Македонија
(Видео) Николовски од Крива Паланка: Со СДСМ се градат патишта и водоводи насекаде
 
																								
												
												
											„Се наоѓаме на влезот на Крива Паланка каде се гради експресниот пат Крива Паланка – Ранковце во должина од 23 километри.Источниот регион е добар пример за тоа дека кога се работи има резултат. Единаесет години ВМРО-ДПМНЕ го маргинализираше, го осиромашуваше, буквално го уништи. За само две и пол години, на истокот му се врати сјајот. Далеку од тоа дека се сме направиле, има уште многу работа пред нас. Но можеме уште повеќе и уште подобро“, изјави Љупчо Николовски, генерален секретар на СДСМ и носител во ИЕ 3.
„Не потпаѓајте под лагите драги луѓе. Затоа ги викаат фејк-њуз ВМРО. Мицкоски лаже за некакви фусноти, Николоски лаже дека ќе се затворале фабрики, Јанушев покрај криминални афери, сега гледаме дека е и насилник и за жените зборува без грам човечност!Гледајте ги фактите и реалноста. Ние сме македонски народ, со македонски јазик кој никогаш не бил повеќе признаен низ светот, во членка на НАТО и држава која влегува во ЕУ.
Замислете само неколку години нанапред кога ќе ги жнееме плодовите од сето ова. Уште невлезени во ЕУ, ние веќе почнуваме да одиме напред, а ќе одиме уште побрзо со отворање на врати кои за нас отсекогаш ни биле затворени. Тоа било за секоја земја членка на ЕУ, ќе биде и за нас.Тоа е иднината. А сегашната реалност е дека го изградивме и го пуштивме во употреба автопатот Миладиновци-Штип, патните правци Штип-Радовиш и Штип-Кочани ќе бидат комплетно пуштени во употреба во следниот период“, додаде тој.
Николовски рече дека се градат 260 километри автопати и 300 километри експресни патишта.
„Градиме 900 километри локални патишта. Рехабилитираме повеќе од 1.500 километри постоечки патни правци.Се проширува патната и граничната инфраструктира на клучните премини Ќафасан и Деве Баир. Овде во Крива Паланка го градиме патот Крива Паланка –Деве Баир, и експресниот пат Ранковце – Крива Паланка.Се гради насекаде, нема привилегирани региони.
Ја гасифицираме земјата. Влегуваме во завршницата на реализацијата на гасоводните магистрали, и продолжуваме додека не донесеме гас во секој дом. За да имаме пониски сметки за греење, за да имаме почист воздух.Иднината е зелена, самоодржлива и енергетски ефикасна. Иднината е паметна.Внимавајте кому ќе го дадете вашиот глас. За иднината се работи. Сакаме заедничко општество, еднаквост или сакаме да вратиме насилници на власт кои ќе ни прават списоци и ќе не држат во несигурност и страв.
Гласаа против зголемување на минималната плата. Во нивно време беше 9.000 денари. Сега е 14.500, а ќе ја покачиме на 20.000 денари во следниот мандат. Не го запирајте прогресот драги пријатели.Можеме уште повеќе и уште подобро“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Бесплатна телефонска линија за пријавување на повреда на избирачкото право
 
														Во канцеларијата на Народниoт правобранител во недела (2 ноември) на денот на одржувањето на вториот круг од локалните избори во периодот од 7:00 до 19:00 часот ќе функционира беслатната телефонска линија: 0800-54321, на којашто граѓаните ќе можат да пријават каква било повреда на избирачкото право.
Отворени за граѓаните ( покрај главната канцеларија во Скопје) ќе бидат и подрачните канцелари на народниот правобранител во: Битола, Кичево, Куманово, Штип, Струмица во Тетово со цел да им се помогне во остварувањето и заштитата на нивните избирачки права.
Покрај на бесплатната линија, граѓаните ќе можат за заштита на своите права да се јават и на следниве телефонски броеви: Тетово: 044 344-082, Кичево: 045 228-586, Битола: 047 242-310 и Куманово: 031 431-488,Струмица 034 329 -996 и Штип 032 389-700.
„Народниот правобранител, правата на граѓаните ќе ги штити со преземање на итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права“, се наведува во соопштението.
Народниот правобранител потенцира, дека, избирачкото право е уставно загарантирано како еднакво, општо и непосредно и се остварува на слободни избори со тајно гласање и дека никој не смее да биде повикан на одговорност заради остварување на ова право, поради што не случајно повредата на слободата на определувањето на избирачите како и други повреди на избирачкото право се казниви дела. Исто така, народниот правобранител апелира до сите чинители во изборниот процес да ги почитуваат здравствените протоколи утврдени за начинот на гласање.
Македонија
АВМУ: Сите медиуми од ноќеска на полноќ да ја прилагодат својата програма за изборниот молк
 
														Со денешниот ден завршува изборната кампања за вториот круг од Локалните избори 2025 година, односно од полноќ започнува изборниот молк кој трае до 19:00 часот на 2 ноември 2025 година. За време на молкот медиумите продолжуваат да известуваат за изборите и за текот на гласањето, но не смее да се емитува ниту еден од облиците на изборно медиумско претставување, извести АВМУ.
„При известувањето во деновите на изборниот молк ќе се смета дека медиумите го прекршиле изборниот молк доколку емитуваат, односно објават какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето; како и изјави од кандидати во изборниот процес, од претставници на политички партии и од носители на функции во органите на власта“, соопшти АВМУ.
Агенцијата очекува сите медиуми, почнувајќи од ноќеска на полноќ, да ја прилагодат својата програма за изборниот молк.
Македонија
Мециновиќ: По првиот круг системот прокрваре – во вториот круг може да го добие конечниот удар, ако ние тоа го преточиме во одлука
 
														,,По првиот круг системот прокрваре. Во вториот круг може да го добие конечниот удар. Нормално, ако ние тоа го направиме, ако го преточиме во одлука. И сметам дека времето на одлуката е дојдено, затоа што мислам дека ни е на сите доста од вакви удбашки, бизнисменски, одвратни приказни кои ги живееме триесет и пет години. Системот е на нозе. Сега Скопје на нас е оставено”, порачува кандидатот за градоначалник од партијата Левица за Град Скопје, Амар Мециновиќ.
„Ова е класна борба. Класна борба кога имаш две спротивставени страни кои се потполно различни. Една која е наоружана со сите капацитети на државата и друга која сака да се ослободи од тие притисоци“, потенцира Мециновиќ.
Тој додава дека „во оваа кампања ги видовме сите можни лични напади, фабрикации, измислици, притисоци кои можевме да ги замислиме“.
„И зошто мислите дека за прв пат се случува вакво нешто во кампања? Тоа е затоа што за првпат после триесет и пет години им го оспоруваме статус-квото“, појаснува тој.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											