Македонија
(Видео) Незири: Обвинителот е човек со глава и тело, но раце и нозе му се Финансиска полиција, МВР и Антикорупциска
Со програма на осум страници и петнаесетгодишно искуство обвинителот Ермон Незири од Скопското јавно обвинителство в понеделник ќе бара доверба од колегите за шефовското место во Обвинителството за организиран криминал. Во дебата на „А1он“ вели дека нема да дозволи на ова Обвинителство да се гледа како на туристичка агенција или да се поима како „Обвинителството на Вилма“.
„Повторно излегоа на површина две тези: туристичка агенција и персонализација на Обвинителство. Барем јас така разбрав. Тоа е спротивно на тоа што јас планирам да го направам. Не може Обвинителството да се врзе со Ермон Незири. Таму има 15 обвинители кои самостојно одлучуваат, за тоа земаат плата, искусни обвинители “, рече Незири, а прашан кој ги разочарал младите обвинители, тој кажа: „Тоа секој си го сфаќа субјективно“.
„Вилма со таа своја работа, таа е негативно оценета и кај едни и кај други и кај трети, бидејќи се персонализира. И ние кога слушаме сабајле викаат: ‘На Вилма обвинителството’“, вели Незири посочувајќи дека секој обвинител треба да си говори за својот предмет и да го претставува во јавност.
Смета дека новиот шеф на Обвинителството за гонење организиран криминал треба да работи и на подобрување на меѓучовечките односи.
„Во ОЈО-ГОКК со овој тим и мала систематизација, прераспределба, евентуално подобрување на човечки односи за почеток би можеле да се подобрат работите, од причина што јавноста е таа која ја даде негативната оценка од 8 отсто верба во правосудството“, вели обвинителот Незири.
Клучно за тој да се охрабри да се кандидира била токму малата доверба на граѓаните во судството.
„Добро е што заклучивме дека перцепцијата на граѓаните е насочена кон Обвинителството за гонење организиран криминал и корупција. За мене е клучна алка за добивање, но и губење на довербата. Тоа е мотивот да се кандидирам за оваа функција“, рече Незири.
Клучно во работата Незири вели дека ќе му биде меѓуинституционалната соработка со надминување на личните анимозитети и јавни препукувања.
„Разрешување и уништување на криминал не може да има. Тој ќе постои, а наша работа и на ОЈО-ГОКК е да биде фронтменот на оваа борба. Тоа ми е целта. Тука мора да има меѓуинституционална соработка. Личните анимозитети, препукувања преку јавност за мене не се начин. Тоа е начин кој сме го виделе, а ние бараме начин како ќе го решиме. Обвинителот е човек со глава и тело. Ама без раце и нозе. Кои се рацете и нозете можеме да размислиме. Рацете и нозете се Финансиска полиција, МВР, Антикорупциска“, вели обвинителот Незири.
Најавува дека ќе одговара на сите повици на службениот телефон, дури и на оние кои би можеле да му вршат притисок оти смета дека државата има механизми и за таквите обиди.
„На службен телефон кревам, неспорно. Но да расчистиме, за политика или политизација на моменталниот избор или работа во јавното обвинителството за гонење организиран криминал – нема место за политика. Зад мене не стои група или политичка партија. Јас сум бил прва генерација на Академија на судии и јавни обвинители, стручен соработник во Кривичен суд, од 2009 година сум во скопското обвинителство. Колегите ме знаат така што сигурно ќе разберат дека ова не се празни зборови и дека политиката секогаш стои на страна. Затоа што, така ме воспитале и моите, јас имам две деца кои живеат во Скопје, одам на риба по Радика, потекнувам од тој дел на Македонија“, објасни Незири.
Прашан што ако некој дојде на реката Радика додека лови риба и каже да повлече предмет, запре постапка или направи спогодба, обвинителот Незири додаде: „На Радика тешко да ми дојде бидејќи тешко дека ги знае оние терени каде одам јас по риба. А околу понудата и евентуално осетот на притисок, законот дава разни механизми на заштита. И затоа напомнувам, тоа ми е главниот мотив за учество. Да ги растеретам колегите обвинители бидејќи знам дека се чесни луѓе. Затоа ги охрабрувам сите да излезат и да гласаат по свое убедување“.
