Македонија
(Видео) Николова: Пратеници на ВМРО-ДПМНЕ бараат средства за изградба на веќе изградено училиште во Аеродром
„Се наоѓаме пред основното училиште ,,Димитар Македонски” во населба Лисиче од каде прашуваме: Дали има пилот во авионот на ВМРО-ДПМНЕ? Дури 14 пратеници од оваа партија се потпишале на амандман за Буџетот за 2023 година во кој бараат средства за изградба на веќе изградено училиште во Општина Аеродром. Основното училиште Димитар Македонски, за чија изградба пратениците од ВМРО-ДПМНЕ бараат 92,4 милиони денари, е изградено пред една година со средства од Влада предводена од СДСМ“, истакна на денешната прес-конференција Даниела Николова, пратеничка на СДСМ.
„Ова зад мене е училиштето кое е резултат на заложбата на Владата предводена од СДСМ и градоначалникот Златко Марин. Господа пратеници од ВМРО-ДПМНЕ, знае ли потпретседателот на вашата партија Тимчо Муцунски, дека барате средства за изградба на училиштето кое тој свечено го пушти во употреба на 1 февруари оваа година?“, праша Николова.
Ова, како што рече, е уште една потврда за несериозниот однос кон граѓаните кој ВМРО-ДПМНЕ го практикува како опозиција во Собранието на Република Северна Македонија.
„Ова е уште еден доказ дека наместо да предлага амандмани со кои ќе излезат во пресрет на актуелните потреби на граѓаните, ВМРО-ДПМНЕ предлага изградба на училишта онаму каде што веќе една година учат ученици во новоизграден објект. Ова значи дека ниту еден од овие 14 потпишани пратеници не се обидел барем да го искомуницира Муцунски, а камо ли да излезе меѓу граѓаните на Аеродром и да праша за нивните актуелни потреби. Наместо конструктивна опозиција која треба да ја игра улогата на коректив на јавните политики на власта, ВМРО-ДПМНЕ веќе 5 години игра деструктивна улога на партија која е активен блокатор на прогресот во државата“, истакна Николова.
Нивните кадровски и програмски импровизации најдобро ги почувствуваа граѓаните на Скопје кои веќе година дена живеат во заробен град, додека Христијан Мицкоски и Данела Арсовска јавно се расправаат чии раце треба „да брцаат во медот“, додаде таа.
Им порача на пратениците од ВМРО-ДПМНЕ сериозно да си ја сфатат улогата на опозиција во Собранието, а уште посериозно улогата на власт во општините со кои раководат.
Ваквиот неодговорен однос, како што рече, не проаѓа кај нашите сограѓани. „Ваквата купи-ден-помини политика на ВМРО-ДПМНЕ е одамна прочитана“, истакна Николова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Богдановиќ: Герасимовски ги пушти низ вода сите што од СДСМ гласаа за него во прв круг
Герасимовски ги пушти низ вода сите што од СДСМ гласаа за него во прв круг, објави поранешниот градоначалник на Општина Центар, Саша Богдановиќ.

„Чекам денес да се јават сите душегрижници кои коси кубеа за Горан како голем сдсмовец. Истите ги пушти низ вода а посебно подржувачите, членовите и симпатизерите на СДСМ во Центар. Ги пушти низ вода сите што од СДСМ гласаа за него во прв круг. Не е ни чудо и претходно менуваше партии. А тоа го покажуваат и бројките за листата за Град Скопје и кандидатот Каја Шукова.
Од машинерија направи моторкултиватор. И тоа само со единствена негова цел и интерес“, објави Богдановиќ.
Македонија
Министерството за здравство со итни мерки поради зголемениот ризик по здравјето на луѓето од отпадот во Скопје
Министерството за здравство усвои препораки и мерки во врска со актуелната состојба со отпадот во Скопје.
Препораки до населението:
Да се одржува лична хигиена (користење на ракавици, маска, миење раце, користење дезинфициенс за раце после фрлање на отпад);
Совесно одлагање на отпадот (во контејнерите, кабастиот отпад на соодветен начин а не во контејнерите и сл.)
Внимателно ракување, селектирање, собирање и фрлање на отпадот:
Затварање на капаците на кантите при фрлање на отпадот;
Да се избегнува физички незаштитен контакт со отпадот;
Да се избегнува стагнирана (застоена) вода и исцедок од отпадот;
Внимание при излегување со домашни миленици да не дојдат во допир со отпадот и исцедок од истиот;
Да не се фрла отпад надвор од одбележаните места за собирање на истиот;
Да не се фрла отпад на нелегални депонии;
Заштита и намалување на штетната изложеност на сите работници кои доаѓаат во контакт со отпадот (опрема за лична заштита).
