„Ги намалуваме нотарските и извршителските трошоци за граѓаните. По предлог на Владата на Република Македонија, предводено од СДСМ, усвоени се измените на Законот за нотаријатот и на Законот за извршувањето. Обезбедивме значително финансиско олеснување за сите граѓани на Република Македонија, за оние што се соочуваат со постапки пред нотари и извршители, а особено за најранливите сограѓани“, изјави Снежана Калеска-Ванчева, пратеничка од СДСМ и коалицијата.

Законите обврзуваат на донесување нови тарифи,со кои ќе се укинат 16 тарифни ставки.
Во постапките пред нотарите граѓаните што имаат долгови за комунални трошоци се ослободени од судските такси и од надомест за клаузула за правосилност и извршност. Нотарската награда ќе биде 10 отсто од главниот долг, но не повеќе од 500 денари.

„Со ова се остварува уште една клучна мерка од предизборната програма на СДСМ и од програмата за работа на Владата – олеснување на животот на сите граѓани во Република Македонија, намалување на трошоците и повеќе пари кај граѓаните. Трошоците што ги плаќаат граѓаните мора да бидат намалени и разумни, а не енормни, само така ќе изградиме фер и праведно општество. СДСМ како одговорна партија преку парламентарното мнозинство продолжува со фер и одговорни политики, кои обезбедуваат повеќе пари кај граѓаните, зголемување на семејните буџети и подобар животен стандард за сите“, додаде таа.