Незири ќе работи на укинување на праксата на префрлање предмети од ОЈО ГОКК во други Обвинителства, а посебен акцент ќе стави на охрабрување на колегите за воспоставување единствен модел на Јавното обвинителство за постапување по допрен глас за да не постои нарачан предмет.
Тој не очекува мешање на политика во гласањето за шеф на обвинителството, а убеден е дека нема можност ниту за местење на изборот.
„Скраја да е, не можам ни да го помислам.. Местењето.. Затоа што ги знам луѓето. Мене мотивот за конкурирање ми се и овие десет месеци во ОЈО-Скопје. Луѓето се насмеани, се решаваат предмети…“, рече Незири.
Од разговорите со колегите кои ќе гласаат убеден е дека ќе победи со 70 отсто освоени гласови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Милошоски за Коцевски: Најдобро е да си поднесе оставка, бидејќи спонзорството од ДУИ и СДСМ само ќе му го руши угледот
Со денешното гласање во Собранието паднаа маските околу тоа кој е политичкиот покровител на Државниот јавен обвинител Коцевски и неговото раководно друштво во обвинителството, напиша во објавата на социјалните мрежи Антонио Милошоски од ВМРО-ДПМНЕ.
Според него, одговорот е јасен.
„Истите политичари од ДУИ и СДСМ кои во февруари 2024 година го предложија и гласаа „За“ изборот на Коцевски за јавен обвинител, денес не се осмелија да гласаат за негова недоверба. И покрај тоа што државниот обвинител има неколку крупни професионални грешки за кои заслужува разрешување, сепак фактот што токму Коцевски најдобро ги знае индициите за висока корупција направена од високи функционери од СДСМ е оној политички кредит што пратениците на Филипче и Оливер Спасовски мораат сеуште да го отплаќаат со заштита на функцијата на обвинителот“.
Како што оценува Милошоски, дури и пораката од СДСМ до Државниот обвинител дека од него зависело дали ќе бил “со штитот или на него”, повеќе звучи како кодиран сигнал од еден кон друг бизнис клан, отколку како парламентарен принцип поврзан со владеењето на правото.
Сепак, вели тој, добро е што ВМРО-ДПМНЕ остана доследна на своите позиции и тука не треба да се застане.
„Иако денес ги видовме политичките покровители на Државниот обвинител во Собранието, сепак корозијата на репутацијата на ЈО во најголем ја прават десетина актери внатре во самото обвинителство. Заради ваквите околности, како и заради силната порака која денес ја доби од Собранието, најдобро е ЈО Коцевски да си поднесе оставка, бидејќи спонзорството од ДУИ и СДСМ само дополнително ќе му го руши и угледот, и интегритетот на обвинителството во целина“, пишува Милошоски.
Македонија
(Видео) Драчево бара лежечки полицајци на „Јустинијан Први“: Не утре, туку сега, пред да има мртви
„Колку животи треба да се изгубат на улица „Јустинијан Први“ за конечно да се преземе нешто?
Денеска повторно автомобил излета од коловозот и заврши во двор на жител. Само по среќа немаше жртви. Но до кога ќе се потпираме на среќата? Утре тоа може да биде нечиј син, ќерка или родител згмечен на тротоар“, реагираат граѓаните преку социјалните мрежи на ѕидот на општината Кисела Вода по тешка сообраќајка на улицата.
„Години наназад алармираме на оваа улица се вози како на автопат! Нема лежечки полицајци, нема контрола. Се што некогаш беше поставено, одамна е уништено од нашите сонародници, во 3 часот ноќе со копач ги корнат и со камиони кочат на нив да ги одкорнат, а институциите молчат. Нивната незаинтересираност е директна закана за животите на жителите“, стои во објавата.
Доста е, како што вели во напишаното револтиран жител, со празни ветувања и молк.
„Бараме итни мерки, поставување на лежечки полицајци. Не утре, не, кога ќе има средства, туку сега пред да има мртви!
Ако општината и надлежните органи продолжат да си ги затвораат очите, секоја идна несреќа и секоја изгубена жртва ќе биде нивна одговорност нивно злосторство со премолчена дозвола!
