Македонија
(Видео) Спасовски: Граѓаните да пријават ако некој да им се заканува да не излегуваат на референдум
,,Полициската станица што се наоѓа на територијата на општина Бутел има значителни позитивни резултати во изминатата година во намалувањето на криминалитетот и особено во делот на регулирањето на сообраќајот”, рече министерот Оливер Спасовски по денешната посета на општина Бутел.
,,Сакам да им се заблагодарам на граѓаните од оваа општина што придонесоа да покажеме дека можеме да го средиме сообраќајниот хаос кој постоеше и ги повикувам и понатаму да бидат партнери на македонската полиција. Со градоначалникот на општина Бутел разговаравме околу нашите заеднички надлежности. Благодарам што градоначалникот има разбирање за обезбедување на место за изградба на нова полициска станица, што ни е потребна за да ги подобриме условите за работа на полициските службеници и се надевам дека многу скоро ќе имаме можност да започнеме со реализација на едне ваков значаен проект“, рече Спасовски по средбата со градоначалникот Велимир Смилевски.
На средбите во полициската станица и во локалната самоуправа се разговараше и за референдумот на 30 септември. ,,Ова е историски миг за нашата држава. Апелирам ако кој било се заканува на кој било граѓанин да не излегува на референдум, граѓаните тоа да го пријават во најблиската полициска станица. Несомнено е дека и граѓаните од општина Бутел се подготвени да и дадат шанса на Република Македонија и да ги поддржат ЕУ и НАТО интеграциите”, рече Спасовски.
Тој рече дека МВР ги презема сите неопходни мерки за претстојните посети на високи странски делегации, а самите посети се доказ за поддршката што Република Македонија ја има од меѓународната заедница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајка на патот Радовиш – Штип, сообраќајот во прекин
Од 18:05 ч. сообраќајот на магистралниот пат Радовиш – Штип, во близина на „Алкопласт“, е во прекин поради сообраќајна незгода, соопшти АМСМ.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Владата ќе ја одбележи 121 годишнината од смртта на Гоце Делчев
Владата на Република Северна Македонија, на 04.05.2024 година (сабота), ќе ја одбележи 121 годишнината од смртта на Гоце Делчев со положување свежо цвеќе на неговото вечно почивалиште, во црквата „Св.Спас“,Скопје.
По тој повод, во 10:30 часот, свежо цвеќе ќе положи претседателот на Република Северна Македонија, Стево Пендаровски, владина делегација предводена од Славјанка Петровска, министерка за одбрана во Владата на Република Северна Македонија, Каја Шукова, министерка за животна средина и просторно планирање во Владата на Република Северна Македонија.
Македонија
Димитриевски во Тетово: Ја бараме поддршката на граѓаните на претстојните избори за работите во Македонија да не бидат како досега
Претседателот на Движењето ЗНАМ – За наша Македонија, Максим Димитриевски денеска беше во Тетово, каде што со носителот на листата на кандидати за пратеници во ИЕ 6, Небојша Захариески и останатите кандидати, ја промовираа програмата на Движењето за претстојните парламентарни избори „Проглас за достоинствена Македонија“.
Димитриевски во изјавата за медиумите рече дека Движењето ЗНАМ – За наша Македонија се етаблираше како нова политичка сила на македонскиот политички простор токму со поддршката на граѓаните.
„Ја претставуваме програмата и ја бараме поддршката за нашите кандидати за пратеници предводени од господин Небојша Захариески во ИЕ 6. Јас знам дека никогаш повеќе ЗНАМ нема да дозволи нештата во државата да бидат исти. Ќе бидеме коректив на идната власт, но и на идната опозиција. Нашиот број секојдневно се зголемува, а и поддршката од граѓаните е се поголема и верувам дека заедно ќе успееме да ја вратиме државата таму каде што припаѓа, во рацете на граѓаните“.
Тој ги повика граѓаните масовно да ја дадат својата поддршка на Движењето ЗНАМ – За наша Македонија, на носителот на листата во ИЕ 6, Захариески, како и на сите кандидати за пратеници.
Со тоа, рече Димитриевски, граѓаните го даваат својот глас од граѓанин за граѓанин. Ние сме политички субјект кој расте токму со граѓанската поддршка. Продолжуваме понатаму со позитивни промени во државата, со позитивни промени во Македонија.
Носителот на листата во ИЕ 6, Небојша Захариески, рече дека со она што го нудат во програмата „Проглас за достоинствена Македонија“ сакаат да ги вратат илинденските и асномските темели на државата.
„Сакаме да ја направиме државата самоодржлива, со што ќе биде и самостојна. Сакаме да градиме стабилни меѓуетнички односи, а Тетово е симбол за добар соживот“, рече Захариески.
Тој додаде дека нивна цел е добро владеење, правна држава, како и запирање на клиентелизмот, непотизмот и корупцијата, со што, како што рече, ќе го дадат својот максимум за Македонија.