Македонија
(Видео) Силјаноска-Давкова: Потребно е намалување на ДДВ и субвенционирање на угостителски капацитети

Носителката на листата во изборната единица 1 на ВМРО-ДПМНЕ и коалицијата „За Обнова на Македонија“ Гордана Силјаноска – Давкова денеска кажа дека владата на чело на СДСМ целосно го заборавила угостителскиот сектор и дека мерките кои ги носеше биле задоцнети, и недоволни со што моментално угостителскиот сектор се соочува со целосен крах.
„Владата го заборави угостителството или многу доцна виде дека угостителите имаат големи проблеми врзани за отсуството граѓани заради опасноста од зараза со Ковид 19. Потем реагираше но чинам дека реакциите на угостителите беа дека тоа целосно недоволно“, истакна Силјаноска-Давкова.
Таа како носителка на изборна единица 1 потенцираше дека ВМРО-ДПМНЕ има подготвено стратегија и мерки кои ќе значат заздравување на целокупната економија а со тоа и рехабилитирање на угостителскиот сектор.
„Останува значи за партијата или за коалицијата што ќе победи што значи за ВМРО-ДПМНЕ и коалиционите партнери да го спроведе она што е напишано во програмата. Дека е потребно во првите 100 дена да се посегне по една преодна стратегија за решавање на затечените проблеми или проблемите во тек врзани за економијата и за здравството што значи со ова врзано и статусот на угостителството„ појасни Силјаноска-Давкова.
Таа како носителка на изборната единица 1 на ВМРО-ДПМНЕ и коалицијата „За Обнова на Македонија“ истакна дека во програмата „Обнова“ ставени се проекти и мерки конкретни за угостителите како намалување на ДДВ и издвојување на секторот туризам од постојаното министерство за економија и присоединување со министерството за култура каде е вклучено и угостителството. Силјаноска – Давкова појасни дека е една од многуте мерки е и субвенционирање на угостителските капацитети кои би добиле статус зелени хотели и многу други проекти кои го засегаат овој сектор.
„Една идеа или една информација економистите експертите економски сметаат дека треба на патот на европеизацијата да бидеме стандардни и наместо министерство какво што имаме сега за економија во кое влегува и туризмот.Туризмот да се извлече од економијата и да се дислоцира во културата , тука го врзувам јас и угостителството во една своја димензија има врска исто така со туризмот и мислам дека на таа линија е добра. Мерката да се намали ДДВ што го плаќаат угостителите за да им се овозможи порамноправен настап на пазарот а ако се извлече како што велам туризмот тогаш да имаме едно класично европско министерство како што е министерство за индустрија , за трговија и за развој. Мислам дека е тоа добар потег“, појасни таа.
Силјаноска – Давкова рече дека ВМРО-ДПМНЕ ќе се стимулира и градење на човечки ресурси во туризмот односно стимулирање на вклучување на младите во овој сектор и воведување на категоријата работен час каде ќе се вреднува подеднакво и ноќниот труд за поттикнување на сезонскиот труд а и воедно за спречување на одлив на млади луѓе за време на летната сезона.
„Понатаму што е добро од она што го разговарам, тие сметат дека определбата програмска младите да можат part – time да бидат ангажирани се разбира со се сите давачки што следат во односот кон нив во угостителството. А за време на летниот распуст да можат и целосно да бидат вработени“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) СДСМ Прилеп: Заради протест на вработените, прилепчани останаа без градски превоз

