Македонија
(Видео) Ристова: ВМРО-ДПМНЕ бесрамно излажа и ширеше паника дека во државата има отровен зеленчук

ВМРО-ДПМНЕ го проби дното кога е во прашање пласирање лажни вести и дезинформации. Цел викенд партијата предводена од Христијан Мицкоски бесрамно и скандалозно лажеше дека на македонскиот пазар, на македонските трпези има отровен зеленчук, изјави на денешната прес-конференција, Лолита Ристова, пратеничка на СДСМ.
Со тоа, оваа партија свесно ширеше паника и предизвикуваше вознемиреност кај граѓаните.
„Таквите скандалозни тврдења, се покажаа како целосно невистинити. Во Македонија во продажба нема зеленчук или овошје од увоз што не се безбедни за консумирање и тоа е потврдено согласно со стандардните процедури на надлежните институции. Со тоа се демантира уште една лага од белата палата, која единствено цел имаше да создаде паника кај граѓаните и недоверба кон институциите“, вели Ристова.
Оценува дека за сите изнесени лаги Христијан Мицкоски и ВМРО-ДПМНЕ ниту еднаш не собраа храброст да ѝ се извинат на јавноста.
„Истото ова го гледаме и сега, наместо извинување, ВМРО-ДПМНЕ продолжува да ги надградува лагите што веќе се демантирани. Ова е класичен пример за неодговорност кон сопствените граѓани, кон сопствениот народ, доказ дека партијата предводена од Мицкоски не се грижи ниту за своите сограѓани ниту за својата држава. Деструкции, блокади, свесно пласирани лажни вести, тоа е сѐ што знае и може ВМРО-ДПМНЕ“, посочува таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.