Македонија
(Видео) Силјановска со критики: Ако промената на Уставот е евроинтегративен фактор, ние ќе претседававме со ЕУ
![](https://makfax.com.mk/wp-content/uploads/2023/08/Screenshot-2023-08-18-at-13.17.31.jpg)
Пратеничката Гордана Силјановска-Давкова ги критикува уставните измени за вметнување на Бугарите во Уставот. Таа им рече на премиерот Димитар Ковачевски и на гостите од Владата присутни во салата со 61 пратеник да ги донесат измените, како што тоа го направиле кога гласаа заклучоци наместо преговарачката рамка. Според неа, ова што се бара од Македонија е спротивно на европските вредности, без кои Европската Унија нема да биде политички систем, туку машинерија на комесари. Децидна е: „Не можеме именик да правиме од преамбулата, патот до Брисел не може да води преку Софија“.
„Никогаш и никаде преамбулата не била гаранција или место за промоција на етнички идентитети, туку таа е филозофијата на Уставот, духот, метафизиката. Е, господа, духот го нема. Кога нешто менувате, не поради граѓаните и демократијата, туку поради тоа што некој што е заштитен тоа го бара, вие станувате ‘фауст’. Нормативниот дел го изгуби духот“, рече Силјановска-Давкова.
Таа рече дека легитимитетот за уставни измени го даваат граѓаните, а не Европската Унија.
„Прашањето е од кого ни извира легитимитетот за уставните измени, од граѓаните или од Европската Унија? Од каде го добивте легитимитетот? Да ве потсетам дека суверенитетот им припаѓа на граѓаните. Не треба ли да ги прашаме дали се за ваква измена? Вие, господа, гости од Владата, ги прифативте уставните измени и се согласивте да влезете во преговарачката рамка преку протоколот, ама заборавивте дека не сте законодавен орган и не можете законодавни обврски да преземете“, додаде таа.
Потсети дека од 2009 година Македонија добила најмалку 15 „да“ од ЕУ и ЕК. Немало забелешка од Бугарија.
„Јас честопати ги лажам студентите дека Уставот треба ретко да се менува со раце што треперат од одговорност, ама рацете ги искршија одредени пратеници во овој парламент менувајќи го Уставот. Ако промената на Уставот е евроинтегративен фактор, ние ќе претседававме со ЕУ. Ама сè уште не е така“, посочи Гордана Силјановска-Давкова.
Таа рече дека не смее да се зборува за изолација од страна на ЕУ.
„Не можам да не кажам и да ги потсетам пратениците од СДСМ на еден гуру Јирген Хабермас (германски филозоф и социјален теоретичар) кога зборува за уставен патриотизам. За жал, него го нема, но бевме сведоци дека Европа нè чекаше нас, односно претседателот на Собранието зад мене, кој нема никакво разбирање за уставен патриотизам. Се однесувавте како Гари Купер и дојдовте точно на пладне иако требаше да почнеме во 11 часот. Моето прашање е, што би рекол господинот Бадентер, некогашниот претседател на ЕК, кој ги оценуваше уставите, кога препорача да се усвои амандман на Уставот во кој ќе напишеме дека немаме територијални претензии и дека портите на европската заедница за нас ќе бидат отворени. И така, како во 101 приказна, истото го слушаме“, додаде пратеничката.
Децидна е дека пратениците од ВМРО-ДПМНЕ не се против ЕУ и Бугарија. Посочи дека таа има забелешка на сите три амандмани.
„Лаички е пристапот, дури и насловот е погрешен. Никаде нема устав во кој се зборува за делови од народи во кои се зборува за заштита на дијаспори надвор, па ние ќе ја штитиме бугарската дијаспора надвор, која е во вековен судир со македонската најава. Образложението ви е уставна катастрофа. Се повикувате на универзалната декларација за слободите и правата наместо на рамковната конвенција за заштита на правата на малцинствата и на конвенцијата за регионални и малцински јазици. Каде ви се тие експерти аматери?“, праша Силјановска-Давкова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.