Градоначалниче Орце Ѓорѓиевски, те повикуваме да реагираш!
Жителите на оваа улица очекуваат од тебе итно да се постават лежечки полицајци.
Време е безбедноста на граѓаните да биде на прво место пред да дојде до трагедија“, стои во напишаното на социјалните мрежи.
Македонија
Три активни пожари во државата, чешкиот „Блек Хок“ слета во Скопје, утре ќе гаси на Готен
На територијата на државата има вкупно 20 пожари на отворен простор, информираат од ЦУК за состојбата до 18:30 часот.
Според последните информации од центарот, активни се три пожари на територија на државата, шест се под контрола а единаесет се изгаснати.
Активни се три пожари:
1. Општина Василево, Општина Радовиш и Општина Берово:
с. Нивичино, на планината Голем Готен и Малешевските планини (нискостеблеста шума, смрека, грмушки и ниска вегетација);
2. Општина Прилеп:
с. Бешиште, место викано Бешишки Рид, друг крак према с. Градешница (Опш. Новаци) и трет крак према границата со Р. Грција.
Не се интервенира поради детонации (мешана шума);
3. Општина Прилеп и Општина Кавадарци:
помеѓу селата Царевиќ, Смолани, Радобил и Дрен (Општина Прилеп), и Галиште и Трстеник (Опш. Кавадарци)
(мешана шума и нискостеблеста вегетација);
Под контрола се шест пожари:
1. Општина Македонски Брод: с. Грешница (мешана шума и сува трева);
2. Општина Македонски Брод: с. Латово (ниска вегетација и деградирана шума);
3. Општина Штип: помеѓу селата Драгоево и Селце (нискостеблеста шума, прнар и сува трева);
4. Општина Карбинци: с. Јунузлија (шума);
5. Општина Македонски Брод: помеѓу селата Црешево, Локвица и Крапа (деградирана дабова шума, грмушки и ниска вегетација);
6. Општина Македонска Каменица: с. Ќосевица (борова шума);
Изгаснати се 11 пожари:
1. Општина Струга: с. Велешта (запалено стрниште);
2. Општина Старо Нагоричане и Куманово: с. Облавце, с. Бељаковце, с. Довезенце, Орах и Руѓинце, се шири кон селата Димонце и Коњух (Опш. Кратово) – загрозува куќи и помошни објекти (ниска вегетација);
3. Општина Кичево: с. Горно Црско (ниска вегетација и ниска шума);
4. Општина Желино: помеѓу селата Церово и Групчин (нискостеблеста и деградирана шума);
5. Општина Петровец: с. Средно и с. Долно Коњаре (мешана шума);
6. Општина Петровец: Катланово (ниска вегетација);
7. Општина Крива Паланка: с. Нерав (висока борова шума);
8. Општина Новаци: с. Рапеш (запалени бали);
9. Општина Прилеп: с. Кантларци (ниска вегетација);
10. Општина Прилеп: ул. Јоска Јордановски (ниска вегетација);
11. Општина Охрид: с. Ботун (ниска вегетација).
Директорот на ДЗС, Стојанче Ангелов попладнево појасни дека чешкиот „Блек Хок“ со седумчлена посада слета на аеродромот Скопје и утре наутро ќе почне со дејство врз пожарот на планината Готен од беровската страна.
Овој моќен хеликоптер со ведро од 3,4 тона како што појасни Ангелов, е дел од меѓународната помош која е најавена за да помогне во справување со пожарите во земјава. Помошта ќе дојде од Чешка и Словенија.
(Видео) Драчево бара лежечки полицајци на „Јустинијан Први“: Не утре, туку сега, пред да има мртви
„Колку животи треба да се изгубат на улица „Јустинијан Први“ за конечно да се преземе нешто? Денеска повторно автомобил излета...
Три активни пожари во државата, чешкиот „Блек Хок“ слета во Скопје, утре ќе гаси на Готен
На територијата на државата има вкупно 20 пожари на отворен простор, информираат од ЦУК за состојбата до 18:30 часот. Според...
„Дедо, работи прво на Америка “: Медведев по ултиматумот на Трамп
Откако поранешниот претседател на Русија, Дмитриј Медведев изјави дека Доналд Трамп не може да му поставува ултиматуми на Владимир Путин,...
