Македонија
(Видео) „Прекинете ја седницата“ – Крмов од Левица скрши монитор, со Апасиев фрлаа амандмани кон Мисовски

До инцидент дојде попладнево во Собранието, пришто пратениците од Левица ги фрлаа нивните амандамни кон потпретседателот на Собранието Горан Мисовски.
Пратеникот Борислав Крмов изреволтиран го искрши мониторот на масата на Мисовски, ги откорна микрофоните, и почна да фрла листовите, а потоа му се приклучи и Димитар Апасиев.
Крмов побара збор кога се дискутираше за измена на Деловникот и побара од потпретедателот на Собранието да ја прекине седницата.
„По член 152 нашите амандмани не се ни доставени, по кој основ се отфрелни, немаат ни архивски број. Исти се како оние 1.800 што беа прифатени. Како што гледате, ова се оригинали. Мора да ја прекинете седницата. Мора да има некој ред во ова Собрание. Прекинете ја седницата“, рече Крмов.
„Мора да ја прекинете седницата. Готово. Прекинете ја седницата оти ова на ништо не личи. Има ли тука пратеници или вие што сакате ќе правите“, додаде Крмов додека фрлаше хартии.
Инцидентот се случи откако 87 пратеници не го прифатија барањето на Левица да се повлече деловникот од денешната расправа.
По инцидентот Левица се огласи на социјалните мрежи.
„На собраниската седница, двајцата пратеници на Левица со фрлање на амандмани ја прекинаа седницата со пола час пауза! Широката коалиција СДС-ДУИ-ДПМНЕ насилничнички и неделовнички ги одби амандманите на Левица. Единствената опозиција во Собранието ДЕНЕС физички ќе ја брани македонската демократија од трите квинслишки партии!“, велат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.