„Систематски, како по книга, ВМРО-ДПМНЕ го уништува Прилеп! Неисплатената плата на вработените во Јавното претпријатие за просторни и урбанистички планови, е причина за тридневниот прекин на градскиот превоз во Прилеп. Како главни виновници за настанатата ситуација, вработените и директорот на јавното претпријатие ги посочија Општината, односно училиштата, кои на претпријатието му должат фантастични 7 милиони денари“, вели Саша Лепиткова, претседателка на Форум на жени на ОО СДСМ-Прилеп.
„Така, неспособноста на градоначалникот Борче Јовчески и аматерското водење на институциите од страна на директорите на ДПМНЕ, ги принуди прилепчани сами да се снаоѓаат и да го решаваат проблемот кој им го сервираше локалната власт.
Со тоа, после само два дена на виделина излегоа лагите за „успешното“ функционирање на локалните институции, кои преку таканаречениот „Отчет“ Јовчески и ДПМНЕ ги презентираа на партискиот „Саем на срамот“ во Скопје.
Лага е дека Општината набавила 5 нови минибуси за градскиот превоз, а уште поголема лага тезата за „огромните“ инвестиции во основните и средните општински училишта.
Да биде трагикомедијата поголема, токму лошото менаџирање на овие институции и нивната меѓусебна спрега, ги доведе во ќорсокак вработените во јавното претпријатие за просторни и урбанистички планови.
Граѓаните на Прилеп немаат никаква дилема дека актуелната владејачка гарнитура на ДПМНЕ, е најлошата од постоењето на градот.
После обврските од 6 милиони евра кои Јовчески и ДПМНЕ му ги оставаат на новиот градоначалник, после испустените јавни претпријатија, прашањето кое се наметнува е – ќе имаат ли време до крајот на мандатот да уништат уште нешто?“, изјави Саша Лепиткова, претседателка на Форум на жени на ОО СДСМ-Прилеп.
Македонија
Влада: Се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка

„По средбата на високо ниво меѓу вицепремиерот и министер за транспорт Александар Николоски и вицепремиерот и министер за транспорт на Бугарија, Гроздан Караџов, а понатаму и работните групи од двете земји, се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка“, велат од Владата.
„Во рамки на тие активности, денеска Владата на седница донесе одлука да се ефектуира Договорот за грант за техничка поддршка во висина од 3,7 милиони евра добиен од Европската Инвестициска Банка.
Со ова, избраниот Консултант во следниот период ќе изработи нова проектна документација, како и подготовка на тендерската постапка за избор на изведувач.
Дополнително да се забрзаат активностите, ЈП за Железничка Инфраструктура ќе започне постапка за избор на Надзор на изградбата.
Преку овие активности, Владата во континуитет покажува цврста заложба во реализација на стратешко-инфраструктурните проекти за државата.
Изградбата и модернизацијата на железничката мрежа е приоритет на Владата и во рамките на тие приоритети се преземаат засилени активности за доизградба на железницата на Коридор 8, како и изградба на брза пруга на Коридор 10.
Овие проекти кои имаат и регионално значење ќе ја позиционираат државата како транзит земја на Балканот- дел од европските транспортни рути со што бенефитот е повеќекратен.
Проектите за развој и модернизација на целокупниот железнички систем претставуваат стратешки проекти на државата за регионално поврзување, забрзан економски развој и отворање на нови пазари за домашните компании“, соопштува Владата.
Македонија
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ

„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува да се луксузира со народните пари. Не било доволно папаја, манго, аспарагус и други егзотични и прескапи овошја, Министерството за одбрана на Мисајловски склучило договори со пет компании за набавка на кафе, вино, ракија, мастика и други алкохолни пијалоци во вредност од 31.000 евра“, соопшти СДСМ.
„Во реалноста, народот не може да си дозволи ниту основни работи. Последните податоци покажуваат дека синдикалната потрошувачка кошничка достигна 65.507 денари, на граѓаните им се потребни речиси 3 минималнни плати за да ги покријат само основните трошоци. Многу производи се недостижни за голем број семејства во државата.
ВМРО-ДПМНЕ ја држи Македонија со најниската минимална плата во целиот регионот и упорно одбива да ги покачи платите и да ги намали цените кои се превисоки. Просечната плата е само една третина од европскиот просек, додека цените на основните производи достигнуваат до 60% од просекот во Европа.
Ваквата расипничка политика на власта е доказ дека Мицкоски и неговите министри се грижат единствено за сопствената удобност, а не за народот кој секој ден тоне во сиромаштија и едвај врзува крај со крај“, се наведува во соопштението на СДСМ.