МЕРКИ
Непосредни, брзи и акутни
Итно и неодложно отстранување на одложениот и расфрлан отпад во и надвор од контејнерите со сите расположиви технички, човечки и финансиски ресурси;
Итна мобилизација за собирање и отстранување на најголемите купишта во населени места со најголема изложеност; приоритет: болници, домови за стари лица, основни и средни училишта, паркови и игралишта;
Итно, вонредно испирање, дератизација, дезинфекција и дезинсекција на местата со расфрлан отпад и контејнерите;
Каде не е можно ова, да се постават физички времени бариери (мрежи) за да се спречи пристапот на глодари и улични животни;
Дислокација на контејнерите – подалеку од почести патики на движење на луѓето и особено подалеку од детски игралишта, училишта, градински или здравствени институции;
Редовен транспорт и празнење на контејнерите (минимум еднаш дневно во погусто населените делови од градот);
Задолжително затворање на капаците на контејнерите;
Итна набавка на потребната опрема особено соодветен број на контејнери (механизација во континуитет);
Заштита и намалување на штетната изложеност на сите работници кои доаѓаат во контакт со отпадот (опрема за лична заштита) вклучително и задолжителна вакцинација; тренинг за правилно ракување и известување за повреди;
Интензивен надзор за заразни заболувања: засилено пријавување со епидемиолошко истражување (фокус на дијареи, случаи на лептоспироза, хоспитализирани пациенти со зоонози и слично);
Едукација на населението за здравствените ризици поврзани со овој проблем и препознавање на симптомите поврзани со истото;
Јавна комуникација: предупредувања и практични совети до граѓаните (лична и колективна хигиена, како да ја чуваат храната, да избегнуваат стагнирана вода, да избегнуваат физички контакт со отпадот или исцедокот, како да пријавуваат нелегални депонии).
Долгорочни мерки
Интегриран систем за управување со комунален отпад (редовно отстранување, навремена набавка на потребна опрема, контејнери и механизација);
Имплементација на систем за управување со цврст отпад преку смалување, повторна употреба, рециклирање и регенерација;
Постојана едукација на населението за примарна селекција на отпадот, во најмала рака на органски и неоргански отпад и совесно одлагање на отпадот (во контејнерите, кабастиот отпад на соодветен начин а не во контејнерите и сл.);
Образовни програми за граѓаните и вклучување на локалните заедници во решавање на проблемот (на пример, механизми наградување за селекција/откуп).
Контролни и регулаторни политики – казнување за несовесно одлагање на отпадот, чести локални инспекции, програми за често и редовно чистење на јавните простори и улици (прво механичко отстранување на отпадот со метење, потоа миење).
Македонија
Мицкоски со порака до граѓаните: Важно е да излезете да гласате, ВМРО-ДПМНЕ се бори за подобро утре на секој еден граѓанин
Претседателот на ВМРО-ДПМНЕ, Христијан Мицкоски, се обрати од денешниот настан одржан во Конче, во рамки на вториот круг од локалните избори закажани за 2 ноември, под слоганот „Вистинскиот избор! Твојот човек! Твоето место! За твојата иднина!“.
Мицкоски во својот говор се заблагодари за поддршката во првиот круг каде 33 општини избраа градоначалник од редовите на ВМРО-ДПМНЕ и коалицијата наспроти 3 од СДСМ и ги повика граѓаните да излезат масовно и да гласаат на 2 ноември со заокружување на бројот 9.
„Како ВМРО-ДПМНЕ и коалиција сакам да потенцирам и да биде јасно дека ќе се бориме за секој еден човек и дека никој нема да оставиме, дека нашата амбиција на овие избори е да имаме 59 градоначалнички места“, истакна Мицкоски.
Мицкоски додаде дека на овие избори има три опции.
„Првата е ВМРО-ДПМНЕ и коалицијата, втората е опцијата за оние кои 7 години ја ограбуваа и уништуваа државата и третата опција е најлоша да останат гласачите дома или да го направат ливчето неважечко“, рече Мицкоски и ги повика граѓаните да излезат и да одлучат за нивната иднина.
„Вие сте тие на кои ви должиме се, ВМРО-ДПМНЕ е народна партија, доаѓа од народот и затоа поддршката од народот нас ни е најважна кога велам најважна за да ги совладаме предизвиците дома за да победиме и во Конче за да имаме повисока цена на тутунот за да имаме повисока цена на пиперките за да имаме подобар живот, услови но истовремено вашата доверба ја прават нашата позиција многу посилна надвор. Затоа што не е доволно само да победувате дома ВМРО-ДПМНЕ е политичка партија, организација, и ја има честа да ги штити националните интереси на македонскиот народ. Затоа ни е потребна таа поддршка за да можеме да победуваме како што победуваме во Лондон во Рим, Брисел и насекаде во светот, без тоа се плашам дека ќе се вратиме во времето од пред 2 години кога беше друга влада која имаше две цели како да се наплати во политиката на грбот на народот, која брутално ги ограбуваше македонските граѓани и влада која не бираше средства како да го распродава националниот интерес и како да ја распродава Македонија, тоа беа 7 години, затоа ни е потребна вашата поддршка за да не се случува тоа што се случуваше. Затоа да излеземе и на 2 ноември да гласаме за број 9“, кажа Мицкоски.

