Македонија
(Видео) Со средства од ЕУ отворен новиот објект на Одделот за форензички испитувања на МВР
Денеска, во кругот на МВР, свечено беше пуштен во употреба новиот објект на Одделот за форензички испитувања при МВР, капитален проект со ИПА-средства од пристапната помош на Европската Унија.
На настанот свое обраќање имаа претседателот на Владата, Димитар Ковачевски, министерот за внатрешни работи, Оливер Спасовски, како и амбасадорот на Делегацијата на Европската Унија во Северна Македонија, Дејвид Гир.
Ковачевски рече дека првпат во историјата на службата за форензички испитувања на високо ниво се унапредуваат условите за работа на припадниците на МВР, а од друга страна, овие модерни и добро опремени форензички лаборатории ќе бидат корисна алатка на полицијата и на правосудниот систем во борбата со криминалот, што ќе резултира со поквалитетна истрага и зголемена откривачка дејност.
„Ова овозможува нашата полиција да биде во чекор со современите постапки, европски практики и стандарди. Градиме институции во Северна Македонија како земја членка на НАТО, земја на патот кон Европската Унија, да бидат подготвени соодветно да одговорат на предизвиците што ги наметнуваат геополитичките случувања. Безбедносните предизвици, криминалот и корупцијата не се разликуваат од оние со кои се соочуваат полициите во регионот, во Европа, затоа на врвот на приоритети на Владата е да ја развиваме и унапредуваме полициската служба“, истакна премиерот Ковачевски во своето обраќање.
Спасовски рече дека во тек на долгогодишниот развоен процес македонските форензички лаборатории постојано се модернизираат, а се имплементираат и меѓународни стандарди од областа на форензичкото работење. Одделот за форензички испитувања, вели Спасовски, е акредитиран во согласност со барањата на меѓународниот стандард ISO 17025 за компетентно, непристрасно и доследно работење на лабораториите.
„Паралелно со опремувањето на форензичките лаборатории со современа опрема, зголеменото потпирање на научни докази бараше и соодветни просторни капацитети за целосно практично ефектуирање на надлежностите на лабораториите. Тоа е диктирано и од зголемување на обемот на работа во лабораториите, а во исто време и од воведувањето лабораториски операции, кои се со зголемена сензитивност и прецизност“, рече министерот Спасовски.
Притоа тој истакна дека објектот е изграден со средства од ЕУ-националната ИПА-програма.
„Целта на овој проект беше изградба на нова зграда за потребите на Одделот за форензички испитувања, со потребните лаборатории, опремени со електронска контрола на пристап, специјални огноотпорни врати, аларми и апарати за гаснење пожар, видеонадзор, заштитени прозорци, соодветен систем за вентилација, како и соодветни простории за складирање. Со новите простории се обезбедува доволен простор за складирање, третирање, обработка и архивирање докази, што ќе овозможи правилно спроведување на оперативните процедури и системите за контрола во согласност со веќе дадените препораки, со што се утврдуваат основите за акредитација на лабораторијата според стандардите на ЕУ“, истакна министерот Спасовски додавајќи дека ова е уште една алка во низата проекти што се имплементираат во соработка со Европската Унија, а потсети и на 80 реконструкции на објектите на МВР на територијата на целата држава.
Министерот Спасовски, изразувајќи благодарност до Европската Унија за сесрдната поддршка во изградбата на објектот, потенцира дека изградбата на новиот објект за форензички испитувања претставува значајна капитална инвестиција за иднината на македонската форензика и ја покажува одлучноста на Владата и МВР во борбата против криминалот. „На мое огромно задоволство денеска можам да кажам дека ја добивме најголемата и најсовремена форензичка лабораторија на Балканот. Овој влог е директна потврда за поддршката што ја имаме во пристапните преговори, што претставува дополнителен мотив цврсто да опстоиме на нашите интенции за интеграција во Европската Унија“, рече министерот Спасовски посакувајќи им успех на вработените во Одделот за форензички испитувања во секојдневното работење.
