Македонија
(Видео) Панова: Само богатите ли треба да имаат можност да преживеат од Ковид-19?

Владата и Филипче немаат никаква контрола врз здравствената криза во Македонија. Македонија е помеѓу првите пет земји во Европа по смртноста од Ковид-19. А вчерашниот ден Филипче и Заев го потрошија на сликање, пред комбе од приватна донација. Секоја донација секогаш е добредојдена, но кога сè наоколу е хаос, тогаш пиарот е недозволив. Го повикувам министерот за здравство Филипче да го посети овој објект на Прва помош Струмица за да се видат катастрофалните условите во кои се пружа прва помош. Чиста руина“, изјави пратеничката на ВМРО-ДПМНЕ, Ели Панова.
„Сликањето вчера и трошење цел ден додека луѓе умираат, беше само пиар-стратегија, бидејќи оваа донација никогаш немаше да се случи ако директорот на струмичката болница панично не побараше помош од граѓаните. Уште полицемерно е тоа што во ребалансот ни го одбивте амандманот да се набават амбулантни возила за Струмица. Инаку, болнички возила недостасуваат низ цела Македонија, затоа што четири години не успеавте да набавите ниту едно болничко возило.
Бидејќи Филипче престана со секојдневните прес-конференции, треба да одговори до кога пациентите во јавното здравство ќе имаат различен третман со оние коишто се лекуваат во приватните болници. Нека одговори колку пациенти до денес починале во јавните здравствени установи, а колку во приватните? Треба ли само богатите да имаат можност да преживеат? Во Македонија на големо пациентите купуваат лекови на своја рака. Сами се снаоѓаат. А власта сè уште не кажува зошто терапијата што функционира и дава плод во приватните болници, не се применува и во државното здравство?“, додаде таа.
Според Панова, голем проблем е и бројот на тестови. „Апелирам драстично да се зголеми тестирањето. Не смее тоа да е луксуз и повторно само за оние кои можат да си дозволат 4.000 денари за да можат да се тестираат. Министре Филипче, колку денови се чека за термин за некој да се тестира, а се разбира при тоа да не е функционер на СДСМ?
Се носеа измени во Законот за здравствена заштита и тоа за мерки наменети за дисциплина на граѓаните, но она што е неопходно е и носење измена со која ќе се овозможи под еднакви услови на секој којшто има потреба, да се овозможи итен тест, и тоа истиот ден. Бидејќи повеќе не очекуваме ниту Ваша реакција, ниту одговори. Очекуваме Ваша оставка“, вели таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена локална облачност

Времето денеска, сончево со мала до умерена локална облачност. Ќе дува слаб до умерен ветер од јужен правец. Попладне ќе има услови за изолирана појава на нестабилност со краткотраен пороен дожд и грмежи. Минималната температура ќе биде во интервал од 11 до 18, а максималната ќе достигне од 28 до 36 степени.
Во Скопје, сончево со мала до умерена облачност. Ќе дува слаб ветер од јужен правец. Минималната температура ќе се спушти до 16, а максималната ќе достигне до 35 степени.
Во недела ќе преовладува сончево време со мала до умерена облачност, а попладне ќе има услови за изолирана појава на пороен дожд и грмежи.
Во понеделник на повеќе места ќе биде нестабилно со пороен дожд и грмежи, наместа во форма на невреме со засилен ветер и изолирана појава на град. Во вторник се уште ќе биде нестабилно со изолирана појава на пороен дожд и грмежи, а од среда се очекува стабилизирање на времето.
Македонија
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници

Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот градоначалник, Билал Касами. Во Чаир, ќе се кандидира првиот вицепремиер, Изет Меџити, а во Струга, ВЛЕН го поддржува независниот кандидат Менди Ќира.
Во Кичево ќе го кандидира министерот за Социјална политика, Фатмир Лимани, во Дебар кандидат на ВЛЕН ќе биде заменик-директорот на Управата за јавни приходи, Фисник Мела.
Во Градот Скопје, ВЛЕН го предлага директорот на Дирекцијата за општи услуги во Универзитетскиот клинички центар во Скопјe, Башким Бакиу.
Во Сарај, кандидат на ВЛЕН ќе биде директорот на претпријатието „Номагас“, Мухамед Елмази, во Липково директорот на Државните резерви на нафта, Неџмедин Садику, во Арачиново ВЛЕН ќе настапи со Даут Беќири.
Во Желино актуелниот градоначалник на оваа општина, Блерим Сејдиу, во Теарце ќе се кандидира директорот на Бирото за регионален развој, Даут Мемиши, во Боговина, ВЛЕН го кандидира Фети Абази, во Брвеница директорот на Државниот инспекторат за локална самоуправа, Хаќим Рамадани и во Долнени, ВЛЕН ќе се кандидира со наставникот Блерим Ислами од село Цернилиште.
Од ВЛЕН велат дека сè уште нема конечна одлука за кандидатите за општините Гостивар, Врапчиште, Студеничани и Чашка и дека во разговори се со неколку кандидати.
„Тука нагласуваме дека сите овие се кандидати на ВЛЕН и, како што претходно одлучивме, ниту еден од нив не се кандидира под партиско лого. Всушност, освен што се кандидати на ВЛЕН и идни градоначалници на општини, тие ќе бидат слуги на сите граѓани без оглед на етничката, религиозната и политичката припадност“, велат од ВЛЕН.
Македонија
Метеж на границите: на Табановце и Богородица се чека по 45 и 30 минути

Интензитетот на сообраќај на патните правци надвор од градските средини е зголемен, информира АМСМ.
Поради летните одмори се бележи зголемена фреквенција на возила, на ГП Табановце времето на чекање за влез е околу 45 минути додека на ГП Богородица времето на чекање за влез и излез од државата е околу 30 минути.
На останатите гранични премини од македонска страна, нема подолги задржувања за влез и излез од државата.
ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.