Македонија
(Видео) Советниците на СДСМ во Карпош против висококатници во Тафталиџе

Советничката група на СДСМ не поддржува проекти со огромни висококаници да никнат во Тафталиџе.
Влатко Бислимовски, советник на СДСМ во Советот на Општина Карпош, рече дека тоа нема да го дозволат.
„Ова место во Карпош е главниот проток на воздух во градот и така треба да остане. Секако дека на Општина Карпош и се потребни инвестиции, меѓутоа на соодветно место и со соодветна инфраструктура. Најостро ги демантираме изјавите на советничките групи на ДПМНЕ и Левицата, кои заедно континуирано ја опструираат работата на Советот и на Општината спротивно на интересите на граѓаните. Опструкциите на ДПМНЕ со 4.000 амандмани за носење на буџетот не е бојкот за носење кој било ДУП ниту, пак, доказ за работа и посветеност, туку конкретна опструкција на работата на Советот и Општината“, рече Бислимовски.
Како што додаде, 4.000 амандмани, во кои на половина им е сменета само една бројка, се доказ за деструкција и бојкот на Советот за тотална нефункционалност на Општината.
„Ние како советници сме должни да работиме само и само во интерес на граѓаните, без никакви драми, одолжувања и бојкоти“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за камиони на регионалниот пат Дебар – Маврово

Од 06:50 часот поради врнежи од снег, воведена е забрана за сообраќај на товарни моторни возила на регионалниот пат Дебар – Маврово, извести АМСМ.
Од 06:45 часот сообраќајот на патниот правец село Живалево – село Туралево е нормализиран.
Македонија
Нормализиран сообраќајот на патниот правец Живалево – Туралево

Од 06:45 часот сообраќајот на патниот правец село Живалево – село Туралево е нормализиран, извести АМСМ.
Од 05:00 часот, поради одрон, сообраќајот на тој патен правец беше во прекин и се одвиваше наизменично, по една коловозна лента.
Македонија
Одрон на патниот правец Живалево – Туралево, сообраќајот се одвива по една коловозна лента

Од 05:00 часот на патниот правец село Живалево – село Туралево има одрон, сообраќајот се одвива наизменично по една коловозна лента.
Во 03:40 часот се укинува забраната за тешки товарни возила према превој Стража, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.