Амбасадорот на Делегацијата на Европската Унија во Република Северна Македонија во своето поздравно обраќање рече дека ЕУ постави минимални стандарди за форензичките практики во сите земји членки, стандарди што се очекува да бидат имплементирани и од идните членки.
„Овој проект има цел да го постигне токму тоа. ЕУ обезбеди специјализирана форензичка опрема и ја финансира изградбата на зградата во која е сместен овој оддел, во вредност од 3,6 милиони евра. Овој проект е само дел од големата помош на ЕУ за полициските реформи, што е една од најпредизвикувачките задачи што една влада може да ги преземе на патот кон интеграцијата во ЕУ. И тоа е дел од реформата на владеењето на правото – напредокот на кој ќе го одреди темпото на пристапување“, истакна амбасадорот Гир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Честитки од ЕУ и САД до Силјановска-Давкова за победата на претседателските избори
Пристигнуваат честитки од Европа и САД за големата изборна победа на Гордана Силјановска-Давкова.
Вчера, со своја честитка за професорката Гордана Силјановска-Давкова се огласи и амбасадорката на Швајцарија во Македонија, Вероник Улман. Во нејзината честитка стои:
„Искрено и честитам на Македонија за фер и демократските избори. Честитки за госпоѓата Гордана Сиљановска-Давкова на изборот за првата жена претседателка. Швајцарија со нетрпение очекува да ја продолжиме блиската соработка помеѓу нашите две земји.“
Професорката Давкова упати благодарност за честитките. Во нејзиниот одговор е наведено:
„Почитувана амбасадорке Улман, Ви благодарам на Вашите честитки. Женската солидарност особено ми значи. Нашите две земји имаат одлична соработка и со задоволство очекувам да работиме на зацврстување на македонско-швајцарските односи.“
Честитки до професорката Гордана Сиљановска-Давкова за историскиот избор за прва жена претседателка на Македонија, денеска, на социјалната мрежа Х упати сенаторката од Њу Хемпшир, Џин Шахин. Во нејзината честитка стои:
„Честитки за Гордана Сиљановска-Давкова, првата избрана жена за претседателка на Македонија. Како силен НАТО сојузник, со нетрпение очекувам да работам со Вас, особено за поддршка на вашите напори за членство во ЕУ.“
Професорката Гордана Сиљановска-Давкова се заблагодари на честитките, истакнувајќи го следново:
„Почитувана сенаторке Шахин, Ви упатувам благодарност за Вашите честитки. Секогаш ја потенцирам важноста на женската солидарност. На тој начин ние инспирираме! Со особено задоволство очекувам да ја прошириме нашата соработка и нашето стратешко сојузништво во НАТО, како и да ги продлабочиме пријателските македонско-американски односи.“
Честитки по повод победата на професорката Гордана Сиљановска-Давкова стигнаа и од Европската Унија. Професорката Сиљановска-Давкова упати јавна благодарност преку следното соопштение:
Денеска, како избрана претседателка, добив официјално соопштение од Европската Унија со кое ми се честита победата на изборите.
Темелот на мојата на кампања беше градењето на КОНСЕНЗУС помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики.
Нашиот клучен стратешки проект е Европската интеграција и истата останува да биде темел за градењето на консензус помеѓу различните чинители во општеството.
Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија.
Проширувањето останува најголемото надворешно политичко достигнување на Унијата и во овој клучен час за Европа, повикувам на продолжување на пристапниот процес базиран на најважните европски вредности и основните принципи на основачките договори на Европската Унија, меѓу кои се владеењето на правото, демократијата и почитувањето на идентитетот на сите европски граѓани и народи.
Како еден од основачите на Европското движење во Македонија (и поранешна Југославија), повеќе од 30 години работам посветено на процесот на евроинтеграција преку афирмација на европските вредности во нашето општество, како и на конкретни граѓански иницијативи за реформи во повеќе сектори, како правосудството, здравството, образованието, безбедноста итн. Особено потенцирам дека секогаш сум се залагала за активно вклучување на граѓаните како клучни чинители во пристапниот процес кон ЕУ.
Вчера, на 9 мај го прославивме Денот на Европа, потсетувајќи се на големата идеја на Шуман, за европско обединување базирано на мир и солидарност, јадрото на денешната Европска Унија. Таквата силна симболика е мојот прв и основен принцип по кој ќе се водам како претседателка.
