Македонија
(Видео) Мицкоски од Прилеп: Ќе направиме автопат од Скопје до Прилеп преку Бабуна
Лидерот на ВМРО-ДПМНЕ, Христијан Мицкоски, од Прилеп вети изградба на автопат од Скопје до Прилеп преку Бабуна и забрана за увоз на тутун додека не се откупи домашниот ако неговата паартија победи на изборите.
„Најпрвин им благодарам на прилепчани што во голем број се денеска овде во Центарот на Прилеп за да може да разговараме за иднината, да зборуваме за тоа како треба Прилеп да изгледа во иднината, а не како што е денеска, би рекол град што е целосно застанат во времето. Град во кој царува криминалот, царува корупцијата, град во кој практично недалеку од оваа бина од овде имаме информации и сознанија дека практично се продаваат и тргуваат наркотични средства. Град што е засрамен од началникот на одделот за внатрешни работи, кој беше уапсен поради основано сомнение дека врши нелегална трговија со наркотични средства и уште многу други работи, кои, за жал, изминативе четири години го ставија Прилеп на дното на приоритетите на оваа Влада“, рече тој.
Денеска, тука, во Прилеп, додаде Мицкоски, ќе имаме можност да го промовираме проектот што почна овде од Прилеп, а тоа е проектот за изградба на ново автопатско решение Скопје – Велес преку Бабуна, Прилеп, Битола, Меџитлија.
„Но, исто така ќе зборуваме за концептот на целосно дигитализирана општина. Тука до мене е и идниот градоначалник на Прилеп, доктор Борче, кој е човек за кој овде веќе сите гласно зборуваат дека е идниот градски татко за идните четири години, а зошто да не и понатаму да го препороди навистина Прилеп и да го крене од ова мочуриште во кое денеска се наоѓа“, рече Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Сега можеме да кажеме дека цензусот е исполнет, за претседател гласале 767.715 гласачи
Државната изборна комисија (ДИК) вечерва извести дека одѕивот на претседателските избори е 46,31 отсто, а на парламентарните 53,30 отсто. До 18.30 пристигнати се податоци за одѕивот на претседателските избори од 3186 избирачки места. Од вкупно запишани 1.657.939 гласачи на овие избирачки места гласале 767.715 гласачи односно 46,31 отсто.
„Сега можеме да се кажеме дека е исполнет цензусот“, рече претседателот на ДИК, Александар Даштевски.
Најголем одѕив до 19 часот за претседателските избори има во Новаци со 72,76 отсто, а најмал одѕив во Липково со 7,35 отсто.
Споредено со првиот круг од претседателските избори во 2024 година има намалување од 3 отсто.
До 19 часот пристигнати се податоци за одѕив на гласачите за парламентарните избори од 3186 места. Од вкупно запишани 1.665.591 гласач на овие избирачки места гласале 887.767 гласачи односно 53,30 отсто. Најголем одѕив на парламентарните избори има во Новаци со 74,85 отсто, а најмал во Центар Жупа со 18, 62 отсто.
Споредено со парламентарните избори во 2020 година има зголемување на одѕивот од 7,43 отсто на овие избори.
Првични резултати од гласањето Даштевски најави дека ќе соопшти во 23,30 вечерва.
Македонија
„Македонија добива нов претседател и нова влада“, најави Муцунски
„Цензусот е постигнат. Македонија добива нов претседател и нова влада, предводена од Христијан Мицкоски“, напиша на социјалните мрежи, потпретседателот на ВМРО-ДПМНЕ, Тимчо Муцунски.
Тој упати благодарност до граѓаните за поддршката, како и за нивниот придонес за мирни, фер и демократски избори.
Македонија
Јавно обвинителство: Изборниот ден помина без поголеми нарушувања во гласањето и пријави за изборни инциденти
Јавното обвинителство соопшти дека до затворањето на избирачките места, изборниот ден поминал генерално без поголеми нарушувања на гласањето и пријави за изборни инциденти.
„Од информациите добиени од јавните обвинителства во државава, во ОЈО Кавадарци оформен е предмет по поднесено известување против лице од Неготино кое било пријавено од граѓанин за кривично дело – Повреда на слободата на определување на избирачите од член 160 од Кривичниот законик. Според наводите, пријавената телефонски се обидела да влијае кај пријавителката да гласа за една политичка партија, напоменувајќи дека е корисник на ИПАРД помош. Предметот е во предистражна постапка и се преземаат дејствија за да се утврди дали постојат елементите на пријавеното кривично дело или друго кривично дело кое се гони по службена должност.
Во ОЈО Кочани примени се известувања од МВР за пријавени настани поврзани со организирано носење на гласачи на избирачко место. Јавен обвинител веднаш даде насоки за проверка и прибирање податоци дали при превозот на каков било начин им се влијаело на гласачите во врска со остварувањето на нивното гласачко право.
Анонимен граѓанин во Ростуше пријавил дека едно лице вршело поткуп на гласачи. ОЈО Гостивар веднаш даде наредби и насоки, беа направени детални проверки, при што наводите не се потврдија со ниту еден доказ.
Освен ова, јавните обвинителства постапуваат и вршат проверки за сите други изолирани настани за кои јавноста претходно беше информирана.
Сите евентуални сомненија за кривични дела кои би можеле да го нарушат изборниот процес ќе бидат испитани, а предметите ќе имаат приоритет на постапување во јавните обвинителства“, се наведува во соопштението на Јавното обвинителство на Република Северна Македонија.