Унијата на медицински сестри и техничари со своето бројно членство на овој начин ја користи можноста за да упати искрени честитки по повод 20-годишниот јубилеј на Лекарската комора, којашто е еден од важните фактори и чинители во две децениската посветеност на здравствената грижа и развој на медицинската струка во нашата земја.

„Вашата работа, посветеност и напори за унапредување на здравствениот систем во земјава се од исклучителна важност и достојни за почит. Но… Имајќи предвид дека и денес на одбележувањето на овој значаен јубилеј, којшто сестринската „фела“ со право го чувствува и како свој, Унијата на Медицински сестри и медицински техничари на Македонија, реагира на тенденциозноста во повторувањето на пропустите не само од вербален туку и од колегијално -професионален аспект.

Реагираме на обидите за системско и систематско минимизирање на уделот и вредноста на ангажманот на медицинските сестри, техничари, акушерки и стоматолошки сестри, во лекарските тимови, нивната секојдневна работа, отсуството на сестрите како рамноправни и незаменливи членови на тимовите при наградувањето и нивната (Не)ревалоризација ниту на дело а речиси постојано и ниту на збор!!!

Реагираме на: отсуството на вистинско заедништво и сплотеност, взаемно почитување и удостојувања на нашите напори за унапредување и законско регулирање на нашата професија, мотивирани од морални, финансиски, материјални услови во работната средина, но пред се од аспект на целосно и непречено извршување на нашата професија: грижата и негата за секој еден пациент без исклучок!

Доказ за непринципилната состојба којашто трае веќе 20 години, е денешното отсуство и во спомнувањето и во физичкото отсуство на претставници од професијата: медицинска сестра и медицински техничар, како во говорите и во официјалните обраќања, така и во протоколот при одбележувањето на јубилејот!

Ние медицинските сестри и медицински техничари во земјава, секогаш стоиме и работиме заедно со вас лекарите и императивно ги надополнуваме нашите професионални и човечки обврски како дел од секој здравствен тим на сите нивоа во нашиот здравствен систем иако мошне често, дури и од највисоките инстанци по разни поводи, оваа бројна професионална сила е ословувана само како „средно медицински кадар“!

Ние го подржуваме, афирмираме и се гордееме со секој индивидуален и колективен успех на лекарите во земјава, а со тоа и на Лекарската Комора, затоа што истото е истовремено и наш успех и наша гордост, а се во интерес на пациентите.

Денес, кога Лекарската комора слави 20 години од своето востановување и активност, мора да го поставиме прашањето: Зошто медицинските сестри не се вклучуваат и не добиваат законско и морално признавање за нивниот не помалку значаен придонес во секој тим во здравствениот систем?

И покрај високата професионалност потврдена низ едукативниот процес, а повторно непрепознаена во здравствениот ситем, покрај сложените и напорни услови на работното место, синдромот на прегорување, одговорноста и подготвеноста при вонредни состојби не само за време на Пандемијата со Ковид 19, правата и статусот на медицинските сестри и техничари остануваат и непрепознаени и нераволизирани од ниту еден аспект.

Недостигот на недвосмислена, отворена и адекватна поддршка од страна на лекарите а со тоа непосредно и на Лекарската комора, сметаме дека е една од пресудните пречки за недонесување на Законот за сестринска професија, а со тоа и на голем број на проблеми и недоречености, недостаток на лиценци и обуки, но и долготрјани хаотични сотојби не само во сестринската професија туку и во здравствениот систем воопшто, што секако не и служи на чест на земјава пред светот-т.е пред очите на Меѓународната заедница но уште пострашно пред очите на нашите пациенти!

Признанието на нашата улога мора да се огледа во конкретни акти и мерки на поддршка.

20 години јубилеј на лекарите и Лекарската Комора во земја во којашто медицинските сестри работат без лиценци, претставува поразителен факт за сите! Дали е во ред нашите лекари да работат во тимови кадешто дел од членовите работат без соодветна лиценца? Дали македонските пациенти го заслужуваат тоа?

