Македонија
(Видео) Почнува летниот караван на „Мрдни со прст“, повик да се размрдаме со донации на храна и граѓанска одговорност
Граѓанската платформа „Мрдни со прст“ на денешната прес-конференција ги најави претстојните активности во рамките на летниот караван што вклучува низа активности од оние поврзани со масовни донации на храна до културни и спортски настани.
„Станува збор за 13. издание на фестивалот за современи уметности ‘Акто’ оваа година насловен ‘Општество во изградба’“, потоа, серија активности за најмладите и нивните родители заедно со ‘Чекор по чекор’, серија настани со спортски карактер, каде се повикуваат граѓаните да ‘се размрдаат’ и да вежбаат со ‘Размрдај се’, и конечно главен акцент ќе биде ставен на Националната хуманитарна акција за собирање храна под името ‘Нахрани 10 000’ во соработка со платформата ‘Сите сити’. Целта е на граѓаните да им се даде можност редовно да донираат храна за ранливите категории сограѓани, кои не можат да си дозволат повеќе од еден оброк дневно“, најави Ана Зафирова, поддржувач на платформата „Мрдни со прст“.
Според Блаже Јосифовски, координатор на мрежата „Сите сити“, целта на акцијата „Нахрани 10 000“ е за собирање храна на одбрани локации и нејзино дистрибуирање до социјално загрозени граѓани и да се овозможи редовна донација на храна до нашите сограѓани преку собирање продукти еднаш во месецот.
Првиот хуманитарен чин ќе се случи на 6 септември, кој ќе почне во 10 часот и ќе трае сè до 19 часот со амбиција овој настан да прерасне во континуирана едномесечна акција во 10 градови од земјава: Скопје, Битола, Куманово, Прилеп, Струмица, Радовиш, Гевгелија, Гостивар, Кочани и Виница. Дел од организациите што работат со бездомници, за нив се прават посебни пакети во согласност со нивните услови за живот. За изнемоштените лица, се носи храната до нивните домови.
„Секој месец ќе се случува настанот ‘Нахрани 10 000’. Сакаме да прерасне во редовна активност во која граѓаните ќе им помагаат на ранливите категории сограѓани, кои не можат да си дозволат повеќе од еден оброк дневно. Наша цел е оваа акција да биде дисперзирана во речиси сите градови низ земјава, не само во Скопје. Храната е основно човеково право, а јас верувам дека македонските граѓани се хумани луѓе и дека безрезервно ќе ја поддржат оваа акција да донираат за нашите сограѓани, кои не можат да си дозволат повеќе од еден оброк дневно“, изјави Блаже Јосифовски.
Во апелот од организаторите се препорачува сите хумани граѓани да донираат храна што не е лесно расиплива, како ориз, грав, сол, шеќер, брашно, тестенини, масло за готвење, грашок, конзервирана риба, супа кокошкина, бисквити, кечап, леќа, конзервирано овошје и зеленчук.
Според Државниот завод за статистика во Македонија, имаат проблем да обезбедат храна 445 099 луѓе и во просек имаат по еден оброк дневно. Од друга страна, годишно во Македонија се фрлаат околу 12 000 тони вишок храна, што претставува за околу 26 000 граѓани да имаат по три оброка дневно. Нејзината вредност се проценува на најмлаку 11.6 милиони евра што може да се искористи како нова програма за социјална заштита.
Од фондацијата „Чекор по чекор“ до присутните се обрати Мајда Јошевска, координатор на образовната програма, чии активности се предвидени утре на 24 август на тревникот до Офицерскиот дом во Битола во рамките на фестивалот АКТО.
„Целта на настанот ‘За сите во нашата заедница, од 1 до 101 година’ е да се зајакне соработката меѓу членовите на заедницата, невладините организации и институциите преку: развивање чувство за позитивен идентитет и припадност кон заедницата, за промовирање на меѓугенерациска комуникација и за промовирање вредности како што се емпатија, почит, одговорност и поддршка. Понатаму за подигнување на јавната свест за теми од општ интерес, како важноста на раниот детски развој и улогата на семејството, важноста од вклучување во различни акции во заедницата и важноста на институционалната и семејната поддршка за ментално и физичко здравје и благосостојба на возрасните.Настанот е дел од програмата на годинашниот АКТО фестивал и ќе вклучува: Совети за здрави читачки навики; Играме, учиме и се забавуваме; Драмарама; Артивизам; Танцуваме заедно и Јога за смеење!“ изјави Јошевска.
Сите овие настани ќе кулминираат со голема целодневна дружба, која ќе се реализира во Градскиот парк во Скопје на 15 септември и ќе донесе спој на низа настани поддржани од „Мрдни со прст“ . Платформата се создаде пред речиси две години и на овој голем финален настан програмски ќе биде заокружена со настан на 5 подиуми и колоритна интерактивна програма.
„Мрдни со прст“, чија мисија е да се поттикне акција на размислување за индивидуалната одговорност и зголемување на вклученоста во решавање на општествените прашања кои сите нè засегаат, бидејќи секое мало мрдање придонесува за големи резултати и промени. Оваа платформа ја сочинуваат голем број невладини организации кои дејствуваат на различни полиња буквално низ целиот простор на земјава. Нејзината идејна цел досега ја препознаа многу респектибилни уметници, спортисти и музичари кои инспирираат акции во кои може да се вклучи секој граѓанин“, додаде Ана Зафирова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кисела Вода, Сопиште и Ѓорче Петров денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 08:00-13:00 часот дел од улицата Архитект Сотир Томовски, општина Кисела Вода;
· од 09:00-11:00 часот корисниците од село Гврлево, општина Сопиште;
· од 09:00-15:00 часот корисниците на ул. 101 во населба Волково, општина Ѓорче Петров.
Македонија
Без вода денеска дел од Бутел
Од ЈП Водовод и Канализација известуваат дека денеска поради изведување на водоводен приклучок ф-225мм на Радишанска Лево бб (Бел Камен), општина Бутел, прекинато водоснабдување ќе имаат корисниците од истата улица.
Водоснабдувањето ќе биде прекинато од 10:00 часот до завршување со санација на дефектот.
Македонија
Променливо облачно, во утринските часови повремен локален дожд, а во текот на денот кратки сончеви периоди
Времето денеска ќе биде променливо облачно, во утринските часови со повремен локален дожд, а во текот на денот со кратки сончеви периоди. Кон крајот на денот и во текот на ноќта повторно ќе има локални врнежи од дожд, а на повисоките планини од дожд и снег. Ќе дува умерен ветер од јужен правец. Минималната температура ќе биде во интервал од 2 до 6, а максималната ќе достигне од 9 до 14 степени.
Во Скопје, променливо облачно со повремени врнежи од дожд, особено во утринските часови и кон крајот на денот. Ќе дува слаб до умерен ветер од југоисточен правец. Минималната температура ќе се спушти до 5, а максималната ќе достигне до 12 степени.
Времето во наредните денови
Продолжува периодот на променливо облачно време со повремени врнежи од дожд, кои локално ќе бидат пообилни. На повисоките планини врнежите ќе бидат од снег. Поради продор на постуден воздух и засилен северен ветер во почетокот на новата седмица врнежите од дожд ќе преминуваат во врнежи од снег и на некои од повисоките места.