Со нетпрение очекувам да ја продолжам соработка со Европската Унија за конечно заокружување на европската интеграција на целиот регион.
Честитки на македонски јазик за победата на проф. д-р Гордана Сиљановска-Давкова, завчера, 9 мај 2024 година на социјалната мрежа фејсбук, упати претседателот на Република Франција, Емануел Макрон. Во честитка се потенцира француската поддршка за Македонија кон целосна евроинтеграција при што е наведено следново:
„Се отвора нова страница кај нашите македонски пријатели. Ја поздравувам храбрата посветеност на Стево Пендаровски, а на Гордана Сиљановска-Давкова ѝ ги упатувам моите срдечни честитки за изборот за Претседател. Франција остнува на страната на Македонија за да ја придружува во реформите и нејзината европска иднина.“
Професорката Гордана Сиљановска-Давкова упати благодарност за честитиката на македонски и на француски јазик, истакнувајќи ја улогата на Франција како една од основачите на ЕУ и потенцирајќи дека како претседателка ќе се залага за градење на консензус кој ќе овозможи македонските граѓани да живеат европски. А исто така, ја потенцира и билатералната соработка за зајакнување македонско-француските односи. Во одговорот на професорката Гордана Сиљановска-Давкова стои:
„ Претседателе Макрон, Ви благодарам за честитките! Франција, како една од земјите основачи на ЕУ има најважна улога и одговорност за успех на европскиот проект. Вашата поддршка се надевам ќе го отвори патот на Македонија кон Европа, а она што можам да се заложам е дека ќе градам консензус за реформи кои ќе им овозможат на македонските граѓани да живеат европски. Воедно, како две пријателски земји во мојот мандат ќе работам на зајакнување на билатералните односи, особено економската, културната и научната размена.“
Пријателска честитка на изборот за претседателка на проф. д-р Гордана Сиљановска-Давкова упати претседателот на Република Унгарија, Тамаш Суљок . Во честитката на унгарскиот претседател стои:
„Честитки за Гордана Сиљановска-Давкова на изборот за нова претседателка на Македонија. Со задоволство очекувам да соработуваме и да ги зајакнеме нашите билатерални односи.“
Благодарност за честитката изрази професорката Гордана Сиљановска-Давкова потенцирајќи ја важноста на европската интеграција. Во нејзиниот одговор на унгарски и на англиски јазик, наведено е следново:
„Почитуван претседателе Суљок, Ви благодарам на Вашите честитки. Да ја продолжиме нашата соработка во насока на зацврстување и продлабочување на нашите одлични македонско-унгарски односи и да работиме заедно на заокружување на проектот за европска интеграција.“
Целосната кореспонедција по повод честитките до проф. д-р Гордана Сиљановска-Давкова може да ја проследите на нејзините профили на социјалните мрежи.
Македонија
Променливо облачно и потопло време со сончеви периоди
Променливо облачно и потопло со сончеви периоди. Попладне ќе има локален слаб дожд. Ќе дува слаб до умерен ветер од северен правец. Минималната температура ќе биде во интервал од 4 до 11, а максималната ќе достигне од 20 до 26 степени.
Во Скопје променливо облачно и потопло со сончеви периоди. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 24 степени.
Во следните денови времето ќе биде променливо облачно со сончеви периоди. Во попладневните часови ќе има локална појава на нестабилност со пороен дожд и грмежи, особено во вторник.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Израел ги повика Палестинците од централниот дел на Рафа да се евакуираат, повеќе од 150.000 луѓе веќе го напуштиле градот
Израелската армија утринава ги повика жителите на населбата во централниот дел на градот Рафа во јужниот дел на Појасот Газа...
Честитки од ЕУ и САД до Силјановска-Давкова за победата на претседателските избори
Пристигнуваат честитки од Европа и САД за големата изборна победа на Гордана Силјановска-Давкова. Вчера, со своја честитка за професорката Гордана...
