Македонија
(Видео) Пародија на УМС: Дали кучето Џеки Стојчевски е примено во граничната полиција?

Унијата на млади сили при ОК ВМРО-ДПМНЕ Прилеп преку пародија ги исмеа партиските вработувања и непотизмот во власта.
„Македонската јавност вчера сведочеше за непотизам од огромни размери, какви што не се паметат во нашата држава. По изнесените информации во медиумите за наводно вработување на синот и братот на пратеничката Мира Стојчевска, на интернет-порталите излезе информација за наводно вработување и на нејзиното куче.
За задоволство на целата јавност, денес тука до нас успеавме да го донесеме Џеки Стојчевски, кучето за кое вчера наголемо се пишуваше во интернет-просторот. Како што може да забележите, станува збор за ултрапаметно куче, добро нахрането од дебели патни трошоци, спремно да го даде својот придонес во општеството.
Прашуваме дали кучето Џеки како единствен подобен кандидат пријавен на огласот преку Агенцијата за вработување, кое ги има примено сите вакцини, куче што има покажано одлична физичка спремност, дисциплина и кое успешно ги реши сите тестови со највиско бодирање е примено во граничната полиција? Или, пак, за него е најдена работа во некоја друга државна институција?
Очигледно, покрај децата на функционерите од редовите на СДС, кои ги преплавија институциите, и нивните миленици заслужуваат чесно да си го заработат своето парче леб! Тезгаџиите, пензионерите, занаетчиите и сите други, ќе мора малку да го почекаат доаѓањето на животот што го ветуваа во изборната кампања“, порачаа од подмладокот на опозициската партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Продолжувањето на притворот за Бектеши додека вистинските одговорни сè уште се на слобода претставува чист израз на селективна правда и политичка одмазда“, велат од ДУИ

„Продолжувањето на притворот за поранешниот министер Крешник Бектеши, додека вистинските одговорни – оние што биле задолжени за безбедноста на децата– сè уште се на слобода, претставува чист израз на селективна правда и политичка одмазда“, реагира ДУИ.
„Ова не е само двоен правен стандард – туку отворена политичка и партиска дискриминација, која претставува флагрантно кршење на основните принципи на правната држава.
Уште повеќе, иако сведоците и родителите на жртвите јасно ги посочија виновниците и побараа одговорност од Министерството за внатрешни работи, единствено поранешниот министер Бектеши сè уште се држи во изолација – како параван за да останат вистинските виновници на слобода.
Трансакциското обвинителство и актуелната власт продолжуваат брутално да ги газат сите правни, морални и човечки принципи.
Премиерот, откако јавно го заплаши обвинителот дека ќе ги изведе луѓето на улица против него, сега целосно го има потчинето и настапува истовремено и како обвинител и како судија.
Ако улицата е решението – тогаш дојде време сите граѓани да им се придружат на семејствата на жртвите од Кочани и да побараат правда – мирно, но решително, на улица“, се додава во соопштението на ДУИ.
Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.