Македонија
(Видео) Социјалдемократите и либаралите од регионот децидни дека Западен Балкан мора да се интегрира во ЕУ
Северна Македонија е домаќин на завршниот настан на регионалната академија за прогресивни политики од земјите на Западниот Балкан, „ПрогВеБ“. Меѓународната конференција, насловена „Еден Балкан кон ЕУ“ има за цел, да ги обедини социјалдемократите и либералите од Западниот Балкан во надминување на предизвиците со кои се соочува Западниот Балкан во неговата цел да се интегрира во Европската Унија.
Домаќин на конференцијата е претседателот на СДСМ, Зоран Заев, а меѓу повеќето говорници, свои обраќања имаа: претседателот на ЛДП, Горан Милевски, европратениците Тонино Пицула и Тања Фајон, претседателот на СДП Хрватска, Давор Бернардиќ, заменик претседателката на СДСМ, Радмила Шеќеринска, потпретседателката на СДСМ, Мила Царовска и претседателот на СДММ, Дарко Каевски.
Главната порака која ја испратија сите говорници е дека Северна Македонија мора силно да продолжи на својот пат кон интегрирање кон Европската Унија, заедно со Албанија, Србија, Црна Гора, Косово и Босна и Херцеговина. Европеизацијата на Западниот Балкан е процес кој треба силно да се движи напред, за доброто на сите граѓани од земјите од Западниот Балкан. Европската Унија и Балканот се тесно поврзани во својата култура и вредностите. Само обединет балкан може црвсто да гази напред кон Европската Унија и кон целосно интегрирање на регионот!
На лидерската сесија, лидерите на политичките партии од регионот се согласија дека одлуката на Европката Унија за неотпочнување на преговори за Северна Македонија и Албанија е погрешна и треба да биде исправена час поскоро. Низ интеграциите и низ позитивните промени, нашите општества добиваат многу, но најмногу добиваат нашите млади, кои повторно гледаат иднина и перспектива во своите домашни земји.
Социјалдемократските и либералните вредности, не само што ќе овозможат брза интеграција на земјите од Западниот Балкан, туку ќе донесат и многу сериозен бенефит за граѓаните на нашите земји, како сериозни работнички права, загарантирана минимална плата и силни социјални реформи. Секој човек е роден еднаков и без разлика на сите работи, секој човек заслужува еднаква можност за успех.
На маргините на конференцијата се одржаа и повеќе билатерални средби, фасцилитирани и поддржани од организаторите, политичките тинк-тенкови: Прогрес институт за социјална демократија, Фондацијата Борис Дивковиќ, Фондацијата Ќемал Стафа, Центарот за модерни вешнити и Форумот на леви иницијативи. Целта на билатералните средби беше поврзувањето и остварувањето на врски помеѓу лидерите на социјалдемократските и либералните партии од регионот, европратеници и меѓународните секретари на шведската социјалдемократска партија и либерална партија. Овие новоизградени мостови ќе ја зајакнат регионалната соработка, но и ќе обезбедат јасен пат на нашата земја кон Европската Унија.
Конференцијата „Еден Балкан кон ЕУ“ е завршниот настан на првата генерација на младинската едукативна програма „Прогресивни политики во Западниот Балкан – ПрогВеБ“, организирана од пет политички тинк-тенкови: Прогрес институт за социјална демократија, Фондацијата Борис Дивковиќ, Фондацијата Ќемал Стафа, Центарот за модерни вешнити и Форумот на леви иницијативи, поддржани од Олоф Палме меѓународниот центар и Меѓународната фондација на центристичката партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
МВР: Во целост ја гарантираме безбедноста на граѓаните во насока на спроведување на фер и демократски „Локални избори 2025“
Министерството за внатрешни работи во пресрет на „Локални избори 2025“ континуирано презема мерки и активности во рамки на своите надлежности со цел непречено и безбедно спроведување на изборниот процес.
„Согласно направените проценки и воспоставените планови на денот на изборите полициските службеници ќе бидат присутни во близина на локациите на избирачките места, како и на клучните сообраќајни точки, со цел зголемена ефикасност и навремено откривање на можни нарушувања на јавниот ред и мир. Безбедноста на граѓаните ќе биде гарантирана со стандардните материјално технички средства, мобилни тимови и пунктовско работење, а ќе се користи и современа технологија – дронови за воздушна контрола со цел побрза реакција и преземање на соодветни мерки и активности во случај на инциденти“, велат од Министерството за внатрешни работи.
МВР апелира до сите граѓани и до политичките партии, да придонесат за мирна и демократска атмосфера, да ги почитуваат упатствата на полициските службеници и да се воздржат од било какви активности кои би можеле да го нарушат изборниот процес.
Во текот на изборниот ден, МВР соодветно ќе ја информира јавноста за одвивањето на изборниот процес.
Македонија
Филипче: Прочитан е Мицкоски, обидот за партизација на судството нема да помине
„На Мицкоски му одговара партизирано судство преку кое ќе може да влијае на одлуките, и тоа не е ништо ново, граѓаните веќе го виделе тоа, а некои и го почувствувале на своја кожа“, истакна претседателот на СДСМ Венко Филипче на граѓанскиот собир „Се бориме за нашиот дом“ во Чучер Сандево.
Филипче нагласи дека Мицкоски очигледно нема волја за реформа на судството, а одговорноста е исклучиво само кај него.
„Од уста не ги вади обвинителите, судиите, на кои им се закануваше јавно дека ќе ги избрка, дека ќе ги замени со други, дека не ја заслужуваат платата, но ништо суштински не презема за да се реформира правосудството. Театрални изјави без ниту еден донесен закон од реформската агенда за вистинско реформирање на правосудниот систем“, рече Филипче, додавајќи дека оваа власт не мисли добро на народот и државата.
„Власта на ВМРО-ДПМНЕ ја турка државата назад – во изолација, хаос и страв. Тие не нудат визија, нема иднина, го нудат минато. Го партизираат секој систем, ги злоупотребуваат институциите, ги забораваат граѓаните. Наместо ред и развој, ароганција, луксуз, корупција“, рече Филипче, нагласувајќи дека борбата за нашиот дом е борба за вредности и достоинство.
„Македонија не се брани со пароли и навреди, туку со резултати, со силни институции и со чесна власт. Овој патриотизам на Мицкоски со викање, навреди, поделби на народот и национализам не може да донесе ништо добро на државата и граѓаните. И токму затоа, СДСМ мора повторно да стане гласот на разумот, на народот и на иднината. Да ја врати државата таму каде што ѝ е местото — во рацете на граѓаните“, порача претседателот на СДСМ Венко Филипче од граѓанскиот собир во Чучер Сандево.
Македонија
Без струја делови од Кисела Вода
Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)
(Видео) Русија: Нападнавме украински аеродром каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп-Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади Томахавки на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин, ја споменал можноста Украина...
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...
Дописник на Би-би-си: Заборавете на Томахавките, состанокот Трамп-Путин е ладен туш за Украинците
Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....
Шукова: Време е за резултати, уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