Со 71 глас „за“, изгласана интерпелација на државниот обвинител Љупчо Коцевски
Собранието денес ја изгласа интерпелацијата на државниот обвинител Љупчо Коцевски, поднесена од партијата „Левица“. Со 71 глас „за“, без воздржани...
(Видео) Митрески: СДСМ нема да учествува во гласањето за интерпелацијата на обвинителот Коцевски
Интерпелацијата за јавниот обвинител, Љупчо Коцевски, нема правни последици и СДСМ нема да учествува во гласањето, одлуката е на обвинителот,...
Кривична пријава за градоначалникот на Кичево – дозволил дива депонија во населена зона во градот
Полицијата поднесе кривична пријава против градоначалникот на Кичево, Фатмир Дехари, поради постоење основи на сомнение за сторени кривични дела „несовесно...
(Видео) Лефков: Шоферот на Заев уапсен за подметнување пожар во Струмица
Во изминатиов период кажувавме дека голем дел од пожарите низ државата се подметнуваат од структури блиски до СДС, а денес...
Мицкоски: Проектот за студентските домови, конечно, излезе од лавиринтите на бирократијата
Премиерот Христијан Мицкоски денеска при посетата на студентскиот дом „Кузман Јосифовски – Питу“ во Скопје изјави дека рехабилитацијата на студентските...
Гори во Радовиш, Берово, Прилеп – активни седум пожари, три под контрола
Во текот на измнинатото деноноќие на територијата на државата евидентирани се вкупно 27 пожари на отворен простор. Од нив, седум...
Кривична против директорка во Виница, си ја вработила ќерката во истото училиште иако немала соодветно образование
Полицијата поднесе кривична пријава против Г. С. (45) од Виница, директорка во основно училиште во овој град, поради несовесно работење...
Поништена јавната набавка за 120 електрични eкоавтобуси, се пријавила една фирма што не исполнувала услови
Министерството за транспорт ја поништи јавната набавка за избор на понудувач за набавка на 120 електрични еколошки автобуси за јавен...
ВМРО-ДПМНЕ го оцени како ефикасно справувањето со пожарите во Македонија во споредба со земјите од регионот
ВМРО-ДПМНЕ оценува дека институциите под водство на оваа Влада успешно реагираат на пожарите кои ги зафатија повеќе подрачја во Македонија,...
Комисијата утврди дискриминација врз професионалните војници – синдикатот бара итни законски измени
Комисијата за спречување и заштита од дискриминација утврди индиректна дискриминација врз професионалните војници од страна на Министерството за одбрана, информира...
Русија: Сведоци сме на враќање на нацизмот на Западот
Сведоци сме на враќање на нацизмот на Западот, а Русија сама води борба против целиот тој регион, тврди рускиот министер...
(Видео) Турист падна во базен откога му се откопча падобранот за време на парасејлинг во Црна Гора
Турист доживеа опасен инцидент за време на парасејлинг во Бечичи, откако поради силен ветер му се откопча падобранот. Снимка од...
(Видео) Огромни поплави во Пекинг, триесет загинати
Триесет лица загинаа вчера во Пекинг кога обилни врнежи ја погодија кинеската престолнина, јави денес официјалната новинска агенција. Смртни случаи...
(Видео) Македонецот кој спречи терористички напад во авион: „Реагирав инстинктивно“
На летот од Лондон до Глазгов се случи инцидент, откако еден од патниците извика дека има бомба, со слогани „Смрт...
Трамп го скрати рокот: Му давам на Путин уште 10 до 12 дена
Американскиот претседател Доналд Трамп изјави дека го скратува претходниот рок од 50 дена што му го дал на рускиот претседател...
Пожари беснеат на Балканот: илјадници се евакуирани, гори и во близина на популарна туристичка дестинација во Албанија
Пожарникарите денес се обидуваат да изгаснат шумски пожари во три одделни покраини во Турција, Грција, во близина на туристичка дестинација...
И јас ќе ги прашам Фетаи и Меџити дали користеле службени возила за приватни или партиски цели, вели Мицкоски
Десет дена по медиумските објави, во кои се гледаат службени возила на вицепремиерите Изет Меџити и Арбен Фетаи нешто пред...
