Македонија
(Видео) Пендаровски во Центар: За две години успеавме да ја извадиме државата од калта
За само две години успеавме да ја извадиме државата од калта и да ја поставиме на прав пат кој води кон напредок и интеграција, порача заедничкиот кандидат за претседател, Стево Пендаровски, на отворена трибина со граѓаните на општина Центар.
„Денешната посета на Скопје на целиот државен врв на Грција, придружуван од 100 стопанственици, што се случува првпат во 28 години, е доказ за исправноста на политиките на Владата и доказ за успешноста на намерата, државата да биде дел од нормалниот демократски свет. Тоа е патот на кој две години покажуваме. Пријателствата носат економски придобвики за сите граѓани“, истакна Пендаровски.
Во разговорите со присутните граѓани тој нагласи дека државата нема алтернатива, освен да продолжи напред по патот на интеграцијата, напредокот и интеграцијата.
„Сè друго е враќање назад во темното минато, во кое никој не би сакал да се врати. Затоа, да ја искористиме шансата, да продолжиме напред, заедно напред“, повика Пендаровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Топло со умерена облачност, температурата до 25 степени
Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд.
Ќе дува слаб до умерен, а по должината на Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната ќе достигне од 20 до 25 степен.
Во Скопје сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне до 23 степени.
Ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има сѐ до средината на следната недела.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територијата на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Македонија
Нема подолги задржувања за влез и излез од државата
Сообраќајот на државните патишта се одвива непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.