ДПМНЕ и на тој начин му овозможи привилегирана позиција на СДСМ. Па гледавме како еден функционер ладно си зема купче пари и си го става во чантата. И, вака некако таа економија по мерка на Заев и СДСМ се сведува само на ова. Многу криминал, корупција и пљачка. Секогаш кога СДСМ е на власт, се случуваат овие три работи, но оваа Влада е надградена и проширена, јас кажувам дека доктор на науки станала. Прво, што прават е национално предавство. Втората работа е криминал и корупција. И третата работа е тоа што ги заробуваат судството и Обвинителството да се исперат за некои злодела од минатото и да конструираат некои дела за политичкиот противник“, рече од говорницата Мицкоски.
„На 15 јули ќе се најдеме на историска раскрсница. Дали да прифатиме истрошени потрошени политичари, како што е госпоѓата Шекеринска, која ја гледаме, како рече Мицкоски, уште од раните 90-ти од транзицијата кога се пљачкаше Македонија и нашите родители беа бркани од фабриките и половина од народот остана на улиците. Или ќе избереме маестро, патриот, човек што реди успеси и надвор од Македонија и со аплаузи на странските сцени успешно ја промовира македонската култура, родољубот Игор Дурловски“, рече тој.
На крајот, Мицкоски ги повика жителите на Крушево да го заокружат бројот 14 за обнова на Македонија. Тој рече дека е убеден оти народот во Македонија е одлучен да оствари историска победа и ќе победи на 15 јули.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
До 11 часот гласале 10,1 отсто од избирачите, најмногу во Пробиштип, намалку во Сарај
Одѕивот до 11 часот на вториот круг од локалните избори изнесува 10,1 проценти.
Според информациите на Државната изборна комисија, највисока е излезноста во Пробиштип каде гласале 22 проценти од избирачите, а висока излезност има и во Лозово и Крушево, со околу 20 и 19 отсто. Најниска е излезноста во Сарај со 1,86 отсто и Чаир со 2 проценти.
Излезеноста на гласачите во Град Скопје до 11 часот изнесува 8,30 проценти.
Оценето е дека гласањето тече без проблеми, а единствениот застој бил забележан во Дојран, каде поради технички проблем со уред за биометриска идентификација имало краток прекин, кој бил веднаш отстранет. Во вториот круг се гласа во 32 општини и Градот Скопје, на 1.771 избирачко место, а право на глас имаат 1.013.375 граѓани.
Првичните неофицијални резултати ќе бидат објавени по 20 часот. Некаде околу 23 часот, се очекува да бидат познати сите резултати од гласањето на изборите во вториот круг.
Македонија
„Фероинвест“ донираше медицински мебел произведен во „Брако“ на Клиниката за торакална и васкуларна хирургија
Компанијата ФЕРОИНВЕСТ реализираше донација на медицински мебел и опрема произведени во фабриката БРАКО од Велес, наменета за Универзитетската клиника за торакална и васкуларна хирургија во Скопје.
Донацијата е реализирана по официјално барање на Клиниката, која се обрати со молба за поддршка при обнова на медицинскиот мебел и асортимантот во неколку оддели, со цел подобрување на условите за работа на медицинскиот персонал и квалитетот на здравствените услуги.
Во рамки на донацијата, ФЕРОИНВЕСТ донираше медицински ормари, отомани, паравани, скали, колички и статични држачи за инфузија, сите дизајнирани и произведени во БРАКО, фабрика која е долгогодишен партнер на здравствените установи во земјата и регионот.
Со оваа донација, одделот на д-р Игор Џиковски при Клиниката доби современо уредени простории, целосно подготвени за започнување со работа и интеграција на новата медицинска опрема.
Со новата опрема, обезбедени се модерни, функционални и безбедни услови за работа, што ќе придонесе за поефикасно лекување и подобра грижа за пациентите.
ПР
Македонија
(Видео) МВР: Десет пријави за прекршување на изборниот молк, едно лице приведено во Шуто Оризари
За време на предизборниот молк регистрирани се 10 пријави за негово нарушување од кои по три на подрачје на СВР Скопје и СВР Охрид, две на подрачје на СВР Штип и по една на подрачје на СВР Тетово и СВР Битола. По преземени мерки не се потврдени пријавите за шест настани, соопшти МВР.
„Покрај ова, регистрирани се 19 објави на социјалните мрежи за време на изборниот молк кои се однесуваат на повик за гласање за одредени кандидати, како и објавени видеа и слики од партиски активности во штабови. Во врска со гласањето, на 01.11.2025 регистриран е настан за фотографирање кочан со гласачките ливчиња во основното училиште „26 Јули” во општина Шуто Оризари, при што приведено е едно лице и се преземаат мерки за расчистување на настанот“, велат од МВР.
На сите подрачја гласањето на болни и изнемоштени лица и затвореници помина без нарушување на гласањето.