За жал, се чини дека ваквиот индолентен и игнорантски однос кон една исклучително хумана и значајна професија, сродна и по суштина и по цел со лекарската, дефакто се случува и за жал најверојатно ќе продолжи и по одбележувањето на значајниот 20 годишен јубилеј на Лекарската Комора на Р.С. Македонија!

Време е за закон, лиценци и Комора на сестрите!

Ние, медицинските сестри, медицинските техничари, акушерки и стоматолошки сестри на Македонија, бараме и заслужуваме: исто препознавање и поддршка како и другите здравствени професионалци.

Нашата иницијатива за создавање на законски прописи кои ќе го регулираат нашиот статус, како и формирање на независна комора која ќе ги претставува нашите интереси, не е само оправдана, туку и неопходна.

Овие барања не се тесногради, туку напротив во интерес на целосно и дефинитивно решавање на состојбите на целокупниот здравствен систем.

Како здружение и Унија на медицинските сестри и медицинските техничари, ќе продолжиме да се бориме за правата на нашето бројно членство.

Цврсто веруваме дека само обединет труд и напор – од страна на сите здравствени работници – може да се обезбеди подобрување на условите за работа и признание на нашата професија.

Нека и во иднина, вашата работа биде успешна, во контекст на нашата заедничка цел: создавање подобри услови за сите здравствени работници а со тоа и подигнување на вредноста и грижата за секој пациент без исклучок!“, се вели во писмото од претседателката на Унијата на Здруженијата на Медицинските сестри, техничари, стоматолошки сестри и акушерки на Македонија, Гордана Бешлиовска.

„ Проектите што ќе бидат финансирани се околу 150 милиони денари во вториот повик, но и 150 милиони денари преку проектот и повикот којшто го објави Министерството за локална самоуправа ќе бидат финансирани во општина Неготино за инфраструктурни проекти и на тоа треба да се спомене и додаде дека на вчерашната владина седница помина проект за целосна реконструкција на улицата „29 Ноември“ во вредност од 36,5 милиони денари“, посочи денеска премиерот Христијан Мицкоски.

Во таа реконструкција, како што рече премиерот предвидена е атмосферска фекална канализација, потпорен ѕид и асфалт.

„Значи на тие 150 милиони имаме нови 36,5 милиони за Неготино со што ќе каже дека она коешто го ветуваме пред граѓаните и го исполнуваме. Така ќе продолжиме да работиме и во иднина, Македонија мора да биде повторно ваша на граѓаните, Неготино мора повторно да биде на неготинци“, заврши Мицкоски.

Жално е да се гледа како Венко Филипче кажува глупости и се излетува во јавноста со погрешни изјави и заклучоци. Под итно да ги отпушти советниците кои денес го натераа да збори невистини, а доколку тоа не го направи јасно е дека тој свесно и отворено манипулира, реагира ВМРО-ДПМНЕ по изјавите на претседтелот на СДСМ за гласањето во Обединетите Нации.

„Во еден момент Филипче вели цитираме “Македонија прифати да бидеме конспознори на американската резолуција, а потоа беше воздржана, прв пат влада која конспозорира потоа не гласа за резолуцијатa”. Она што Филипче не го знае и што е единствена вистина е дека Македонија и САД гласаа унисоно. Односно исто како и САД, Македонија гласаше воздржано за резолуцијата откако претходно беа прифатени амндмани кои не беа на линиција со резолуцијата која беше коспонзорирана и произведена од нашиот стратешки партнер САД“, појаснува ВМРО-ДПМНЕ.

Се додава дека терминот кој го користи Венко Филипче на прес-конференцијата дека Македонија скршнува од „eвропската надворешна стратегија”, ако неговите советници не знаат, тогаш јавноста мора да знае дека таков термин и таква стратегија воопшто не постои во надворешната политика.

Прес конференциите на Венко Филипче освен што се аматерски, и служат за засмејување, тие во основа се манипулативни и погрешни. Аман Венко не се брукај, себе и партијата. За советниците веќе знаеме какви ти се, се додава во реакцијата.