„Тоа беше несреќа“ – Новак Ѓоковиќ проговори и откри како се чувствува по инцидентот со шишето
Новак Ѓоковиќ се огласи по непријатноста што ја доживеа кога го напушташе теренот во Рим, и потпишувајќи автограми случајно беше удрен...
ОН го предупредија Израел да не го напаѓа Рафа: Тоа би предизвикало епска хуманитарна катастрофа
Генералниот секретар на Обединетите нации, Антонио Гутереш ја предупреди израелската армија да не го шири нападот врз градот Рафа во...
САД: Можно е Израел да го прекршил меѓународното право со нашето оружје
Администрацијата на американскиот претседател Џо Бајден вчера објави дека Израел можеби користел оружје добиено од САД со кршење на меѓународното...
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува...
Мицкоски на средба со коалицијата: доби поддршка за почнување преговори за состав на идната влада
Претседателот на ВМРО-ДПМНЕ, Христијан Мицкоски, денеска оствари средба со претседателите на партиите во состав на коалицијата „Твоја Македонија“. Беше констатирано...
Пеевски до Мицкоски: Од вас се очекува правилно да го исполните договорот, Бугарија направи голема работа
Нема да дозволиме Бугарија да се користи за внатрешнополитички цели во Северна Македонија, наведува претседателот на ДПС од Бугарија, Дељан...
Главчев: Се надевам дека Северна Македонија ќе ја продолжи европската перспектива, повеќе нема да правиме отстапки
Се надевам дека Северна Македонија ќе ја продолжи својата европска перспектива. Од наша страна, немаме каде да правиме повеќе отстапки....
Џафери не кажа дали е подготвен да оди во опозиција: Тоа е прашање што зависи од исходот на преговорите за состав на нова влада
По отчетот за 100-те дена техничка Влада, техничкиот премиер Талат Џафери вели дека е фокусиран на обврските од сегашната Влада,...
(Видео) Првиот премиер Албанец на Македонија: Со мирна совест можам да кажам дека она што го најавив пред сто дена и го спроведов
Претседателот на Владата, Талат Џафери, на денешната прес-конференција рече дека се обврзал пред граѓаните оти ќе овозможи слободно изразување на...
Апасиев: Некои битки мора да ги водиме повеќе од еднаш за да можеме да победиме
„Нашиот успех на овие историски парламентарни Избори 2024 и освојувањето на шест мандати во Собранието на РМ е доказ за...
Падна дрво во населбата Автокоманда во Скопје
Преку Единствен повикувачки број за итни случаи 112 во ЦУК е добиена пријава за паднато дрво на булеварот „Александар Македонски“...
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот...
Германски министер: И Берлин размислува за забрана за испраќање оружје во Израел
Германскиот министер за одбрана, Борис Писториус, рече дека Берлин размислува за слични чекори по американската закана дека ќе запрат дополнителни...
Орбан по средбата со кинескиот претседател: Ја прошируваме соработката и во нуклеарната индустрија
Кина и Унгарија ќе тргнат на „златно патување“ во билатералните односи, изјави кинескиот претседател Си Џинпинг по средбата со унгарскиот...
Зеленски и ја честиташе победата на Гордана Силјановска Давкова
Денеска, 9 мај 2024 година, на социјалната мрежа „Икс“ по повод големата победа на професорката Гордана Сиљановска-Давкова на претседателските избори,...
(Видео) ДИК ги соопшти првичните официјални резултати од Претседателските и Парламентарните избори
Претседателот на Државната изборна комисија, Александар Даштевски, ги објави првичните резултати од одржаните претседателски и парламентарни избори. Гордана Силјановска Давкова...
ВМРО-ДПМНЕ ги постави контурите за коалирање со партиите – во фокусот се три точки
Претседателот на ВМРО-ДПМНЕ, Христијан Мицкоски, информира дека претпладнево одржал состанок, на кој биле поставени контурите на рамката врз која ќе го...
Нов состав на Собранието ќе биде избран во следните 20 дена, инаугурацијата на Силјановска-Давкова најдоцна викендов
По завршувањето на парламентарните избори, следен чекор е мандатот на новиот собраниски состав да биде верификуван од ДИК. Во согласност...
