Македонија
(Видео) Основците од Карпош работат на интерактивни паметни табли и панели

Образовниот процес во сите 10 основни училишта во Карпош во кои учат учениците од прво до петто одделение, целосно се одвива согласно новата концепција за основно образование која беше донесена во 2021 година, подразбирајќи активно вклучување на основците во информатичкото современо општество.
Поточно, сите образовни установи од Карпош, во рамки на своите училници за одделенска настава располагаат со интерактивни смарт табли и интерактивни панели.
По тој повод денеска градоначалникот Стевчо Јакимовски направи обиколка на ООУ „Владо Тасевски“, каде непосредно присуствуваше на одделенската настава која се одвиваше во рамки на оваа образовна институција. Во оваа пригода првиот човек на Општина Карпош најави дека во текот на 2025 година, локалната самоуправа ќе продолжи со доопремување на сите училници каде учат основците од шесто до деветто одделение, односно дека ќе бидат набавени уште 84 интерактивни табли кои ќе бидат распоредени во работните кабинети по предметна настава.
Истовремено, Јакимовски откри дека Општина Карпош во секое училиште кое е под нејзина надлежност ќе отвори по една информатичка училница. За таа цел, локалната самоуправа ќе набави околу 250 нови компјутери, кои ќе бидат неопходна алатка за работа во овие училници.
– Набавивме 50 смарт панели за да се одвива наставата на најсовремен начин, согласно најновите наставни програми во кои што треба да се зголеми и прошири знаењето во делот на компјутерските вештини. На тој начин имаме многу повеќе можности, се прошируваат опциите за истражување, како и користењето на многу повеќе помагала. На ваков начин се вклучуваме во современите текови на електронското општество. Практично, со овие 50 смарт табли, имаме или смарт табли или смарт панели, во сите наши училишта од прво до петто одделение. За наредната година имаме предвидено во општинскиот Буџет уште за 85 табли и со тоа значи од прво до девето одделение за во сите училници ќе имаме смарт табли и панели. За наредната година издвојуваме средства за 254 компјутери, што значи секое училиште ќе има по една компјутерска сала, најнови лаптоп компјутери со кои нашите најмлади жители ќе се образуваат во делот на електорниката во делот на компјутерските науки и со тоа ќе се олесни наставата и за наставниците и за децата – посочи Јакимовски.
Со овој потег општина Карпош ќе стане првата локална самоуправа во Македонија, која обезбедила целосни услови за сите свои основни училишта да ја реализираат образовната настава со помош на најсовремената информатичко – комуникациска технологија (ИКТ). На тој начин, сите основци од Карпош ќе бидат активно вклучени во современите текови на ИКТ стандардите на едукација, кои ги применуваат развиените земји од светот во рамки на своите образовни системи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Втор круг во Аеродром, Центар, Карпош и Шуто Оризари, шест скопски општини добија градоначалници во првиот круг

Граѓаните во шест скопски општини веќе избраа градоначалници во првиот круг – Бутел, Чаир, Гази Баба, Кисела Вода, Ѓорче Петров и Сарај. Според првичните резултати на Државната изборна комисија, изборната трка продолжува во четири општини каде граѓаните ќе гласаат во втор круг – Аеродром, Центар, Карпош и Шуто Оризари.
Во Аеродром, во првиот круг, во водство е Дејан Митески од ВМРО-ДПМНЕ со освоени 49,09 отсто од пребројаните гласови, одонсно 16.225 гласа. Зад него е Александар Трајановски од СДСМ кој има 20,79 отсто или 6.872 гласа. Третопласиран е Марјан Димитриев од Левица со 19,44 гласа, околу 400 гласа помалку од кандидатот на Социјалдемократите.
Во Центар од 100 отсто пребројани гласови, најмногу освои Горан Герасимовски од СДСМ, 38,19 отсто или 8.535 гласа. Тој во вториот круг ќе се соочи со Мирослав Лабудовиќ од Движењето ЗНАМ, поддржан од ВМРО-ДПМНЕ кој освои 25,54 отсто од гласовите или 5.797 гласа.
Во Карпош, најмогу глсови освои кандидатот на ВМРО-ДПМНЕ, Сотир Лукровски со 34,51 отсто од гласовите, а зад него е актуелниот градоначалник, Стевчо Јакимовски од ГРОМ со 29,40 проценти од глсовите.
Во Шуто Оризари, пак, во вториот круг ќе се соочат Курто Дудуш од Унија на Роми кој освои 36,43 проценти од гласовите и Ерџан Демири од ВМРО-ДПМНЕ кој освои 20,81 отсто.
Втор круг ќе има и за градоначалник на Скопје, каде ќе се соочат кандидатите на ВМРО-ДПМНЕ и Левица.
Македонија
Шукова: Резултатот не е оној што го посакувавме, сепак горда сум на кампањата што ја водевме

Кандидатката за градоначалник на Град Скопје од СДСМ, Каја Шукова, се огласи на социјалните мрежи откако вчера не успеа да влезе во вториот круг на Локалните избори 2025.
„Им благодарам на сите граѓани кои излегоа и го искористија своето демократско право на глас. Учеството на граѓаните во изборниот процес е темел на здраво општество што се стреми кон напредок и одговорност. Резултатот не е оној што го посакувавме, сепак горда сум на кампањата што ја водевме, чесно, транспарентно и со јасна визија за развој и подобар живот за сите жители на Скопје.
Му благодарам на мојот тим, на сите поддржувачи за посветеноста и професионализмот. Во овој изборен процес покажавме дека заедно можеме да градиме политичка култура заснована на почит, дијалог и идеи. Без разлика на изборниот резултат, јас ќе продолжам да работам за јавниот интерес и за вредностите во кои верувам со истата одговорност и посветеност.
На сите кандидати кои продолжуваат во вториот изборен круг им посакувам фер, достоинствен и демократски натпревар“, напиша Шукова.
Македонија
Герасимовски денеска со засилена акција за чистење на Центар: Зголемен број хигиеничари, механизација, работа во две смени

Градоначалникот на Општина Центар Горан Герасимовски, најави дека се зголемува зборот на хигиничари кои денеска ќе работат во две смени, сабајле и навечер со цел одржување на хигиената на највисоко ниво. Тој, потенцираше дека и механизацијата што се изнајмува целосно се пушта во погон.
„Утрово, но и од она што го видовме викендов повторно е хаотично со сметот. Уште денеска се фаќаме за работа, продолжуваме со одржување на хигиената на највисоко ниво. Уште од денеска се зголемува бројот на хигиеничарите на терен, со работа во две смени, сабајле и навечер, и механизацијата што ја изнајмуваме се пушта целосно во погон“, рече Герасимовски.
На состанокот со раководителите на сектори од општината, Герасимовски изјави дека мора да се отпочнат и буџетските форуми кои беа најавени.
„Ги најавивме и мора да ги отпочнеме буџетските форуми, и јас предлагам да не чекаме ноември, туку уште од оваа недела да ги договориме истите, да видиме колку ќе одржиме оваа година дали ќе биде еден поголем или неколку помали и еден завршен поголем. Мислам дека треба урбаните заедници да одбереме три каде што би ја одржале три посебни форуми и дополнително еден голем каде што ќе ги донесеме заклучоците за програмата“, посочи Герасимовски.