Македонија
(Видео) Мицкоски: Подавам рака, да седнеме да зборуваме и да договориме датум за избори
![](https://makfax.com.mk/wp-content/uploads/2019/10/Mickovski.jpg)
Претседателот на ВМРО-ДПМНЕ, Христијан Мицкоски, рече дека во целото интервју на Ковачевски, кое го гледал, тој покажува фрустрација и нервоза, а она што не го очекувал да го забележи бил гневот што го има кон Мицкоски.
Мицкоски додаде дека не знае од каде му е тој гнев лично кон него бидејќи не се познаваат лично иако Ковачевски тврди дека имале комуникација. Ја демантира неговата изјава и го советуваше да не се служи со невистини како неговиот претходник.
„Јас навистина сум зачуден од тоа што го кажа вчера бидејќи се повикува на единство во рамките на Европа, а токму тој е факторот што создава неединство бидејќи јас лично и ВМРО-ДПМНЕ многупати во минатото подадовме рака, го повикавме на дијалог, сакавме дијалог во овие кризни времиња според него и според многу други членови на неговиот кабинет од Владата, самите тие констатираа дека се кризни времињата и неколкупати апелиравме да се седне, да се разговара, па ајде чекавме 100 дена да поминат и повторно апелиравме, но некако отсуството на мудрост и државнички капацитет во Владата што Ковачевски ја води, а и кај него самиот, доведе до тоа веднаш таа подадена рака да ја одбие. Ние сме свесни дека сето тоа води кон поларизација и дополнително фрустрирање на граѓаните, но едно знам, дека граѓаните, три четвртини од нив или 75 %, мислат дека оди во погрешна насока и дека оваа Влада треба да си оди. ВМРО-ДПМНЕ е народна партија и како таква мора да мисли на граѓаните, ние сме партија на народот и така се однесуваме. И бидејќи така се однесуваме, јас можам уште еднаш да подадам рака бидејќи до десетти има уште четири дена да се вразуми и уште еднаш да размисли, да седнеме да зборуваме“, додаде Мицкоски.
Мицкоски понуди и четири тима за Македонија од дента кога ќе седнат до датумот кога ќе договорат предвремени избори излезе што помалку оштетена од овие кризи, кои, за жал, оваа Влада, која е полна со криминал и корупција, е неспособна и не може да ги реши.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Деспотовски поднесе оставка од ТИРЗ шест месеци пред истекот на мандатот
![](https://makfax.com.mk/wp-content/uploads/2018/10/Despotovski-1.jpg)
Директорот на ТИРЗ, Јован Деспотовски, поднесе оставка од функцијата.
Деспотовски објасни дека неговиот мандат истекува во декемрви, но свесен е за новата политичка реалност.
Додава дека она што кулминирало деновиве бара негов целосен ангажман.
Деспотовски беше еден од предлозите за нов претседател на СДСМ, но на внатрепартиските избори што се одржаа викендов беше поразен од ексминистерот за здравство, Венко Филипче.
Деспотовски на чело на ТИРЗ застана на крајот на 2020 година.
Македонија
(Видео) Македонското знаме повторно се вее на Голем Кораб
![](https://makfax.com.mk/wp-content/uploads/2024/07/fdfd.jpg)
Вратено е македонското знаме на врвот голем Кораб. На социјалните мрежи е објавена снимка од промената на знамето.
View this post on Instagram
Претходно, албанскиот државјанин Изет Шулку со неговите пријатели од врвот на Голем Кораб го симнаа македонското знаме и го закачија албанското.
Министерството за внатрешни работи вчера го провери идентитетот на сторителот кој го отстрани македонското знаме од јарболот на Кораб и најави дополнителни мерки за расчистување на случајот.
-Министерството за внатрешни работи ја информира јавноста дека по преземени мерки од страна на Одделот за компјутерски криминал утврдено е дека се работи за лице кое не е државјанин на РСМ, соопшти МВР.
Реагираше и ЛДП која изрази длабока разочараност од инцидентот на врвот Голем Кораб и чинот го нарече неприфатлив и спротивен на принципите на спортот и планинарењето, кои треба да нè обединуваат, а не да нè делат.
Македонија
Средба Муцунски – Милер: во фокусот унапредувањето на човековите права
![](https://makfax.com.mk/wp-content/uploads/2024/07/1-1.jpeg)
Министерот за надворешни работи и надворешна трговија, Тимчо Муцунски, се сретна со новоименуваниот претставник на УНИЦЕФ во земјата, амбасадорката Лесли Милер, со цел предавање на копиите од акредитивните писма.
Муцунски ѝ честита на Милер за именувањето на функцијата претставник на УНИЦЕФ изразувајќи уверување дека со нејзиното искуство и посветеноста ќе придонесат за зајакнување на заемната соработка во периодот што следува.
Воедно, Муцунски информира за приоритетите и активностите на Владата нагласувајќи дека во фокусот на работата ќе биде унапредувањето на човековите права, со акцент на правата на најранливата категорија, т.е. децата.
Дополнително, истакна дека програмата за соработка 2021 – 2025 овозможува развивање и продлабочување на соработката со УНИЦЕФ, но и спроведување на приоритетните активности од владиниот план за правата на децата, што е во согласност со Националната стратегија 2020-2025 и акцискиот план за спречување и заштита на децата од насилство.
Воедно, стана збор и за проектите на УНИЦЕФ во земјата, што имаат цел промовирање на европските вредности за чие почитување континуирано се залагаме.
Соговорниците разменија ставови за досегашната заемна соработка на Фондот со земјата изразувајќи надеж дека таа ќе продолжи успешно и во иднина.